བཞིན་མཛེས་འོད་དཀར་མདངས་ཀྱིས་རྣམ་པར་བཀྲ།།
འཇོ་སྒེག་གར་གྱིས་སྟངས་སྟབས་མགྲིན་སྔོན་སྤུན།།
མཐོང་ན་མི་མཐུན་མེད་པས་ཚངས་སྲས་མ།།
བདག་བློ་ཀུ་མུད་འདབ་མའི་དབུས་བཞུགས་གསོལ།། 2024/5/6

འདུ་འཛི་དབེན་པའི་འདབ་སྟོང་ཚར་དུ་དངར།།ཁོར་ཡུག་ལྗོན་པའི་ཡལ་གའི་བསིལ་གདུག་མཛེས།།ངེས་མེད་དབེན་པའི་ཞི་བདེ་རྣམ་རོལ་བ།།བྱང་ཆེན་སྟོན་པའི་རྣམ་ཐར་ཡིད་ཀྱི་གསོས།།
སྐུ་བལྟམས་མངོན་སངས་རྒྱས་དང་མྱང་འདས་བཅས།།ཁྱིམ་མིན་གྲོང་ལས་བརྒལ་བའི་ཞབས་རྗེས་ཅན།།ཞིང་འདིའི་རྣམ་འདྲེན་སྟོན་པ་ཐུབ་དབང་གི།དུས་ཆེན་སུམ་འཛོམས་ས་ག་ཟླ་འདི་རྨད།།
བསྟན་པ་རིན་ཆེན་མཇལ་བ་སྐལ་བཟང་ཡིན།།བསྟན་འགྲོ་དོན་དུ་ཕྱག་བསྐོར་དགེ་སྒྲུབ་སོགས།།ཅི་ནུས་རང་གི་འཁོས་དང་བསྟུན་པ་ལས།།ཤགས་འདེབས་ཆོས་བརྒྱད་ཆོས་དེས་ཅི་ཞིག་བྱ།།

རྩ་ཕྲན་གཅིག་གི་སྟེང་ནས་འདུ་བྱེད་ལ་གཡོ་འགུལ་ཐེངས་འགའ་ཐེབ་འཚམས་སུ་ང་ཚོས་བྱ་དངོས་གང་དག་ལ་སྨྲ་བ་རྣམ་དག་གི་ལམ་ནས་འགྲེལ་བཤད་སྣ་ཚོགས་ཤིག་རྒྱབ་ཆོག་སྟེ། རིག་པ། ཤེས་པ། གསལ་བ། རྟོགས་པ་བཅས་ལ་འགྲེས་ཏེ་སྦྱར་ཆོག་མོད། བྱ་དངོས་གང་ལའང་རྟོག་དཔྱོད་གཉིས་རེའི་གོལ་འཚམས་དང་བར་སྟོང་ཞིག་ངེས་པར་ཡོད་པས་མཐའ་གཅིག་ཏུ་འདི་རེད་ཅེས་དོན་མཐུན་གྱི་བརྡ་ནི་སྙེད་རྒྱུ་ཤིན་ཏུ་དཀའ། དེས་ནས་རང་གི་གསར་བརྗེའི་རིག་ལམ་ལས་འདས་པ་དང་མཐོང་ཆོས་ལས་འདས་པ་མང་རབ་ཞིག་ནི་ལོ་གཅིག་ནས་བརྒྱ་བར་དུ་འདས་པ་སྣ་ཚོགས་ཀྱིས་འགྱུར་བ་བྱས་པ་བརྒྱུད་འདྲི་ཚིག་འདིས་སྟེང་ཐོན་ཚེ། མཐོང་ཡུལ་ཁོ་ན་ཚེ་གཅིག་ལ་མིག་གི་ཅེར་བ་ནི་ཤིང་གཏུམ་ལ་མིག་གི་ལྟ་བ་ལས་དེའི་སྐྱེ་འཕེལ་ལ་བསམ་མི་ཕོད་དང་ཀུན་ནས་མཚུངས། དེས་ན་ང་ཚོའི་ཀླད་པའི་འགུལ་བསྐྱོད་ནི་བས་མཐའ་ལས་འདས་པ་ཞིག་ཡིན་ཕྱིན་ང་ཚོས་གང་ལའང་བསམ་གཞིགས་བྱེད་ཆོག་པ་ཡིན།