ཀ་པ་ལ་རུ་བུའུ་གཏད་ཀྱང་།།
ཁ་པུལ་གནམ་ཐང་མཐའ་རུ་འཚང་།།
ག་འགྲོ་ངེས་པ་མེད་ན་ཡང་།།
ང་ཡང་ཕྱི་ལ་ཁྲིད་རོགས་ཞུས།།
ཅ་ག་རྒྱུ་ནོར་ཕངས་མེད་སྤྱུགས།།
ཆ་མེད་མི་ལ་སྐྱབས་སུ་བཅོལ།།
ཇ་ཆང་ལོངས་སྤྱོད་དམིགས་པ་མིན།།
ཉ་སྟོང་སྔོན་ལ་ཐར་བར་རེ།།
ཏ་ཐཱ་ག་ཏ་དགྲར་འཛིན་པ།།
ཐ་ལི་པན་གྱི་བདུད་དཔུང་གིས།།
ད་རེས་རྒྱལ་ས་འཕྲོག་པའི་ཚེ།།
ན་བུན་འཇིགས་པོ་གང་སར་ཁྱབ།།
པ་ཕས་སྨ་ར་འཇོག་ལ་བརྩོན།།
ཕ་མས་བུ་མོ་རས་ལ་བཏུམ།།
བ་དན་དར་ཆ་བརྗེས་ནའང།།
མ་རུང་ཚོགས་ལ་ཀུན་པོ་ཞེད།།
ཙ་རི་ཨ་རིར་ཐར་བ་ན།།
ཚ་གྲང་ལྟོགས་སྐོམ་མྱོང་དགོས་ཀྱང་།།
ཛ་དྲག་ཆེ་བའི་གནས་མིན་པས།།
ཝ་ཆུ་འཐུང་དགོས་བྱུང་ཡང་སྐྱིད།།
ཞ་བོ་ལོང་བ་མིན་པའི་ཚེ།།
ཟ་མ་ཁ་ལ་རག་ངེས་ཡིན།།
འ་ཅག་རང་དབང་ལུང་པ་ནས།།
ཡ་རབས་སྤྱོད་པའི་འཚོ་བས་འཐུས།།
ར་མ་ལུག་ལ་ཆ་འདྲ་ཡང་།།
ལ་མོ་རྒྱབ་ཀྱི་སྐྱབས་བཅོལ་བར།།
ཤ་ཚ་སྙིང་རྗེ་སྒོམ་མཁན་དག།
ས་མཐའི་ཡུལ་གྱར་རྣམས་ཀྱི་སྐྱབས།།
ཨ་རག་ཨི་རན་ཨབ་གྷན་སོགས།།
ཧ་ལམ་དད་མོས་གཅིག་ཡིན་མོད།།
ཨ་རིས་སོ་སྲུང་མེད་པ་ན།།
ཧ་ནེ་ཐ་ལི་པན་ལ་སྐྲག།

ཉེ་ཆར། _མཁས་དབང་བེ་རི་འཇིགས་མེད་ནས། ༧དཔལ་རྒྱལ་དབང་ཀརྨ་པ་ལ་བསྟོད་པ།
རིག་བྱེད་རྩོམ་རིག་ལོ་རྒྱུས་སྨྲ་བ་ལ།།
ང་ཉིད་ཡིན་སྙམ་ཁེངས་པ་བདག་ལ་ཡོད།།
དེ་ལྟ་ནའང་ཁྱོད་ཀྱི་མདུན་ས་ན།།
བདག་ནི་བྱིས་པ་ཆུང་ཆུང་ཙམ་དུ་ཟད།། https://t.cn/EXNjJra

ཚེ་འདི་དང་ཚེ་ཕྱི་མའིབདེ་སྐྱིད་ཐམས་ཅད་ཀྱི་འབྱུང་ཁུངས་ནི་དགེ་བ་བསགས་པ་ལས་འབྱུང་བ་ཡིན།

གལ་སྲིད་དགེ་བའི་རྒྱལ་པོ་བྱང་ཆུབ་ཀྱི་སེམས་སྐྱེད་པར་གྱུར་ན།

བདེ་བ་ཅན་དུ་སྐྱོད་པའི་སྒོ་མོ་འབྱེད་ཐུབ་པ་རེད།

བྱང་ཆུབ་སེམས་ཡོད་ན།

གནས་སྐབས་ཀྱི་བདེ་ཐང་དང་།

ཚེ་རིང་།

རྒྱུ་ནོར།

ཁྱིམ་ཚང་འཆམ་མཐུན་ཡིན་ནའང་འདྲ།

ཡང་ན་མ་འོངས་པར་འཁོར་བ་ལས་ཐར་ཞིང་བདེ་བ་ཅན་དུ་སྐྱེ་བ་དང་། རྣམ་མཁྱེན་སངས་རྒྱས་ཀྱི་གོ་འཕང་པ་སོགས་ཀྱི་ཕུགས་ཀྱི་བདེ་སྐྱིད་ཡིན་ནའང་འདྲ།

གང་ལྟར་རང་ཤུགས་ཀྱི་ཐོབ་ཐུབ་པ་ནི་ཐེ་ཚོམ་སྤུ་ཙམ་ཡང་མེད་པ་ཞིག་རེད།

今生和来世的一切安乐之源泉，就是行善积德，若能悉发善中之王菩提心，就能打开通往安乐世界的大门。有了菩提心，不论是暂时的健康、长寿、财富、家庭和谐，还是未来解脱轮回，往生净土，成就遍知的佛果等长远之安乐，都能自然而获得，这是毫无疑问的。