༄༅། །ན་མོ་ཨཱརྱ་ཏཱ་རེ་ཡེ། ཨོཾ་བཅོམ་ལྡན་འདས་མ་ལྷ་མོ་སྒྲོལ་མ་ལ་ཕྱག་འཚལ་ལོ།། ཕྱག་འཚལ་སྒྲོལ་མ་ཏཱ་རེ་དཔལ་མོ།། ཏུཏྟཱ་རེ་ཡིས་འཇིགས་ཀུན་སེལ་མ།། ཏུ་རེས་དོན་རྣམས་ཐམས་ཅད་སྟེར་མ།། སྭཱ་ཧཱ་ཡི་གེ་བཅུ་ལ་རབ་འདུད།། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། འདི་ནི་ཇོ་བོ་དཔལ་ལྡན་ཨ་ཏི་ཤ་ཉེ་ཐང་ངོར་བཞུགས་པའི་ཚེ།ལེགས་པའི་ཤེས་རབ་གློ་བུར་དུ་བསྙུང་བ་ལ། འབྲོམ་སྟོན་པས་པྲ་ཕབས་པར་དུས་གཅིག་ལ་སྒྲོལ་མ་ཁྲི་ཚར་བཏོན་ན་ནད་ལས་གྲོལ་ཞེས་བྱུང་བ་ན།ཇོ་བོས་སྒྲོལ་མར་གསོལ་བ་བཏབ་པས། སྒྲོལ་མས་འདི་གསུངས་པས་དགེ་མཚན་མངོན་སུམ་དུ་བྱུང་། བྱིན་རླབས་ཆེ་ཞིང་མྱུར་བས། འདི་ཚར་རེ་བརྗོད་ན་སྒྲོལ་མ་ཚར་རེ་བཏོན་པ་དང་མཉམ་པར་གསུངས་སོ། ། ༄༅། །འཇིགས་པ་བརྒྱད་སྐྱོབ་མ་བཞུགས་སོ། ། ༄༅། །ཨོཾ་འཇིགས་པ་བརྒྱད་སྐྱོབ་མ་ལ་ཕྱག་འཚལ་ལོ།། བཀྲ་ཤིས་དཔལ་འབར་མ་ལ་ཕྱག་འཚལ་ལོ།། ངན་སོང་སྒོ་བཀག་མ་ལ་ཕྱག་འཚལ་ལོ།། མཐོ་རིས་ལམ་འདྲེན་མ་ལ་ཕྱག་འཚལ་ལོ།། རྟག་ཏུ་ཁྱོད་ཀྱིས་སྟོངས་པར་མཛོད།། ད་དུང་ཐུགས་རྗེས་བསྐྱབ་ཏུ་གསོལ།། ཞེས་པ་འདི་ནི་ཇོ་བོ་གསེར་གླིང་དུ་བྱོན་དུས་གསུངས་སོ།། https://t.cn/RJPH3AV

༄༅།།ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ།
ཧེ་དུནྟེ་ཥཱནྟཱ་ཐཱ་ག་ཏོ་ཧྱ་བ་དཏ།
ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་
ཤྲ་མ་ཎཿཡེ་སྭཱ་ཧཱ།།

诸法从因生，彼因如来说，
诸法因缘尽，是大沙门说。

རླུང་རྟའི་བསང་།
༄༅། ། ཨོཾ་རྨད་བྱུང་བྱིན་རླབས་དངོས་གྲུབ་ཆར་བཞིན་དུ། ། སྩོལ་མཛད་བླ་མ་ཡི་དམ་དཀོན་མཆོག་གསུམ། ། དཔའ་པོ་མཁའ་འགྲོ་བསྟན་སྲུང་ཚོགས་རྣམས་ཀྱིས། ། རྣལ་འབྱོར་བདག་གི་རླུང་རྟ་ཡར་ལ་བསྐྱེད། ། གང་གི་མཐུ་ལས་ནག་པོའི་དཔུང་འཇོམས་ཤིང་། ། དཀར་པོ་ཚོགས་བསྐྱེད་བསམ་དོན་ཇི་བཞིན་དུ། ། འགྲུབ་པའི་བ་དན་སྲིད་གསུམ་སྒྲེངས་པ་ཡི། ། རྣལ་འབྱོར་བདག་གི་རླུང་རྟ་ཡར་ལ་བསྐྱེད། ། སྟག་ལྟར་འཕྱོ་བའི་རླུང་རྟ་ཡར་ལ་བསྐྱེད། ། སེང་ལྟར་ངར་པའི་རླུང་རྟ་ཡར་ལ་བསྐྱེད། ། འབྲུག་ལྟར་ལྡིར་པའི་རླུང་རྟ་ཡར་ལ་བསྐྱེད། ། ཁྱུང་ལྟར་ལྡིང་བའི་རླུང་རྟ་ཡར་ལ་བསྐྱེད། ། སྣ་ཚོགས་བསང་རྫས་བསྲེག་པའི་དུད་སྤྲིན་འཁྲིགས། ། རླུང་རྟའི་དར་ལྕོག་སྲིད་རྩེར་བསྒྲེངས་བ་ཡིས། ། གནས་སྐབས་རླུང་རྟ་རྒུད་པའི་རྐྱེན་སེལ་ཏེ། ། ལྷུན་པོ་སྤོ་བཞིན་རླུང་རྟ་ཡར་ལ་བསྐྱེད། ། རླུང་རྟ་ཡར་ལ་བསྐྱེད་པའི་རྣམ་དཀར་ལ། ། བརྟེན་ནས་འགྲོ་འདུག་སྤྱོད་ལམ་སྨྲ་བརྗོད་སོགས། ། ཅི་བྱེད་ལམ་དུ་འགྲོ་བའི་འོད་སྣང་གིས། ། ཡིད་འོང་པདྨའི་ཟེའུ་འབྲུ་བཞད་པར་ཤོག ། སྟག་སེང་ཁྱུང་འབྲུག་བཞི་དང་འགྲོགས་པ་ཡིས། ། རླུང་རྟའི་དགེ་མཚན་ཕུལ་ཏུ་བྱུང་བ་ཡིས། ། བདག་ཅག་ཉིན་མཚན་ཀུན་ཏུ་སྐྱབས་མཛད་ཅིང་། ། མི་མཐུན་དགྲ་སྡེ་བརླག་པའི་འཕྲིན་ལས་མཛོད། ། དེ་ལྟར་རླུང་རྟ་བསྐྱེད་པའི་དགེ་མཚན་ལ། ། བརྟེན་ནས་བདག་གི་སྲོག་ལུས་དབང་ཐང་དང་། ། ཁ་རྗེ་རླུང་རྟ་ཡར་ཟླ་བཞིན་འཕེལ་ནས། ། ཕན་བདེ་དཔལ་ལ་རོལ་པའི་བཀྲ་ཤིས་ཤོག ། ཁྱད་པར་བདག་གི་ཚེ་དང་བསོད་ནམས་དང་། ། དཔལ་འབྱོར་རླུང་རྟ་ཕྱོགས་བཅུར་དར་བ་དང་། ། ཆོས་དང་སྲིད་ཀྱི་འདོད་པའི་བསམ་དོན་ཀུན། ། གེགས་མེད་ལྷུན་གྱིས་འགྲུབ་པའི་བཀྲ་ཤིས་ཤོག ། ཀུན་འདུས་སརྦ་འདུ་འདུ་ཧོཿ། ། https://t.cn/R2WxesE