【མེ་འཁོར་གཏོང་མཚམས་འཇོག་པའི་སྤྱི་བསྒྲགས།】ཟླ1པོའི་ཚེས12ཉིན་མཚོ་སྔོན་མུན་ཡོན་གྱི་ས་ཡོམ་གྱི་ཤུགས་རྐྱེན་ཐེབས་པས། 2022ལོའི་ཟླ་དང་པོའི་ཚེས14ཉིན་ཟི་ལིང་ནས་མིན་ཡོན་ལ་སྐྱོད་པའི་མེ་འཁོརD8901དངD8903 D9915 D8905 དེ་མིན་མིན་ཡོན་ནས་ཟི་ལིང་ལ་སྐྱོད་པའི་མེ་འཁོརD8902དངD8904 D9916 D9918 D8906བཅས་གཏོང་མཚམས་འཇོག་རྒྱུ་རེད།
ལྕགས་ལམ་སྡེ་ཁག་གིས་རྒྱ་ཆེའི་འགྲུལ་པར་དྲན་སྐུལ་བྱས་དོན། ཁྱེད་ཀྱིས་དུས་དང་རྣམ་པ་ཀུན་ཏུ་མེ་འཁོར་ས་ཚིགས་ཀྱི་སྤྱི་བསྒྲགས་སམ་ཡང་ན12306བློ་འདྲི་བཅས་ལ་དོ་སྣང་བྱས་ཏེ། མེ་འཁོར་གྱི་སྤ་སེ་ཉོས་ཟིན་པའི་སྐུ་མགྲོན་གྱིས་ཉིན30ནང་རྒྱལ་ཡོངས་ཀྱིས་མེ་འཁོར་ས་ཚིགས་སོ་སོ་ནས་སྤ་སེ་ཕྱིར་སློག་བྱེད་པའི་སྐར་ཁུང་དང་རང་འགུལ་སྤ་སེ་ཕྱི་འཚོང་འཕྲུལ་ཆས། ཡང་ན12306སྐུད་ལམ་བརྒྱུད་དེ་རིན་མི་དགོས་པར་སྤ་སེ་ཕྱིར་སློག་གི་འགྲོ་ལུགས་སྒྲུབ་ཆོག དེར་བརྟེན་ཁྱེད་རང་ཕྱིར་བསྐྱོད་སྐབས་སྟབས་མི་བདེ་བ་བཟོས་བྱུང་བས་ཁྱེད་ཀྱིས་དགོངས་དག་གནང་རོགས། །

