࿐སློབ་གཉེར་ནི་འཇིག་རྟེན་གྱི་ཆེས་ཆེ་བའི་བདེ་སྐྱིད་ཞིག་ཡིན་ཞིང་། དེ་ལ་ཁོར་ཡུག་འོས་འཚམ་ཞིག་ཏུ་ཐབས་ལམ་རྣམ་པར་དག་པ་ཞིག་སྤྱད་ན། སློབ་མ་ཚང་མས་བདེ་སྐྱིད་དང་ལྡན་པའི་སྒོ་ནས་དཔེ་ཀློག་བྱེད་ཐུབ། སློབ་མ་ཞིག་ལ་མཚོན་ནས་བཤད་ན། བདེ་སྐྱིད་ཀྱི་འཚོ་བ་ནི་ཆེས་གནད་འགག་ཡིན་གྱི་སྐར་གྲངས་དང་ཨང་རིམ་ནི་དེ་ལྟ་མ་ཡིན་ནོ།། དེ་ལས་ཀྱང་གལ་ཆེ་བ་ཞིག་ནི་བདེ་སྐྱིད་ཀྱི་འཚོ་བ་འདི་ལྟ་བུ་ཐོབ་བྱེད་ཀྱི་ནུས་པ་ཡིན་ལ། སློབ་མའི་ནུས་པ་ནི་རྒྱུགས་ཀྱི་སྐར་གྲངས་ཀྱིས་ཚད་འཇལ་བ་ནི་མ་ཡིན་ནོ། །

དཔེ་ཆ་ལྟ་སྟངས་སྐོར་ནས་ཅུང་ཙམ་གླེང་བ།

བརྗོད་བྱ་མང་བས་ཕལ་བ་དག་ལ་རགས་ལྟ་དང་།
དཀའ་གནད་དང་དཔྱད་གཞི་ཆེ་བའི་གཞུང་ལ་ཐུག་སྐབས་ཞིབ་མོར་ཀློག་དགོས།
གཙོ་བོ་གཞུང་སྤྱི་ཁོག་སྒྲིགས་སྟེ་བློ་ངོར་ཕྱོགས་བསྡོམས་ལེགས་པར་བྱས་དགོས།
སྐབས་སྟོབས་ཀྱི་གཞུང་གང་ལ་བལྟས་ན་མཉམ་དུ་དོགས་དཔྱོད་དང་ཟིན་བྲིས་འགོད་པའི་གོམས་གཤིས་ལའང་བསླབ་དགོས།
དཀའ་གནད་ཀྱི་གཞུང་དག་དམིགས་སུ་བཀར་ཏེ་བློ་ངོར་གསལ་པོ་ཤེས་པར་བྱས་ཏེ་འབྲེལ་ཡོད་ཀྱི་གཞུང་གཞན་རྣམས་ལ་འཚོལ་ཞིབ་དང་།
གྲོགས་རིགས་པ་སྨྲ་བ་དང་ལྷན་དུ་བསམ་བློ་གོ་བསྡུར་ནས་བརྡར་ཤ་གཅོད་དགོས།
ཡིད་ལ་ཚིམ་སྔ་མི་རུང་།
ཟིན་བྲིས་ནི་རང་གི་མ་འོངས་པའི་ས་བོན་ནམ་མཚོན་ཆ་ཞིག་ཏུ་འགྱུར་ཡོང་པས།
རྒྱུན་དུ་ཟིན་བྲིས་འདེབས་གང་ཐུབ་བྱེད་དགོས།
ཡང་ཡང་དཔྱད་པར་བྱེད་ནས་རང་ཉིད་ལ་ཡིད་ངོར་དོགས་ལན་རྙེད་རུང
བརྡར་ཤ་མ་ཆོད་ཀྱང་དོགས་པ་རྣམས་ངེས་པར་དུ་རང་གི་དགེན་རྣམས་འདྲི་དགོས།
࿐ལྷ་སའི་བྱམས་པ།

࿐དཀའ་སྡུག་དང་རྙོག་འཛིང་གི་སྤྱི་ཚོགས་འདིར་ཞུམ་མེད་ཀྱི་སྙིང་སྟོབས་ཡོད་དགོས་པ་ལས། བློས་གཏོང་ཅུང་ཙམ་ཡང་མི་བྱེད་པར་རྒྱལ་ཁ་ཆེན་པོ་ལེན་འདོད་པ་ནི་ཉིན་མོའི་རྨི་ལམ་ཡིན། རང་ཉིད་ཀྱི་གྲུབ་འབྲས་ཡོད་ཚད་བློས་གཏོང་བྱས་རྗེས་ཐོབ་པ་ལས་སྐྱིད་ཉལ་བརྒྱབ་ནས་རག་པ་མ་ཡིན། དེ་ཕྱིར་འཚོ་བའི་ནང་གི་དཀའ་རྙོག་ཡོད་ཚད་མི་ཚེའི་སྦྱོང་བརྡར་ཡིན་པ་ཤེས་དགོས། འཚོ་སྨན་པས་གཞན་ལས་དྲང་།