མཐོང་བ་ཙམ་གྱིས་དད་པའི་སྤུ་ལོང་གཡོ།།
ཐོས་པ་ཙམ་གྱིས་དགའ་བ་འབུམ་དུ་སྟེར།།
དྲན་པ་ཙམ་གྱིས་སྙིང་གི་མུན་སེལ་བ།།
འདྲེན་མཆོག་དཔལ་ལྡན་བླ་མར་སྙིང་ནས་གུས།།

བཀའ་དྲིན་དང་ཐུགས་རྗེ་བླ་ན་མེད་པའི་བླ་མ་རིན་པོ་ཆེ་ཁོང་གི་མདུན་ནས། ཁར་སང་སླར་ཡང་ཟབ་ཆོས་སྙིང་དང་འདྲ་བ་འགའ་ཡི་ལྗགས་ལུང་ལེགས་པར་ཐོབ་པའི་སྐལ་བཟང་བྱུང་བས་སེམས་པ་ཅིས་ཀྱང་སྐྱིད་སོང་། ད་དུང་ཡང་སྨིན་གྲོལ་གྱི་གདམས་པ་ཟབ་མོ་གང་མང་ཐོབ་པ་དང་། ཁོང་གི་སྐུ་ཚེ་བརྟན་ཞིང་མཛད་འཕྲིན་རྒྱས་པར་སྙིང་ནས་གསོལ་བ་འདེབས་པ་ལགས་སོ།།[合十][合十][合十] གུ་རུ་ཉི་མས།

2021 9 3

གནས་ཆེན་རི་བོ་བར་མའི་རྟོགས་བརྗོད་ལས།

ཅི་ཕྱིར་སྐུ་མཆོག་འདི་རྣམས་ལ། །
སྲོང་བཙན་རྒྱ་བཟའ་པདྨ་དང་། །
མཚོ་རྒྱལ་ལོ་ཙྭ་གང་ཟག་རྣམས། །
སྨོན་ལམ་བྱིན་རླབས་བདེན་པ་གང་། །
ཐེབ་པར་གདབ་པས་བདག་ཉིད་ཀྱི། །
ཐེ་ཚོམ་མེད་པར་ངེས་པའོ། །
དེ་ཙམ་མདོ་ཁམས་ས་ཡི་མཐིལ། །
སྨར་ཁམས་སྒང་གི་གཞོག་ཆེན་གཡོན། །
རི་བོ་བར་མའི་དཀར་ཆག་དང་། །
རྡོ་ལྷའི་ལོ་རྒྱུས་དཀར་ཆག་འདི། །
དད་ལྡན་མང་པོས་བསྐུལ་བ་དང་། །
མཁའ་འགྲོ་ལྷ་ཡིས་གནང་བ་ཐོབ། །
བར་ཆད་མི་འོངས་ལུང་བསྟན་བཞིན། །
རྣལ་འབྱོར་ཕྱོགས་མེད་ཀུན་ཏུ་རྒྱུ། །
སྟག་ཤམ་ནུས་ལྡན་རྡོ་རྗེ་ཡིས། །
ལྕགས་ལུག་ཟླ་བ་བདུན་པའི་ཉར། །
གནས་ཆེན་རྡོ་རྗེ་གྲོ་ལོད་ཀྱི། །
གསང་ཆེན་ཆོས་འབྱུང་མཐིལ་དུ་སྦྱར། ། https://t.cn/EXa6sd9