【“རྒྱལ་ཡོངས་ཀྱི་རྒྱ་གྲམ་དམར་པོའི་དང་བླངས་ཞབས་ཞུའི་སྔོན་ཐོན་དཔེ་མཚོན”གྱི་མིང་ཐོ་ཁྱབ་བསྒྲགས་བྱས།】ཉེ་ལམ། ཀྲུང་གོ་རྒྱ་གྲམ་དམར་པོའི་སྤྱི་ཁྱབ་ལྷན་ཚོགས་ཀྱིས“རྒྱལ་ཡོངས་ཀྱི་རྒྱ་གྲམ་དམར་པོའི་དང་བླངས་ཞབས་ཞུའི་སྔོན་ཐོན་དཔེ་མཚོན”གྱི་མིང་ཐོ་ཁྱབ་བསྒྲགས་བྱས་པ་དང་། མཚོ་སྔོན་ཞིང་ཆེན་གྱི་རྒྱ་གྲམ་དམར་པོ་ཚོགས་པའི་དང་བླངས་པ8ལ་གཟི་བརྗིད་མཚན་སྙན་ཐོབ་པ་རེད།
ཉེ་བའི་ལོ་འགའི་རིང་། མཚོ་སྔོན་ཞིང་ཆེན་རྒྱ་གྲམ་དམར་པོ་ཚོགས་པས་རྒྱ་ཆེའི་རྒྱ་གྲམ་དམར་པོའི་དང་བླངས་པར་སྐུལ་སློང་བྱས་ནས་རྒྱ་གྲམ་དམར་པོའི་བྱ་གཞག་ནང་ཞུགས་ཏེ། རྒྱ་གྲམ་དམར་པོའི་ལས་དོན་ཁྲོད་ཀྱི་དང་བླངས་པའི་ནུས་པ་གལ་ཆེན་འདོན་སྤེལ་གང་ལེགས་བྱས་པར་བརྟེན་རྒྱ་གྲམ་དམར་པོའི་དང་བླངས་ཞབས་ཞུ་དབྱར་མཚོ་རྒྱས་པ་ལྟར་འཕེལ་རྒྱས་སུ་འགྲོ་བའི་རྣམ་པ་བཟང་པོ་མངོན། སོ་སོར་འཕྲལ་སྡོམ་རོགས་སྐྱོབ་དང་འཕྲལ་སྡོམ་སྲོག་སྐྱོབ། མི་ཆོས་རོགས་སྐྱོབ་དང་སྡེ་ཁུལ་ཞབས་ཞུ། མི་ཆོས་བརྒྱུད་སྤེལ། དབུལ་ཐར་འགག་སྒྲོལ་དང་གློ་ཚད་རིམས་ནད་སྔོན་འགོག་ཚོད་འཛིན། སྐྱེ་ཁམས་ཁོར་ཡུག་སྲུང་སྐྱོང་སོགས་ཁྱབ་ཁོངས་སུ་མང་ཚོགས་ཀྱིས་ཁས་ལེན་པ་དང་ཤུགས་རྐྱེན་རྒྱ་ཁྱབ་ཐེབས་པའི་སྔོན་ཐོན་དཔེ་མཚོན་སྐོར་ཞིག་འཚར་ལོངས་བྱུང་།
མཚོ་སྔོན་ཞིང་ཆེན་གྱི“རྒྱལ་ཡོངས་རྒྱ་གྲམ་དམར་པོའི་དང་བླངས་ཞབས་ཞུའི་སྔོན་ཐོན་དཔེ་མཚོན”མཚན་སྙན་མི8ལ་ཐོབ་པ་དང་། སོ་སོར་མཚོ་སྔོན་ཞིང་ཆེན་རྒྱ་གྲམ་དམར་པོ་ཚོགས་པའི་ཁྲག་སྐྱེས་ཕྲ་ཕུང་ཞལ་འདེབས་སུ་ཕུལ་བའི་དང་བླངས་པ་རྡོ་རྗེ་དོན་འགྲུབ་དང་། ཝང་ཀྲེན། ལིན་ཅང་པའོ། ཡུས་ཧུས། མཚོ་སྔོན་མི་རིགས་སློབ་ཆེན་རྒྱ་གྲམ་དམར་པོ་ཚོགས་པའི་ཚོགས་གཙོ་ལོས་ཝུན་ཕིང་། མཚོ་སྔོན་སློབ་ཆེན་ནད་ཐོག་སྨན་བཅོས་གསོ་རིག་སློབ་གླིང་རྒྱ་གྲམ་དམར་པོའི་དང་བླངས་ཞབས་ཞུའི་རུ་ཁག་གི་རུ་དཔོན་ཞེ་ཀྲན་ཞ། མཚོ་སྔོན་ཞིང་ཆེན་རྒྱ་གྲམ་དམར་པོ་ཚོགས་པའི་སྨྱན་སྦྱོར་དང་བླངས་པ་ཀྲའོ་ཅིང་དང་ཅ་ཞའོ་ཡུན་བཅས་རེད། །

གང་ཞིག་གི་རྗེས་ཤུལ་ནི་མི་རྣམས་ཀྱིས་ནམ་ཡང་བརྗེད་དུ་མེད། ཁོང་ནི་སངས་རྒྱས། ཁོང་ནི་ནམ་ཡང་ང་ཚོ་དང་མཉམ་དུ་གནས་ཡོད། ཁོང་གིས་ནམ་ཡང་ང་ཚོ་སྐྱོབ་བཞིན་ཡོད།

一个人的足迹人们永远忘不掉，他就是佛！他会永远和我们在一起。他会永远保佑我们的…☀️