ཧ་ཅང་གྲང་ངར་དང་ཙག་རླུང་གིས་གཙེས་པའི་དགུན་ཟླ་རིང་མོའི་རྗེས་ན་དཔྱིད་དཔལ་རིང་མོ་ཞིག་ཚེས་རྒྱུ་ཡོད་པ་གཏན་ཁེལ་རེད། དེ་ནི་ཆོས་ཉིད་ཀྱིས་འགྲོ་སྟངས་ཞིག་རེད།[加油]

ས་མིག་ཡངས་ཤིང་འགྲོ་ལམ་རྩུབ་པ།།
བཏབ་པའི་བརྩེ་དུངས་རྟག་བརྟན་དཀའ་བ།།
བསགས་པའི་འབྲས་བུ་སྤྱོད་ལོང་མེད་པ།།
འདི་དག་བདག་གིས་བཞེས་པའི་མི་ཚེ།།
རྐང་བརྒྱ་རྡོག་ལམ་གཅིག་གི་སྟེང་ཡིན།།
མགོ་བརྒྱ་མི་ཁ་གཅིག་གི་འོག་ཡིན།།
ཀླད་བརྒྱ་གྲུབ་མཐའ་གཅིག་གི་འཁོར་ཡིན།།
ལུས་བརྒྱ་གང་ཟག་གཅིག་དབང་ཡིན།།
འདི་དག་བདག་གིས་མྱངས་བའི་མི་ཚེ།།
ཟང་ཟིང་གཡབ་མོས་རྟག་ཏུ་དེད་འོང་།།
གཡེང་བས་བསླུ་བྲིད་ལྡོག་ཐབས་བྲལ་བ།།
དུས་ཚོད་བང་ལ་སྙེག་ཐབས་དཀའ་བ།།
འདི་དག་ང་ཡིས་ཤོར་བའི་མི་ཚེ།།
འཛེམ་ཡང་མི་ཁས་གཙེས་ཤིང་གཙེས་པ།།
བསྲན་ཡང་ལག་སྡུག་རེག་ཅིང་རེག་པ།།
མྱངས་ཀྱང་བརྐན་པས་བཙལ་ཞིང་འཚོལ་བ།།
འདི་དག་ང་ཡི་མི་ཚེ་གོམས་པ།།
ད་ནི་མི་ལོ་ཉི་ཤུའི་ཐེམ་སྐས།།
སོང་ཡང་ཟེར་ཞིང་མགོ་ནི་བརྩམས་པ།།
མ་སོང་ཟེར་ཡང་གསེར་གྱི་ལང་ཚོ།།
ཅི་ཡིན་འདི་ཡིན་མ་ཤེས་མ་རིག།
མདའ་མོ་ལྟོང་ནས་ཤོར་བའི་དཔེ་ཡིན།།
འདི་དག་ང་ཡི་མི་ཚེ་གཏམ་རྒྱུད།།

#. ཞྭ་སེར་ཅོད་པན་འཆང་བའི་རང་ལུགས་འཛིན་ནུས་པར་གྱུར་ཅིག་གུ

སྨྲ་བ་ངན་པའི་རང་བཤིས་ཕར་བཞག་ནས།།
གཞུང་ཆེན་སྨྲ་བའི་སེང་གེ་མགྲིན་བསུས་ཏེ།།
ཚིག་དོན་གཉིས་ཀ་ལེགས་པར་དཔྱད་པ་ན།།
འཇམ་མགོན་བློ་བཟང་གྲགས་པའི་དུས་ཀུན་སྐྱོངས།།