又有藝人離開TVB！在今日（10月31日）下午近5時，現年41歲的靚媽孫慧雪（雪雪）在社交網發長文，宣布與TVB結束18年賓主關係，並指：「喺度我學咗好多嘢，遇到好多人生導師，認識到好多知己好友，亦令到觀眾認識我」。

畢業於香港城市大學語文系的雪雪，在大學時曾任兼職模特兒，後來投考無綫電視第20期藝員訓練班，畢業後便擔任《美女廚房》助手「飯」而為觀眾所認識。

18年過去，雪雪由起初的節目助手變成以拍劇工作為主，《純熟意外》的楊言愛、《三個女人一個「因」》的邊小豆、《愛·回家之開心速遞》的朱茜（Rachel）也是其佔戲較多的角色。

雪雪發表離巢感言：

讀完書畢業嘅第一份工，
就去咗Tvb做演員，
一做就做咗18年啦！
喺度我學咗好多嘢，
遇到好多人生導師，
認識到好多知己好友，
亦令到觀眾認識我，
所以我非常感恩！

不過人生就好似一班列車，
走向唔同嘅旅程，
就算幾唔捨得，
呢一站，
都要講再見啦！

多謝每一位台前幕後嘅朋友，
對我嘅照顧，
好多一齊奮斗、
捱更抵夜、
出生入死嘅片段尤如昨天，
一切瀝瀝在目！

感激每一位用過我、信任過我、幫助過我嘅監製、編審、導演、副導演！仲有化妝師、髮型師同服裝師，一切在心中，江湖見

由擔演死屍、替身、路人丙、禮物小姐一步一步到主持、有連戲角色，慶幸有大家望住我一路成長，接下來，希望大家仍然繼續支持我呢位小小薯，繼續追夢，仍然樂意陪伴我迎接未來不同挑戰，見證我一路成長，感恩沿途有您

對於雪雪離開TVB，不少網民也留言向她送上祝福：「除咗tvb仲有好多發展空間同機會，支持妳」、「雪雪加油」、「祝福你新一章順利、湧起更高嘅浪、擦出更亮嘅火花」，也有網民留言問雪雪的新動向。

另外，有網民擔心《愛·回家之開心速遞》KC（歐瑞偉飾）與Rachel（孫慧雪飾）的感情發展，留言問：「咁KC又失戀呀？」，而雪雪早在今年2月因懷孕而停止拍攝工作。

身為藝人兼KOL、兩子之母的雪雪，向來瓣數都相當多，除了早年曾在網上賣衫及手作仔、開設時裝店外，更在2021年與朋友開設食材店，努力追夢。

她曾在TOPick專訪中分享：「做媽媽真的很矛盾，返工時好掛住個仔，但又想給他更好的生活，所以努力工作。其實我都想讓他明白，媽媽是朝著目標為理想去努力，希望藉此鼓勵他長大後可以追求自己的夢想。」

今日晏晝有燒味，想食啲咩？

燒味，即係廣東菜入面嘅燒嘢食，喺酒樓同中式快餐都有得賣，通常會同飯、米粉、河粉或者麪一齊食。喺大陸同臺灣都有唔少人以為［燒臘］即係［燒味］，但其實佢哋係有啲分別嘅，因為香港燒臘舖除咗一年四季賣［燒味］之外，到咗秋冬兩季亦都會賣埋［臘味］，所以先至叫［燒臘］。

明爐燒味：
。燒腩仔
。脆皮燒鵝
。蜜汁靚叉燒
。玫瑰豉油雞
。招牌貴妃雞
。化皮乳豬

圖：香港航空

香港語文。廣東話資料館

少壯不努力.........［凍飲加兩緡］！

喺廣東話俗語裡頭，［粗口］同［屎尿］文化係民眾平時嘅生活用語，屎尿文化雖然聽起嚟係好粗俗，不過又幾得意同低死嘅。例如：諷刺人過於老實，可以話佢係［擔屎唔偷食］；妒忌人好運成功，就話佢係［食屎食着豆］；鄙視人貪威識食、好食懶做，又可以串佢［屎都冇得食］；再例如指人孤寒或者庹縮，就會話佢［屙尿都隔渣］之類。

＊＊

少壯不努力，老大徒傷悲！呢句話係形容人年輕力強時唔奮發向上，到年紀大咗之後就會後悔莫及。出自漢樂府嘅［長歌行］裡頭。

青青園中葵，朝露待日晞。
陽春佈德澤，萬物生光輝。
常恐秋節至，焜黃華葉衰。
百川東到海，何時復西歸？
少壯不努力，老大徒傷悲！

＊＊

#屎尿文化
#香港語文
#廣東話資料館