#宗喀巴[超话]##宗喀巴大师# སྐྱེ་བ་ཕྱི་མ་རྣམས་སུ་མི་ལུས་རྟེན་ཞིག་འཐོབ་འདོད་ན་རྒྱུ་ནི་འདི་ལྟ་སྟེ།
༧རྗེའི་བྱང་ཆུབ་ལམ་རིམ་ཆེན་མོ་ལས། སྤྱིར་བདེ་འགྲོ་ཙམ་ཞིག་ཐོབ་པ་ལའང་ཚུལ་ཁྲིམས་ལ་སོགས་པའི་དགེ་བ་རྣམ་དག་སྣ་གཅིག་བྱེད་དགོས་པ་དང༌། ཁྱད་པར་དུ་དལ་འབྱོར་ཚང་བ་འཐོབ་པ་ལ་ཚུལ་ཁྲིམས་རྣམ་པར་དག་པས་གཞི་བཟུང༌། སྦྱིན་པ་ལ་སོགས་པས་གྲོགས་བྱས། སྨོན་ལམ་དྲི་མ་མེད་པས་མཚམས་སྦྱོར་བ་སོགས་དགེ་རྩ་མང་པོ་ཞིག་བསགས་ནས་མི་ལུས་འཐོབ་དགོས་སོ། །

ཞུམ་མེད་ཀྱི་སྐྱེ་ཞིང་གསོན་ཤུགས་ཀྱིས་འཚོ།

ང་ཚོས་གཞན་གྱི་འོད་སྣང་མཐོང་བ་ཙམ་གྱིས།
རང་ཉིད་མུན་པའི་སྨག་རུམ་དུ་འཇོག་ག་ལ་རུང་།
ཁྱོད་ནི་མཛེས་པའི་མཆོག་གྱུར་གྱི་རྒྱ་སེ་མེ་ཏོག་དེ་ཡིན་ཆོག་ལ།
གསོན་ཤུགས་ཀྱི་སྟོབས་དང་ལྡན་པའི་རྩྭ་ལྡུམ་དེའང་ཡིན་ཆོག།[太阳][鲜花]

མི་མཇེད་ཞིང་གི་སྟོན་པ་མཆོག༷ །མཆོག༷་གྱུར་བྱང་ཆུབ་བརྙེས་པའི་མགོན༷། །མགོན༷་དེས་བྱམས་པས་བདུད་ཚོགས་བཅོམ༷། །བཅོམ༷་ལྡན་ཤཱཀ་ཐུབ་གང་དེར་འདུད། །བཅོམ་ལྡན་ཁྱོད་ལ་བསྟོད་པའི་དགེ །བདག་ཅག་རྗེས་བཟུང་ཞལ་མཇལ་ཞིང་། །སྲིད་ཞིའི་དོན་ཀུན་མྱུར་འགྲུབ་སྟེ། །དངོས་གྲུབ་མ་ལུས་སྩལ་ཏུ་གསོལ། །བདག་ཀྱང་བླ་མའི་བཀའ་དྲིན་གྱིས། །ཚེ་འདིར་འཇམ་མགོན་ཙོང་ཁ་པའི། །མདོ་སྔགས་ཟུང་འཇུག་རབ་རྟོགས་ཏེ། །དགའ་ལྡན་གནས་སུ་སྐྱེ་བར་ཤོག །

ཅེས་པ་འདི་ཡང་སྐུ་འབུམ་པ་རྒྱལ་སྲས་སུ་འབོད་པས་ས་ག་ཟླ་བའི་ཚེས་བརྒྱད་ཀྱི་ཉི་ཤར་དུ་ཚིགས་སུ་བཅད་པ་དགེའོ།།