62歲三哥《使徒行者3》硬攝搶視帝 林峯湊女大過天、王浩信起雙飛都要讓路！

東方新地 - 娛聞
Dec 8 2020 - 20:50

每年的台慶頒獎典禮，視帝視后獎項都成全台小生花旦爭搶的肥豬肉，今年的台慶「萬千星輝頒獎典禮」，已定明年一月舉行，兩部重頭劇《使徒行者3 》及《踩過界2 》享盡天時地利，食住個勢攞獎機會亦提高，回巢再拍《使徒3 》的林峯，以及《踩過界2 》的王浩信均被睇高一線，據悉無綫近日便落足嘴頭游說在內地陪妻女的林峯返港出席頒獎典禮造勢，不過湊女大過天的他，據知仍未落實會否返港出席，新手爸爸林峯歎慢板，而同樣在《使徒3 》孭重飛的三哥（苗僑偉），近日就瞓身博盡宣傳趁勢攝位搶視帝，令賽果峰迴路轉！

撰文、圖片：東方新地

林峯、王浩信今年視帝大熱人選

「 53周年台慶」曲終人散，下一個無綫全台藝人的重要大日子，肯定是一年一度的「萬千星輝頒獎典禮」，當中視帝視后兩個大獎，更是一眾小生花旦的最高榮耀，今年的「萬千星輝頒獎典禮」，已定下年一月舉行，辛苦一年等攞這張成績表的小生花旦們更是不容有失，為攞獎各出奇謀，努力催谷人氣作最後衝刺。食盡天時地利的兩部台慶重頭劇《使徒行者3 》及《踩過界2 》，相對便比早階段播出的劇集佔優，「爆 Seed 」林峯和「盲俠」王浩信更被喻為是今年視帝大熱人選。

林峯湊女大過天 獎項唔夠吸引力

離巢五年的林峯，離巢作《使徒行者》更是14年無綫全年最高收視劇集，去年無綫成功傾掂林峯回巢助陣再演「爆 Seed 」，的確為《使徒3 》成功造勢，不過去年底宣布同內地女模張馨月結婚的林峯，今年九月女兒出世升呢人父，便一直未有再在港露面，當大家為林峯緊張，他今年能否在台慶頒獎禮陪跑十六次打破宿命開齋封視帝，原來林峯早看淡獎項，更忙於在內地湊女未有返港為《使徒3 》宣傳。據知情者透露：「結婚生女之後，阿峯心態已經唔同咗，話晒喺呢行都成廿年，搏命衝爭獎嘅日子已經過晒，依家對阿峯嚟講，冇嘢緊要得過陪老婆同湊女，始終個女出世都係兩個幾月，呢段時間老婆都係啱啱坐完月，阿峯要照顧老婆之餘，亦好緊張個女，每日睇住個女每一步成長變化，阿峯已經甜入心，依家佢根本唔捨得離開個女半步，喺內地拍電影時間容易遷就佢先會接，雖然無綫好想阿峯返嚟撐頒獎禮，但遇上疫情，中港來回要隔離廿八日，佢有好多嘢要顧慮，佢都同公司講明未必可以返到嚟，雖然係咁，無綫高層唔放棄，依家仲努力游說佢！」

苗僑偉入行四十年想錦上添花

林峯歎慢板，相反同屬《使徒3 》孭重飛的三哥（苗僑偉）永不言休，近年劇接劇冇停手的他，身為前輩對視帝獎項亦虎視眈眈，更希望在入行四十年能為事業錦上添花！近日《使徒3 》熱播，仍在趕拍邵氏網劇《飛虎之壯志英雄》的三哥，還努力分身配合宣傳博到盡。據知情者透露：「三哥同樂小姐本身就好friend，近年邵氏幾部大製作網劇，三哥都係台柱，佢真係好勤力，入行四十年對拍劇仲有團火，每次宣傳亦做到足，有時 TVB打嚟要佢幫手撐場，佢亦冇托手踭，喺《使徒3 》入面，三哥同林峯戲份叮噹馬頭，佢兩個嘅角色貫連整套劇嘅主線，林峯湊女宣傳完全冇影，三哥就做領軍帶住一班後輩出嚟宣傳！呢排劇集熱播口碑好，令三哥對攞獎亦信心大增！」

高層愛將王浩信棄宣傳賺人仔

而另一無綫高層愛將王浩信，今年先後在劇集《反黑路人甲》及《踩過界2 》演出都備受好評，近日劇集推出，更得無綫厚愛安排他返內地拍電影《兵王之絕境》擔正男一賺人仔，御准唔使留港宣傳，王浩信日前接受內地傳媒訪問，開腔承認恨再攞視帝獎，他直言今年自己有兩部大劇播出，辛苦後當然希望有回報，不管是攞劇集獎還是攞個人獎項都是一種鼓勵。不過17年已經憑《踩過界》盲俠一角封視帝的他，能否再以同一角色封帝似乎亦有難度，加上三哥硬攝搶獎，同前輩玩爭凳仔，唔通真係敢唔讓路咩？

#灰原哀[超话]##灰原哀8.18灰原の日##灰原哀##灰原哀周边# 爱我哀1314[羞嗒嗒][女孩儿]喜欢我哀12年了，以后也会更喜欢哀酱[给你小心心]会开始买周边也是因为一起喜欢哀的天使同担开团带我吃谷[羞嗒嗒]因为我哀认识了好多可爱同担[好喜欢]转发抽五个小可爱81.8r，9月1号开奖[羞嗒嗒]没黑过哀即可。 ​ https://t.cn/A64GZkiw

海外小☂️想加入伞人温暖大家庭
亲爱的5群管理员们 康康我啊

1. OP雨昕，❎CP，❎团内多担。
2. 后援会， 数据站，安利凭空组，超话管理和反黑组全部已关注。超话8⃣️级。
（图1，图2）
3. 刘雨昕个人微博总量大于15条，
原创大于5条。 微博就是为雨昕开的。
4. 有转赞评，有打投，有购买代言产品。（图3，图4）

康康我吧 让我一起吧[抱抱]