（香港   2021年10月10日）熊黛林（Lynn）今天生日，日前公司老闆跟一班同事為Lynn預祝生日，大家還為她特別訂製Lynn小時候最喜歡吃的菠蘿油造型蛋糕，Lynn看到後大感驚喜，笑不攏嘴，她笑說：「我唔係感動落淚，係笑到標眼水！蛋糕個形狀加埋支蠟燭有少少搞笑，蠟燭都唔知放喺邊度好，哈哈哈。菠蘿油係我最鍾意食嘅港式麵包，但係因為牛油係我嘅死穴，一食就肥，所以已經戒咗好耐，今次大家知道我鍾意菠蘿油就訂呢個蛋糕畀我，真係好有心、好感動。」
 
提到今年生日，本來Lynn昨天跟家人相約出外共晉晚餐慶祝，今天則計劃在家舉行大閘蟹宴，不過昨日在熱帶氣族獅子山的影響下，8號風球持續一整天，令到昨天的家人聚會延至今天正日生日才舉行，Lynn說：「今年生日原本會提早一日同屋企人喺出面食餐飯，都想着得靚靚，一家人影吓相，成家人齊齊整整咁過，因為我哋係一個大家庭，過時過節邊個生日都會出嚟慶祝吓，不過8號風球一直都不減弱，所以不能出外，再加上冇準備，所以只能喺屋企食公仔麵，飯局改到今日，希望颱風遠離。」

今天正日本來計劃跟老公、BB留在家中吃大閘蟹餐，簡簡單單地度過，不過因天氣而打亂了計劃，Lynn心情卻未受影響，她笑說：「其實我真係一個大閘蟹控，老公諗住正日食我最鍾意嘅大閘蟹，因為今年未食過，其實食乜嘢都冇所謂，只要一家人齊齊整整，一家人開心就足夠。」自從結婚並誕下孖女後，甚有傳統觀念的Lynn每逢節日必定要一家人齊齊整整慶祝：「放低兩個女唔得架，我會唔捨得，一定要一齊。但係二人世界都一定有嘅，等疫情好返都想安排去旅行，因為都要放鬆吓心情，都好鍾意同老公出外輕鬆吓。」
 
最後，談到Lynn今年的生日願望：「我嘅生日願望係身體健康、BB快高長大，希望疫情快啲過去，所有嘢重回正軌。」

ANSONBEAN為公益金便服日2021宣傳 惡搞睡衣便服日慘被訓話

（香港2021年9月23日）公益金便服日於10月28日舉行，今年繼續以We We Wear Wear作主題，為注入青春新力量，公益金找來陳毅燊（ANSONBEAN）、雲浩影與強尼為公益金便服日2021宣傳，日前他們於柴灣拍攝宣傳片，他們由學生或上班族搖身一變便服裝束。三人早於《全民造星III》已認識，一見面便互相分享近況，非常投契。

拍攝當日ANSONBEAN換上三套服裝，穿上背心的他未埋位前狂做掌上壓與拉橡筋帶谷肌，做好準備，首次擔任公益金便服日大使，ANSONBEAN說：「拍攝嘅時候都好輕鬆同開心，可以着唔同嘅便服，好舒服，又可以扮打功夫，好開心。要操肌係因為之前工作日夜顛倒，所以瘦咗好多，上鏡覺得好瘦，所以要泵行啲，加上我食得唔夠多嘢，我純粹想大隻啲，冇問題呀！」

提到便服日，貪玩的ANSONBEAN年前在學校的便服日惡搞一翻，老師更早已知道自己是「真凶」，慘被訓話，他笑說：「便服日我鍾意着衛衣牛仔褲，成日都係咁着，但係最有深刻回憶嗰次，自己真係忍冇可忍，次次着得差唔多，我覺得好悶嘞，有個朋友話對着睡衣有興趣，所以我諗住令便服日更加難忘，就疊馬叫晒啲朋友着睡衣返學，全套傳統睡衣，一齊行出宿舍喺走廊度行。不過最後就好似啲鬼片咁，逐個逐個畀訓導主任捉咗，要我哋除返件睡衣，仲俾訓導主任知道一定係我嘅主意，所以奉勸大家要着得醒目啲，哈哈。」ANSONBEAN笑言便服日記緊要穿回平日穿得舒適的便服，若獲得學校批准的話，穿着如萬聖節或嘉年華的服飾也未嘗不是好事呢！

趙小姐嘅豆腐酪 一樣兩份 姐係我五日食左六個派 好似係有d瘋狂
蜜桃可可酪
人氣最高 一d豆腥味都冇 仲嚼到蜜桃粒粒 我鍾意
百香果芒果斑斕
人要優先自己嘅口味 唔鍾意百香果就唔好俾佢希望 但係我都食塞 冇浪費糧食
玫瑰黑加侖酪
最愛我覺得佢係呢三個中最好味嘅但係唔微凍會有d甜 建議減糖量
總結 下次都係要衝芥末飛魚籽 最多多個玫瑰黑加侖