ལོ་དེ་ཡང་འདི་བཞིན་བཞི་པའི་དྲུག་རྒྱལ་ལ་སྟབས་འཁེལ་ཡོད་སྙམ། 将要和大家告别一段时间。祝你，也祝我！
མཆོག་གསུམ་རྩ་གསུམ་སྔགས་དང་ཕྱག་རྒྱའི་མཐུས། །བརྟན་གཡོ་སྲིད་ཞིའི་ཕྱྭ་གཡང་དགེ་མཚན་ཀུན། །འདིར་ཁུག་འདིར་བསྡུས་འཕེལ་རྒྱས་མི་ནུབ་པར། །བདེ་སྐྱིད་བཀྲ་ཤིས་ལེགས་ཚོགས་དཔལ་འབར་ཤོག །
当你发现自己和大多数人站在一边，你就该停下来反思一下。 ——马克・吐温

དེ་ཡང་བོད་ཟླ་བཞི་པ་ས་ག་ཟླ་བ་ནི་བདག་ཅག་གི་སྟོན་པ་ཤཱཀྱ་ཐུབ་པ་དགའ་ལྡན་གྱི་གནས་ནས་གཟིགས་པ་ལྔས་གླང་པོ་ཆེ་ཐལ་དཀར་མཆེ་བ་དྲུག་ལྡན་གྱི་རྣམ་པར་བརྫུས་ཏེ་ས་ལུག་ཆུ་སྟོད་ཟླ་བ་དྲུག་པའི་ཚེས༡༥ཉིན་ལྷ་མོ་སྒྱུ་འཕྲུལ་མའི་ལྷུམས་སུ་ཞུགས་ནས་ལྕགས་སྤྲེལ་ས་ག་ཟླ་བའི་ཚེས་བདུན་ཉིན་ལུམྦིའི་ཚལ་དུ་སྐུ་བལྟམས་པའི་དུས་ཆེན་དང་གཅིག ཤིང་རྟ་ས་ཟླ་ཡར་ཚེས༡༥ཡི་མཚན་མོ་བྱང་ཆུབ་ཆེན་པོའི་ཤིང་གི་དྲུང་དུ་གཡོ་བ་མེད་པའི་ཏིང་ངེ་འཛིན་ལ་གནས་ཏེ་སྲོད་ལ་བདུད་བཏུལ་བ་དང་ཐོ་རེངས་མངོན་པར་སངས་རྒྱས་པའི་དུས་ཆེན་དང་གཉིས།

ལྕགས་འབྲུག་ས་ག་ཟླ་བའི་ཚེས༡༥ཉིན་རྩྭ་མཆོག་གྲོང་དུ་གཤེགས་ཏེ་ས་ལའི་ཚལ་གྱི་དབུས་ཐ་མལ་གྱི་གཟིམ་ཁྲིར་བཞུགས་ཤིང་ཉན་ཐོས་འོད་སྲུང་ཆེན་པོ་ལ་བསྟན་པ་གཏད། འདུས་བྱས་ཐམས་ཅད་ནི་མི་རྟག་པ་དང་། ཟག་བཅས་ཐམས་ཅད་ནི་སྡུག་བསྔལ་བའོ།།

ཆོས་ཐམས་ཅད་ནི་སྟོང་ཤིང་བདག་མེད་པ་ཞེས་གསུང་གི་ཐ་མ་བསྩལ་ནས་ཟག་མེད་ཆོས་ཀྱི་དབྱིངས་སུ་སྐུ་མྱ་ངན་ལས་འདས་པའི་མཛད་པ་བསྟན་པ་དང་གསུམ་བཅས་ཀྱི་དུས་ཆེན་ཁྱད་འཕགས་ཅན་རེད།

ད་ལྟའི་བྱིས་པ་དེ་ཚོ་ཕ་མར་དབང་འདུག་གམ་སློབ་གྲྭ་ལ་དབང་འདུག །བྱིས་པ་སྐྱེས་པ་དེ་རང་ཉིད་དང་ཁྱིམ་ཚང་གི་བདེ་སྐྱིད་ཆེད་དུ་ཡིན་ནམ། ཡང་ན་རྒྱལ་ཁབ་ལ་ངལ་རྩོལ་པ་སྐྱེ་རོགས་གསོ་རོགས་བྱས་པ་ཡིན། སྔོན་ཆད་ཕ་མ་ནི་བུ་ཕྲུག་གི་བདག་པོ་ཡིན་ནའང་ད་ལྟའི་ཕ་མ་ཚོ་ནི་བུ་ཕྲུག་གི་ཚེ་གཡོག་རེད་མི་འདུག་གམ། ད་ལྟ་བུ་ཕྲུག་སྐྱེ་ཐུབ་མཁན་གྱི་ཕ་མ་འགའ་རེ་འདུག་ནའང་། བུ་ཕྲུག་བསྐྱངས་ཐུབ་ཡོད་མཁན་ག་ཙམ་གདའ། བུ་ཕྲུག་མང་པོ་སྐྱེས་ན་བསྟོད་བསྔགས་གཏོང་མཁན་དེ་ཚོད། བུ་ཕྲུག་གི་སྨན་ཡོན་དང་སློབ་ཡོན་མཐོ་དྲགས་པ་དེ་ལ་སྨད་པ་མི་གཏོང་དོན་ཅི་རེད་དམ། འདི་དག་ད་གཟོད་ན་གཞོན་མང་པོའི་ཐུན་མོང་གི་དཀའ་གནད་ཡིན་སྲིད། ༢༠༢༤/༥/༡༣བོད་ལྕེ།