ཟླ་གསུམ་པ།

པོ་ཏ་ལའི་མྱི།

སྤྲིན་དཀར་དང་ལུག་ཁྱུ་འདྲེས་པའི་ཞོགས་པ་དེ་མིན་ལ་ཁ་བ་དང་བུ་ཡུག་རྒོད་པའི་དགུན་ཁ་ཡང་མ་རེད།ལོ་མ་ཁུར་བའི་ལྕང་སྡོང་དེ་དག་གིས་ཁ་དོག་གསར་བ་བརྗེས་ཤིང་གཉོམ་ཆུང་གི་ཟོལ་གྱིས་སར་ལྷུང་བའི་སྟོན་ཟླ་ཞིག་ཀྱང་མ་ཡིན་ཏེ། བསིལ་འཇམ་རླུང་བུས་སེམས་སྒྲ་སྙན་མོ་དེས་གངས་ལྗོངས་ལ་རེ་བ་དང་སྨོན་འདུན་གཙང་མ་ཁུར་ནས་འོང་བའི་དཔྱིད་ཟླ་དེར། བྱ་གཞག་གསར་བ་ཞིག་དང་མིག་རྒྱང་རིང་པོ་ཞིག་གི་འཆར་ཡན་གྱི་ཀློང་ནས་རྨི་ལམ་ཡིན་ལ་རྨི་ལམ་མ་ཡིན་པའི་དུས་ཚིགས་ཤིག་ཏུ་ངེད་གཉིས་ཆ་མེད་རྒྱུས་མེད་ཀྱི་མི་སྣ་གཉིས་ཆོར་འདུའི་སྤྲིན་པ་དང་ལྷན་དུ་གླིང་ག་གཅིག་ནས་ངོ་ཤེས་པ་ཡིན། དེ་དུས་ཁྱོད་ཀྱི་ཚུགས་ག་དང་རྣམ་འགྱུར་ནི་ནར་མ་སོན་པའི་བྱིས་པ་ཞིག་གི་མཁའ་དབྱིངས་དང་འདྲ་བར་སྤྲིན་ནག་དང་ས་རྡུལ་གྱི་འདུ་འགོད་མེད་ཅིང་། ཐ་ན་ཁྲུང་ཁྲུང་དཀར་མོའི་བཞུད་ལམ་ཞིག་ཀྱང་བཙལ་དུ་མེད་ལ་ཁུ་བྱུག་སྔོན་མོ་ལྷོ་རུ་འཕུར་བའི་རྗེས་ཤུལ་ཙམ་ཡང་མེད།

སྐབས་དེ་ནས་བཟུང་དངོས་ཤུགས་གང་རུང་ནས་ཁ་མཚར་ཡིན་ལ་སེམས་གཏམ་ཀྱང་ཡིན་པའི་སྐད་ཆའི་སྒྱུ་རྩལ་གྱི་བར་ནས་དགའ་དུང་གི་ཚོར་བ་འཐེན་ཞོར་བཅོས་མ་མིན་པའི་བརྩེ་དུང་གི་འཇིག་རྟེན་དེར་འུ་གཉིས་ཀྱང་ལས་དབང་གིས་དེད་ཅིང་ཞེ་འདང་གིས་ཁྲིད་སོང་བ་རེད། ངེད་གཉིས་ཁོ་ན་མ་གཏོགས་གཞན་དག་སུས་ཀྱང་མི་དཔོག་པའི་ལྐོག་གྱུར་གྱི་གཏམ་རྒྱུད་མང་པོ་ཞིག་ལོ་ཟླའི་རུམ་ཁ་རུ་འཕྱོ་ཞིང་དུང་ཞེན་གྱི་མཚོ་ངོགས་སུ་རྩེན། དགོད་གཏམ་དང་གུ་རེ་ཡིན་པའི་སེམས་ཚོར་དེ་དག་ད་ལྟ་བསམ་ན་ངེད་གཉིས་ཀྱི་བརྩེ་དུང་གི་རྨང་གཞི་དང་ས་བོན་ལྟ་བུ་ཞིག་ཏུ་གྱུར་ཡོད་སྐད། ངས་རྒྱུན་དུ་དེས་ཕྱོགས་སུ་རྟ་ཁ་གློད་ཅིང་སྨོན་ལམ་བཏབས་པ་ཡིན།

