༄༅།།འཕྲུལ་ཆས་སྤྱད་པའི་རྙེད་དོན་ཚན་རིག་དང་།།

ཏིང་འཛིན་ཤེས་རབ་འཁྱུག་པའི་མྱོང་བ་གཉིས།།

གཡས་གཡོན་གཤོག་པ་ཟུང་གི་འཕུར་རླབས་ཏེ།།

གཅིག་ཤོས་གཅིག་གིས་འགོག་པ་བློ་གྲོས་རྩིང་།།
༸སྐྱབས་རྗེ་མཁན་ཟུར་མཁས་དབང་ཨ་མཆོག་རིན་པོ་ཆེས།

ཞེན་ཆགས།

ཞེན་ཆགས་རུམ་གང་ཁུར་ནས་ལམ་ན་ཆས། །
ལ་དང་ལེ་དབར་བརྒལ་ནས་ཚུར་ཚུར་ཡོང་། །
ཁྱེད་ཀྱི་ཕྱོགས་ལ་ཕྱི་མིག་ཡང་ཡང་བལྟས། །
ཞལ་རས་ཟླ་བ་འདྲ་བོ་སླར་ཡང་དྲན། །

ལམ་གྱི་ཁུག་པ་ཇི་ཙམ་བརྒལ་བ་ན། །
དེ་ལྟར་ཁྱོད་ནི་རྒྱང་ནས་རྒྱང་དུ་ལུས། །
རྒྱང་ལ་ལུས་པའི་མི་ནི་སེམས་ཀྱི་མི། །
དྲན་གྱིན་དྲན་གྱིན་མི་མཐའ་མཆི་མས་བརླན། །

ང་ནི་ཆགས་སྡང་ཆེ་བའི་མི་ཞིག་སྟེ། །
ལུས་ནི་ལམ་ཐག་བཅད་དེ་འདི་རུ་ཐོན། །
སེམས་ནི་ད་དུང་ཁྱེད་ཀྱི་གམ་ལ་ལུས། །
འཁོར་བ་འདི་ལས་བྲལ་འདོད་མི་འདུག་ཨང་། །

མཚན་མོའི་ཟླ་བ་འདི་ཡང་ཁྱོད་ཡིན་ན། །
འདི་ནས་ང་ཡིས་ཟླ་བར་བལྟས་པས་ཆོག །
ཟླ་བའི་འོད་ཟེར་བདག་ལ་ཕོག་པ་ཡང་། །
ཁྱོད་ཀྱི་བརྩེ་བའི་ཟེགས་མ་ཡིན་ན་སྙམ། །

འོ་མས། https://t.cn/EXOahDy

མི་ཚེའི་ཁྲོད་ཀྱི་ཆེས་རྩ་ཆེ་བ་ནི། ཐོར་ལ་ཉེ་བའི་རྒྱུ་ནོར་དེ་དག་མ་ཡིན་པར།
གཞན་གྱིས་འཕྲོག་མི་ནུས་པའི་ཤེས་རབ་དང་སྙིང་རྗེ་དེ་དག་ཡིན།
人生中最宝贵的不是那些将散尽的财富，
而是无法被夺走的智慧和慈悲。