དྲན་པའི་སྣེ་མོ།

ཆབ࿐ཆོས་དབྱིངས་ཀྱིས།

བྱམས་བརྩེ་བདག་མོ་ཨ་མའི་མཛུམ་ཆུང་།།
རིང་དུ་བྲལ་བའི་ལོ་ཟླའི་ཁྲོད་ནས།།
དྲན་གདུང་ཚེར་མ་སེམས་སུ་ཟུག་པས།།
བརྣང་སེམས་བསྐྱུར་མོ་ཡིད་མཐར་ལྷུང་སོང་།།

དཔྱིད་དཔལ་གཞོན་ནུའི་ལག་དབྱངས་སྙན་མོ།།
རྣ་བའི་དཔྱིད་དུ་དལ་གྱིས་ལྷུང་ཡང་།།
ལྷན་འཛོམས་བགོད་སྒྲའི་འཛུམ་མདངས་བསམ་སྟེ།།
གདུང་བའི་མཆི་མ་བྲང་དུ་ཟག་སོང་།།

དགུན་དང་དཔྱིད་གྱི་གྱེས་མཚམས་འདི་ནས།།
སྔོ་ལྗང་གཡུ་ལོའི་འདབ་ལོ་སྨིན་དུས།།
གླང་ཆེན་མྱོས་པའི་སྣ་ཞགས་རིང་མོ།།
རི་བོའི་མགུལ་དུ་དམ་གྱིས་འཁྱུད་སོང་།།

ཨ་མ་དེ་ཡང་བུ་དང་བྲལ་བས།།
སྐྱོ་བའི་ཡིད་ཁམས་མཆི་མས་འཁྲུགས་ཏེ།།
འདས་པའི་ཉི་མ་གྲངས་སུ་བགྲངས་བཞིན།།
ཡར་ཁྱིམ་ཕུག་ཏུ་ཙོག་གེར་བསྡད་འདུག།

དལ་བུས་བསྐྱོད་པའི་ཆུ་འཛིན་རྣམས་ཀྱིས།།
ཕ་ཡུལ་སྐེད་གཞུང་ཞབས་སུ་བཀོད་དུས།།
ཡིད་ཁམས་འཁྲུགས་པའི་ཨ་མའི་ཕྱོགས་སུ།།
བདེ་ལེགས་འཚམས་འདྲའི་འཕྲིན་འདི་སྟོབས་ཤོག།

࿐ཁྱེད་བཞུད་པ་སྔ་སོང་།[泪]བརྩམ་འཕྲོར་ལུསཔའི་སྒྲུང་གཏམ་དག་དང་འཁྲབ་འཕྲོར་ལུས་པའི་གློག་བརྙན་དག་ལ་གཟིགས་ནས་སྐུ་སྐྱེ་སླར་ཡང་ཁ་བ་གངས་ཅན་ལྗོངས་ལ་ཕེབས་རོགས་གནོང།

࿐བོད་ཀྱི་མིང་དུ་གྲགས་པའི་ཁྲབ་ཁྲིད་པ་གྲགས་ཅན། གློག་བརྙན་གྱི་དེད་དཔོན་ཆེན་མོ། མིང་དུ་གྲགས་པའི་སྒྲུང་གཏམ་རྩོམ་པ་བོ་རྒན་པདྨ་ཚེ་བརྟན་ལགས་མདང་ནུབ་ལྷ་སར་སྐུ་ཚེ་མ་ཟིན་པ་ལ་ཡིད་གདུང་དྲག་པོས་མྱ་ངན་ཞུའོ། ། ཨོཾ་མ་ཎི་པདྨེ་ཧཱུྃ༔

著名导演，著名小说家、中国电影百年史上唯一藏族电影人万玛才旦先生昨晚在西藏拉萨与世长辞。