ངེད་གཉིས་བར་ཆད་དང་མི་ཁ་རྒོད་ཅིང་གཞན་ཟེར་རྗེས་བརྗོད་ལ་དགའ་བའི་ཁོར་ཡུག་ཅིག་ཏུ་ཡོད་སྐད། ཕན་ཚུན་ལ་བརྗོད་འདོད་པ་གང་མང་ཞིག་འགོག་མེད་དུ་ངག་སྒོར་ཐོན་ཡོང་ནའང་བཙན་གྱིས་མགྲིན་པར་བཅུག་ཅིང་ཁོག་སྟོད་དུ་སྦས་དགོས་པ་རེད། དྲང་མོར་ལབ་ན། ལས་འཕྲོས་ཨ་ཡིག་ལས་རྙེད་པའི་ཞེ་འདང་གི་ཁ་ལྕེ་གཉིས་མེད་ན་མི་ཆོག་ཀྱང་ཡོད་ན་སྦས་དགོས་པའི་ངང་ཚུལ་དེས་ང་རང་ཇི་ལྟར་གཙེས་ནའང་ང་རང་ལ་ཐང་ཆད་པའི་ལེའུ་ཞིག་གཞི་ནས་ཡོད་མ་མྱོང་། དེ་ཡང་ངའི་འདང་བརྩེའི་ཕྱོགས་སྟོན་འཁོར་ལོ་དུས་གཏན་དུ་ཁྱོད་ཕྱོགས་སུ་གཏད་ཡོད་པས་ལོས་ཡིན།

ཁ་བའི་མེ་ཏོག་གི་དྲི་བསུང་ཁུད་ནས་ང་རང་ཁྱོད་ཀྱི་ཆུ་འཛིན་གྱི་མཁའ་དབྱིངས་ལ་འགྲོ་དུས་ང་ལ་ཏག་ཏག་དབྱར་ཟླ་ཚེས་བྱུང་། དབྱར་ཁའི་མཛེས་སྡུག་གི་ལོ་ཟླ་ཚེས་བྱུང་། ཁྱོད་རང་མེ་ཏོག་པད་མའི་ཚུལ་གྱིས་ངའི་ཉེ་སར་བཅལ་ཆོག ཟླ་གསུམ་པ། ངས་ཀུན་རྟོག་གི་ཀློང་ན་ན་བུན་བཞིན་འཐིབས་པའི་སྨུག་པ་དེས་དཀྱིལ་ན་ཁྱོད་རང་མགོ་རིས་ལྗང་སྐྱ་དཀྲིས་པའི་བུ་མོ་དེ་ཡིན་ན་སྙམ་བྱུང་། འདབ་ལག་སྟོང་ལྡན་གྱི་མེ་ཏོག་ཅིག་ཀྱང་ཡིན་ན་སྙམ་བྱུང་། ང་རང་དབྱར་ཁ་བཞིན་ཁྱོད་རང་ང་ཡི་པང་ནས་གཏན་དུ་ཡལ་བ་མེད་ན་བསམ་བྱུང་།

