དྭངས་གཙང་དྲི་མེད་ཀྱི་གཉུག་གཤིས།།
ངན་སེམས་འབག་ལྷད་ཀྱིས་མ་གཡོག།
ཡིད་འོང་བྱང་ཆུབ་ཀྱི་ལམ་བཟང་།།
ཕྱི་ཕྱིར་རྒྱང་རིང་དུ་བསྐྱེད་འགྲོ།།

དད་པའི་མཁའ་དབྱིངས་ཀྱི་ཀློང་ན།།
སྟོན་པའི་ཞལ་བཟང་གི་དཀྱིལ་འཁོར།།
འགོག་མེད་ཝ་ལེ་རུ་འཆར་བར།།
རྟག་ཏུ་དད་མོས་ཤིག་མཛོད་ཅིག།

ཟད་མེད་ཨ་འཐས་ཀྱི་རྟོག་ཚོགས།།
བར་སྣང་རླུང་བུ་ལ་བསྐུར་དང་།།
བག་ཡངས་ཏིང་འཛིན་གྱི་གྲོགས་ཀྱིས།།
ཞི་བའི་གནས་མལ་ནས་སྒུག་འདུག།

རེ་དོགས་ཆགས་སྡང་གི་བྱ་བ།།
གཙང་བོས་རླབས་རིས་དང་སྦྲན་ནས།།
མཐའ་མེད་རྒྱ་མཚོའི་མཐར་སྐྱོལ་དང་།།
དགྲ་གཉེན་འཆིང་རྒྱ་ལས་གྲོལ་འགྲོ།།

སྙིང་དབུས་མི་ཤིགས་ཀྱི་ཐིག་ལེར།།
བཞུགས་པའི་མཚུངས་མེད་ཀྱི་བླ་མར།།
གསོལ་བ་ཕུར་ཚུགས་རང་བཏབ་སྟེ།།
ཐུགས་ཡིད་དབྱེར་མེད་ཉིད་བསྲེས་ཤིག།

གུ་རུ་ཉི་མས། 2022 1 9

དགུང་སྔོན་དབྱིངས་ནས་བགྲོད་པའི།།
ལྕག་བྱ་གཤོག་རྩལ་ཅན་པོ།།
དེང་གི་གནས་ཚུལ་བསམ་ན།།
མི་རྟག་མངོན་པའི་རང་གཤིས།།
རྩྭ་ཐང་འབྲོང་རྒོད་ཁེར་འགྲོ།
ལས་ཀྱིས་འདམ་དུ་ཚུད་དུས།།
བསྟོབས་རྩལ་ཡིད་ཀྱང་དུད་འགྲོ།
ལས་ཀྱི་ཤུགས་དེ་དབང་ཙན།།

མགོ་ལོག་བོད་རིགས་རང་སྐྱོང་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་༢༠༢༡ལོའི་«ཤྭ་སྐྱ»་དེབ་བཞི་པ་དང་ངའི་བཅད་རྩོམ་《བསམ་གཏན་པ།》ཞེས་བྱ་བའོ། ། [鲜花]