མཁན་ཆེན་ཚུལ་ཁྲིམས་བློ་གྲོས་མཆོག་ནི་གཞུང་ཆེན་བཀའ་པོད་ལྔ་དང་།
ཟབ་གསང་རྒྱུད་སྡེའི་གཞུང་ཆེན་ཁག་ལ་མི་ལོ༣༠ལྷག་གི་རིང་ལ་སློབ་སྦྱོང་དང་འཆད་ཁྲིད་མཐར་ཕྱིན་པ་གནང་སྟེ་ད་ལྟ་གཞུང་ཆེན་བཀའ་པོད་ལྔ་དང་། གསང་ཆེན་རྒྱུད་སྡེ་སོགས་ཀྱི་འཆད་ཁྲིད་སྒྲ་ལམ་དུ་དུས་ཚོད་༢༨༠༠ལྷག་ཙམ་བཞུགས་ཡོད།    
ཁོང་ནི་ནང་བསྟན་གྱི་མཁས་དབང་ཆེན་པོ་ཞིག་ཡིན་པར་མ་ཟད། ཚན་རིག་དང་མཚན་ཉིད་རིག་པ་སོགས་ལ་བོད་ནང་གི་སྐྱ་སེར་གཉིས་ཀྱི་ཁྲོད་ནས་ཆེས་དོ་སྣང་སྔ་ཤོས་གནང་མཁན་དང་། ནང་བསྟན་དང་ཚན་རིག་གི་འགལ་འབྲེལ་སྐོར་ནས་རྩོམ་ཡིག་འབྲི་མཁན་དང་འཆད་ཁྲིད་གནང་མཁན་གྱི་ཐོག་མའི་གྲས་སུ་ཡང་ཆགས་ཡོད་པ་རེད།  
ཉེ་བའི་ལོ་འདི་ཚོར་འཛམ་གླིང་ཤར་ནུབ་ཀྱི་གཙུག་ལག་སློབ་ཆེན་ཁག་ཏུ་ཆེད་ཕེབས་གནང་སྟེ་ཚན་རིག་པ་གྲགས་ཆེན་དང་མཚན་ཉིད་རིག་པ་སྨྲ་བའི་ཆེད་མཁས་པ་སོགས་ལ་གདོང་གཏུགས་ནས་རིགས་མི་འདྲ་བའི་བགྲོ་གླེང་དང་བསམ་བློ་བརྗེ་རེས་བྱས་ཏེ་མཁས་པའི་མཚན་སྙན་འཛམ་གླིང་ཤར་ནུབ་ཀུན་ཏུ་གྲགས་ཤིང་།
མཛད་འཕྲིན་ནམ་མཁའི་ཕ་མཐར་ཁྱབ་བཞིན་པ་ལགས་སོ།།

བརྗིད་ཆགས་མཛེས་སྡུག་ང་ལ་ལྡན་ནོ་ཞེས། །
རི་བོ་ཇོ་མོ་གླང་མར་སྙེམས་མ་བྱེད། །
མཁྱེན་རྩེའི་བདག་ཉིད་སྨྲ་བའི་ཉི་མ་ཡང་། །
ཟབ་ཅིང་བརླིང་བའི་ཆོས་དེ་མཐོང་ཕྱིར་རོ། །

སྡེ་དགེའི་པར་ཁང་འཛམ་གླིང་དྲན་ཤེས་རྣམ་གྲངས་ཀྱི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ས་ཁུལ་གྱི་མིང་ཐོར་ཚུད།
德格印经院入选《世界记忆亚太地区名录》
དེ་རིང་གསར་འགོད་པས་སོག་པོའི་རྒྱལ་ས་ཝུའུ་ལན་པ་ཐོ་ནས་གནས་ཚུལ་ཤེས་གསལ། སྡེ་དགེའི་པར་ཁང་གི་པར་བརྐོས་ཡིག་ཚགས་《འཛམ་གླིང་དྲན་ཤེས་རྣམ་གྲངས་ཀྱི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ས་ཁུལ་གྱི་མིང་ཐོ།》ཡི་ནང་བདེ་བླག་ངང་བདམས་ཐོན་བྱུང་བ་རེད།མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་འཛམ་གླིང་དྲན་ཤེས་རྣམ་གྲངས་ཀྱི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོའི་ས་ཁུལ་ཨུ་ཡོན་ལྷན་ཁང་གི་སྐབས་བཅུ་པའི་MOWCAPཚོགས་ཆེན་དེ་སྤྱི་ཚེས་6ཉིན་སོག་པོའི་རྒྱལ་ས་ཝུའུ་ལན་པ་ཐོ་རུ་འཚོགས་པ་རེད། ཚོགས་འདུ་གལ་ཆེན་དེའི་ཐོག་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་རྒྱལ་ཁབ་25དང་། ཚོགས་ཁོངས་རྒྱལ་ཁབ་ཁག་གི་འཐུས་ཚབ་འཛོམས་ཏེ། ཁོང་ཚོས་ཐུན་མོང་ཐོག་མིང་འདོན་རྣམ་གྲངས་20འཁྱེར་ཡོད། དེའི་ནང་སྡེ་དགེའི་པར་ཁང་གི་པར་བརྐོས་ཡིག་ཚགས་དེ་ཀྲུང་གོའི་མིང་འདོན་རྣམ་གྲངས་ཀྱི་ཆ་ནས་ཚོགས་ཆེན་ཐོག་དོ་སྣང་ཆེན་པོ་ཐོབ་ཅིང་། རྒྱལ་ཁབ་ཡིག་ཚགས་ཅུས་ཀྱི་སྣེ་ཁྲིད་འོག་སྡེ་དགེ་རྫོང་གི་དྲན་ཤེས་རྣམ་གྲངས་རེ་ཞུའི་ལས་དོན་འགོ་ཁྲིད་ཚོ་ཆུང་གཞུང་ལས་ཁང་གི་ཀྲུའུ་རེན། རྫོང་ཡིག་ཚགས་ཁང་གི་འགོ་གཙོ་ཟླ་བ་གཡང་སྐྱིད། རིགས་གཅིག་མཁས་ཅན་ཚོ་ཆུང་གི་ཙུའུ་ཀྲང་ཀརྨ་རྒྱལ་མཚན་བཅས་ཆེད་མངགས་གདན་ཞུས་སྐུ་མགྲོན་བྱས་ནས་ཚོགས་འདུར་ཞུགས།    སྡེ་དགེ་རྫོང་གི་དྲན་ཤེས་རྣམ་གྲངས་རེ་ཞུ་ཚོགས་པས་སྤུས་ལེགས་ཀྱི་དབྱིན་ཡིག་དྲིལ་བསྒྲགས་བརྙན་ཐུང་དང་རྒྱ་ཡིག་དང་དབྱིན་ཡིག་གི་ཡིག་ཐོག་སྙན་ཞུའི་རྒྱུ་ཆ་བཟོས་པ་བརྒྱུད། སྡེ་དགེའི་པར་ཁང་གི་པར་བརྐོས་ཡིག་ཚགས་ཀྱི་ཆ་འཕྲིན་ཁ་གསལ་ཞིང་། གཏིང་ཟབ་པའི་རིག་གནས་ཀྱི་རིན་ཐང་དང་ལོ་རྒྱུས་ཀྱི་དོན་སྙིང་ཕྱོགས་ཡོངས་ནས་ངོ་སྤྲོད་བྱས་པ་དང་། ཡིག་ཚགས་དེ་དག་གི་དངོས་ཡོད་རང་བཞིན་དང་། དཀོན་པའི་རང་བཞིན། ཉག་ཅིག་རང་བཞིན། ཚབ་བྱེད་མི་ཐུབ་པའི་རང་བཞིན་བཅས་དང་། དེ་བཞིན་ཆ་ཚང་རང་བཞིན་གསོན་ཉམས་ལྡན་པའི་སྒོ་ནས་མངོན་པར་བྱས་པས། ཚོགས་ཞུགས་མི་སྣའི་དོ་ཁུར་དང་གདེང་འཇོག་ཚད་མཐོ་ཐོབ། སྤྱི་ཟླ་5པའི་ཚེས་8ཉིན་གྱི་དཔྱད་ཞིབ་ཁྲོད། སྡེ་དགེའི་པར་ཁང་གི་པར་བརྐོས་ཡིག་ཚགས་དེ་འདེམས་ཤོག་ཡོངས་ཀྱི་ཐོག་ནས་གྲོས་འཆམ་བྱུང་ནས། 《འཛམ་གླིང་དྲན་ཤེས་རྣམ་གྲངས་ཀྱི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ས་ཁུལ་གྱི་མིང་ཐོ།》ཡི་ནང་བདེ་བླག་ངང་བདམས་ཐོན་བྱུང་བ་རེད།