ངའི་ཤ་གསེང་དུ་ཐིམ་པའི་བག་ཆགས་བཙན་པོ་དེས་སྙན་ཚིག་རེ་འགའ་ལ་བརྩེ་འཕྲིན་གྱི་ཆོ་ལོ་བསྩལ་དུས་ཁྱོད་ཉིད་ནམ་རྒྱུན་ངའི་ཁ་སེམས་གཉིས་གར་འཁོར་ཡོང་བས། ངའི་ལོ་ཟླ་འདི་དག་ལ་དུང་ཞེན་གྱི་རྨུ་ཐག་ཁྱོད་ཁོ་ནའི་ཕྱོགས་སུ་འཐེན་ཅིང་དེ་ལ་བཀྲ་ཤིས་རྟགས་བརྒྱད་ཀྱི་རི་མོ་བྲིས་ཏེ་མ་འོངས་པ་ཞེས་པའི་མདུན་དྲུང་དུ་སྙིང་སྟོབས་དགུ་འགྱུར་གྱི་རེ་སྨོན་དང་དམ་བཅའ་བརྡབ་མྱོང་། ང་ལ་རྨི་ལམ་ལས་ཀྱང་ཁྱོད་རང་ཡོད་པས་ངའི་འཚོ་བར་སྤྲོ་བས་བརྟས་ཡོད།

ཟླ་གསུམ་པ།
ཁྱོད་ཁོ་ན་བརྗོད་བྱར་བྱས་པས་སྙན་ངག་གི་ཉམས་འགྱུར་དང་སེམས་འདུན་མང་པོ་ཞིག་སྔར་མཚོ་སྔོན་པོའི་ཉེ་འགྲམ་དུ་སྐུར་ཟིན་ལ། དུས་ད་ལྟ་ཡང་མཚོན་དོན་གྱིས་ཕྱུག་པའི་ཐ་སྙད་གཉོམ་པོ་རེ་འགའ་ཁྱོད་མཚོན་བྱེད་དུ་འབྲི་འདོད་ཡོད་པས། ཉི་ཟླ་ལྷ་ཚོགས་ཀྱིས་ང་ལ་ཁ་འཛིན་དང་སྡོང་གྲོགས་མཛོད་ཅིག་གུ།

མི་ལོ་གསུམ་གྱི་ཡར་སྔོན་དུ་ཟི་ལིང་མཁར་ནས་བྲིས་པའི་རྩོམ་ཉོག་ཅིག

དེང་སང་། མཚམས་མཚམས་སུ་ཞིབ་ཆ་མེད་པའི་འདས་དུས་གང་མང་ཞིག་སེམས་ལ་འཁོར་ཡོང་། ཁ་ཁོག་མེད་པའི་སྙིང་གཏམ་ཞིག་གླེང་ན། ང་ནི་དེ་རུ་འཐིམས་ཤིང་དེ་རུ་རླུང་གི་གཤོག་པར་ཐོགས་ནས་ལྡིང་སྐོར་འགའ་རེ་ཡང་བྱེད་དགོས་ཐུག འོན་ཀྱང་སེམས་གཉོམ་པོར་འདུག་པའི་སྐབས་དག་ལ། ངས་མ་ཁ་སོ་འཆང་ཞིག་བྱས་ནས་རྨི་ལམ་དང་དོན་དངོས་ཁ་ཁར་དབྱེ་འདོད་མོད། བསུབ་རྒྱུ་མེད་པའི་རི་མོའི་རྗེས་ཤུལ་ལ་ཡང་ནས་ཡང་དུ་སིམ་འགྲོ https://t.cn/R2WxDvV

གཞུང་ཕྱོགས་ནས་བསྒྲགས་པའི་གསར་འགྱུར་ལྟར་ན། སྤྱི་ཟླ་༥པའི་ཚེས་༡༢ཉིན་ཀ་ཧྲ་ས་ཁུལ་འཕྲོད་བསྟེན་སྡེ་ཚན་གྱིས་ཨི་ཟི་རེལ་བས་ཀ་ཧྲ་ས་ཁུལ་ལ་མུ་མཐུད་འཇབ་རྒོལ་བྱས་ཏེ་ཕ་ལི་སི་ཐན་བ་མི་གྲངས་ཁྲི་༣༥༠༣༤རྐྱེན་ལམ་དུ་བཏང་ཡོད་པ་དང་མི་གྲངས་༧༨༧༥༥ལ་རྨས་སྐྱོན་ཕོག་ཡོད་པར་བཤད་ཀྱིན་འདུག[蜡烛]