࿐འཇིག་རྟེན་འདི་ནས་ཆེས་རིན་ཐང་ཆེ་བ་དེ་གཟུགས་ཡག་བཙོག་དང་ཡང་ན་རྒྱུ་ཡོད་མེད་མིན། བསམ་པ་བཟང་པོ་ཞིག་ཡོད་ན་ཆེས་རིན་ཐང་ཆེའོ།། 世界里最珍贵的东西不是自己漂不漂亮或有钱没钱，有一颗善良的心才是最可贵的！
​晚安咯

࿐འབྲོག་མོ།

འབྲོག་མོ་སྙིང་ལ་རྗེ་བོ།
དབྱར་གསུམ་མེ་ཏོག་ཁྲོད་ན།
རྟ་ནོར་ལུག་གསུམ་འཚོ་ཤིང་།
གསེར་རྡུབ་རྣ་ཆ་རྒྱན་པས།
འབྲོག་མོ་སྙིང་ལ་རྗེ་བོ།
འབྲུག་ཕྲུག་དག་མ་ཞིག་གིས།
སེམས་ཀྱི་ཞེན་ཆགས་ཡིན་པས།
འཕྲད་པའི་བསྐལ་བ་ཡོད་ན།
ཚིག་གསུམ་གཏམ་གྱི་མདུན་མ།
མ་བྲིས་སེམས་ཀྱི་རི་མོ།
གཏད་སོ་ཁྱེད་རང་ཡིན་པས།
འབྲོག་མོ་སྙིང་ལ་རྗེ་བོ།

ཐོལ་བྱུང་གི་སྣང་བ།

རུ་སྔུན་པས།

࿐ང་རང་གནའ་མཁར་ཟི་ལང་ནས་གནམ་གྲུར་བསྡད་དེ། སྤོས་ལྡན་གྲོང་ཁྱེར་ལ་ཐོན་ཡོད། དེ་རིང་ནས་ཉིན་འགའ་འགོར་སོང་། ནམ་ཟླའི་ཚ་གྲང་ཧ་ཅང་བཏང་སྙོམས་སུ་གནས། ཉི་འོད་ཀྱི་འཛུམ་མདངས་ཕྱི་དྲོའི་མཚམས་སྤྲིན་ལ་འདྲེས་དུས། ནམ་མཁའི་ངོ་གདོང་ནས་ཟིམ་ཟིམ་འབབ་པའི། ཆར་སྤྲིན་གྱི་མིག་ཆུ་རེ་རེ། མི་ཚོགས་ཀྱི་གོམ་འགྲོས་བར་ནས་རིམ་བཞིན་ས་རུ་ཟགས་པ་མཐོང་བྱུང་བས། དབྱར་ཟླ་འགོ་མའི་ཁུ་བྱུག་གི་སྐད་སྙན་ལ་ཅོ་འདྲི་ཐེངས་གཅིག་བྱེད་འདོད་མོད། སྐབས་དེར་ཏག་ཏག ཕ་ཡུལ་ནས་ཁ་པར་ཞིག་འབྱོར་བས། ནམ་ཟླ་ཧ་ཅང་འཁྱགས། ཁ་བ་འང་འབབ་བཞིན་འདུག་ཟེར། གློ་བུར་དུ་བྱུང་བའི་སེམས་ཀྱི་དྲོད་འཁྱག་གི་འགྱུར་ལྡོག་དེེས། འཁོར་ཡུག་གི་ཚོན་མདངས་ལ་བརྩེ་བ་གཞན་ཞིག་གི་སྣང་བ་བྱུང་མོད། མི་ཚོགས་ཀྱི་ལྭ་བའི་ཕྱི་ནང་ད་དུང་བརྗེ་མེད། དོན་ངོ་མར་འཇིག་རྟེན་གྱི་ཆོས་རྣམས་སེམས་ངོས་ནས་ཕར་ལ་བཏགས་པ་འདྲ་མོད། ཀུན་རྫུབ་གྱི་སྣང་བ་འདི་ད་དུང་འགོག་མེད་བདེན་འཆར་དུ་ཡོང་གི་འདུག

འདི་ནི་གྲོགས་པོ་ཞིག་དང་ཁ་བརྡའི་བར་གསེང་ལས་འཕྲོས་པའི་ཐོལ་བྱུང་གི་ཟིན་བྲིས་སུའོ།