ཐུགས་བརྩེ་ལྷ་ལམ་ཡངས་པོའི་གུར་ཁྱིམ་ན་བཞུགས་པའི།།
སྤྱན་བཟུང་པད་དཀར་འདབ་མའི་རྒྱུ་ཕྱོགས་དེ་མཛེས་པོ།།
རབ་མཛེས་ཨུཏྤལ་ཚལ་ལ་ལང་ཚོ་རང་འགྲན་པའི།།
མཚོ་བྱུང་དབྱངས་ཀྱི་སྲས་མོས་བྱིན་རླབས་དེ་སྩོལ་ཅིག།

དད་གསུམ་ཆུ་ཤེལ་དཀར་པོའི་རང་མདངས་དེ་མ་ཉམས།།
གཡོ་ཟོལ་བཅོས་མིན་འཛུམ་གྱི་སོམ་ཕྲེང་དེ་མ་འཐོར།།
གཤིས་འཇམ་བལ་དཀར་ཁ་ཆུའི་དངུལ་རྒྱན་རང་སྤྲད་པའི།།
སྒེག་ལྡན་ལྷ་ཡི་སྲས་མོ་དབྱངས་ཅན་མར་འདུད་དོ།།

དབུ་སྐྲའི་ལན་བུ་འགྲམ་པར་ཐུར་དུ་རུ་འཕྱང་པའི།།
ཞལ་རས་དཀར་ལ་འཛུམ་པའི་མདངས་ལྡན་གྱིས་འཁྱུད་པའི།།
གསུང་དབྱངས་སྙན་མོའི་པི་ཝང་ཕྱག་ཐོགས་ཀྱི་མ་མ།།
དབྱངས་ཀྱི་མཚན་ཅན་སྐྱེས་མའི་མཆོག་གྱུར་མར་གུས་སོ།།

སྔགས་བརྗོད་དད་པའི་མེ་ཏོག་གུར་ཀུམ་དང་ཀུ་མུད།།
སེམས་ཀྱི་སྒྲོམ་ཆུང་དབུས་ནས་ཁྱེད་ཉིད་ལ་འབུལ་ན།།
སྙན་འཇེབས་དབྱངས་ཀྱི་རྣ་ཆ་བདུད་རྩི་དང་ལྷན་དུ།།
འཛད་མེད་གར་ལ་རྩེད་པའི་བདག་ཡིད་དུ་བཀྲམ་ཤོག།

ཨེ་མ་ཧོ།།

ཨོ་རྒྱན་འཇིགས་མེད་ནམ་མཁའ་གླིང་པ་དང་།། ཌཱཀྐི་ཏཱ་རེ་བདེ་ཆེན་རྒྱལ་མོ་ལ།། གུས་པའི་གསོལ་འདེབས་ཐུགས་ཡིད་གཅིག་ཏུ་འདྲེས།། འབྲེལ་ཚད་པདྨ་འོད་དུ་སྐྱེ་བར་ཤོག། ༀ་ཨཱ༔ཧཱུྃ་བཛྲ་གུ་རུ་ཨ་བྷྱ་ལཱཀྵཾ་ཀ་ར་ཛྙཱ་ན་ཏཱ་རེ་དེ་ཝཱི་མ་ཧ་སུ་ཁ་སིདྡྷི་ཧཱུྃ༔
[鲜花][鲜花]

རྒྱལ་སྲས་ཞི་བ་ལྷའི་ཞལ་ནས།

བདག་ནི་མལ་ན་འདུག་བཞིན་དུ།།གཉེན་བཤེས་ཀུན་གྱིས་མཐའ་བསྐོར་ཀྱང༌།།
སྲོག་འཆད་པ་ཡི་ཚོར་བ་དག།བདག་ཉིད་གཅིག་པུས་མྱོང་བར་འགྱུར།།
གཤིན་རྗེའི་ཕོ་ཉས་ཟིན་པ་ལ།།གཉེན་གྱིས་ཅི་ཕན་བཤེས་ཅི་ཕན།།
寂天菩萨曰：

当我辗转困床褥，纵多亲友相环守，
毕竟临终命断时，死苦唯吾一人受，
堕落死王使者手，亲知何补友何能。