འདུ་འཛི་དབེན་པའི་འདབ་སྟོང་ཚར་དུ་དངར།།ཁོར་ཡུག་ལྗོན་པའི་ཡལ་གའི་བསིལ་གདུག་མཛེས།།ངེས་མེད་དབེན་པའི་ཞི་བདེ་རྣམ་རོལ་བ།།བྱང་ཆེན་སྟོན་པའི་རྣམ་ཐར་ཡིད་ཀྱི་གསོས།།
སྐུ་བལྟམས་མངོན་སངས་རྒྱས་དང་མྱང་འདས་བཅས།།ཁྱིམ་མིན་གྲོང་ལས་བརྒལ་བའི་ཞབས་རྗེས་ཅན།།ཞིང་འདིའི་རྣམ་འདྲེན་སྟོན་པ་ཐུབ་དབང་གི།དུས་ཆེན་སུམ་འཛོམས་ས་ག་ཟླ་འདི་རྨད།།
བསྟན་པ་རིན་ཆེན་མཇལ་བ་སྐལ་བཟང་ཡིན།།བསྟན་འགྲོ་དོན་དུ་ཕྱག་བསྐོར་དགེ་སྒྲུབ་སོགས།།ཅི་ནུས་རང་གི་འཁོས་དང་བསྟུན་པ་ལས།།ཤགས་འདེབས་ཆོས་བརྒྱད་ཆོས་དེས་ཅི་ཞིག་བྱ།།

༧མཁས་གྲུབ་ཐམས་ཅད་མཁྱེན་པས།
༧ཉི་ཟླ་གླིང་གཞིའི་ཁྲོད་ནས་རྒྱུ་བ་དང་། །
རི་དབང་ཆུ་གཏེར་གོས་དང་མ་བྲལ་བར། །
ཁོར་ཡུག་ས་འཛིན་གནས་པ་དེ་སྲིད་དུ། །
བདག་གི་བླ་མའི་སྐུ་ཚེ་བརྟན་གྱུར་ཅིག།

ལོ་ཟླ་མང་ལ་བསྙལ་བའི།།
བརྩེ་བའི་ལོ་ཆང་ཁམ་པ།།
ལྷོད་ཀྱིས་བཞེས་ན་བསམ་ཀྱང་།།
བྲོ་བ་རླིང་གིས་གཏོར་སོང་།།

མཉོམ་ཆུངབདག་གི་སེམས་པ།།
སྡུག་གི་མུན་ལ་དྲིད་སོང་།།
ཕྱིར་དྲིན་ལེའུ་ངོས་ལ།།
མིག་ཆུ་གཏོར་དགོས་བྱུང་ཐ།།

དྲན་གདུང་ཚེར་མའི་སོ་ཁས།།
སྙིང་ཁ་ཡང་ཡང་བསྣུན་དུས།།
ངུ་ངག་རྟ་རྒོད་འདྲ་ཅིག།
དབང་མེད་མྱི་ཁར་ཤོར་ཐ།།

སྤྱི་ཟླ༥པའི ཚེས༡༥ཉིན་ལ་གངས་རིའི་སྐལ་བཟང་ནས།