#微博[超话]# ࿐བླ་མ་སྟོན་པ་བཅོམ་ལྡན་འདས་དེ་བཞིན

首页发布

#微博[超话]# ࿐བླ་མ་སྟོན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། ། མཆོད་དོ། །སྐྱབས་སུ་མཆིའོ། །

#微博[超话]# ࿐ལུང་སྔོན་དགོན་དཔལ་མི་འགྱུར་ལྷུན་གྲུབ་ཐུབ་བསྟན་ཆོས་འཁོར་གླིང་གི་གཟི་བྱིན་ལས་འཁྲུངས་པའི་འཕགས་བོད་ཀྱི་ཁྱད་ཆོས་རྫོགས་པའི་བྱིན་ལྡན་ཇོ་བོ་རྣམ་བཞི།
གཅིག། ཇོ་བོ་ཀུན་བཟང་མ། མུ་ཏིག་འཕྲུལ་གྱི་ལྡིང་ཁང་གི་རྟེན་གཙོ།
གཉིས། ཇོ་བོ་བྱང་ཆུབ་ཆེན་མོ། གངས་ལྗོངས་རྡོ་རྗེ་གདན་གྱི་རྟེན་གཙོ།
གསུམ། མདོ་སྨད་ཇོ་བོ་གཉིས་པ། ཞབས་བརྟན་ལྷ་ཁང་གི་རྟེན་གཙོ།
བཞི། ཇོ་བོ་རྒྱུ་འཕྲུལ་གཟི་འོད། མར་རྒྱན་བཤམས་སྟོན་ཁང་གི་རྟེན་གཙོ།

࿐སྣང་བ་བན་བུན་གྱི་ཟིན་ཐོ།

ཚེ་སྟོད་འབྲོག་ཕྲུག་གཞོན་ནུ་སྔོ་ཐོ་མ།།
རེ་འགར་ཕ་མའི་གམ་ནས་ཡི་གེ་བཀླགས།།
ཐེངས་རེར་བེའུ་ལུག་རྨིག་རྗེས་ཡང་ཡང་བསྙེགས།།
སྐབས་རེར་གྲོང་ཆོག་གསེང་ནས་ཤིག་གིས་གཙེས།།
སྐྱིད་ལ་སྡུག་པའི་རྣམ་གྲངས་བརྗོད་དུ་མེད།།

རེ་ཞིག་ཆོས་རྗེ་བླ་མའི་མཛད་འཕྲིན་ཉིད།།
སུས་ཀྱང་མ་ཁེགས་ལྷོ་གླིང་ཞིང་ཀུན་ཏུ།།
ནག་ལ་མེ་ཆེན་འབར་བ་བཞིན་གྱུར་ཚེ།།
བདག་ཀྱང་སྔོན་སྨོན་ལས་ཀྱི་འཕྲོ་སད་དེ།།
མཚུངས་མེད་བླ་མའི་འཁོར་གྱི་གྲལ་དུ་ཚུད།།

དེ་ནས་སྔ་འགྱུར་ཐུན་མིན་རང་ལུགས་ཀྱི།།
སྨིན་བྱེད་དབང་དང་གྲོལ་བྱེད་གདམས་ངག་ཁྲིད།།
རྒྱབ་རྟེན་ལུང་དང་བཅས་པ་ཐོབ་པ་ནས།།
སྐྱིད་ཀྱི་ཉི་མ་ཤར་བའི་མགོ་ཚུགས་པ།།
བསམ་ན་དགའ་བའི་རྐང་བྲོ་འཁྲབ་སྙིང་འདོད།།

ཡང་ཅིག་མི་རྟག་དུས་ཀྱི་རྒྱལ་མོ་ཡིས།།
མཚུངས་མེད་བླ་མ་ཞིང་གཞན་གདན་འདྲེན་བྱས།།
ངེད་ཅག་སློབ་ཚོགས་མྱ་ངན་མུན་པའི་ཀློང་།།
རིང་དུ་འཁྱམ་ཡང་ཐུགས་སྲས་ཚོགས་དག་གིས།།
སླར་ཡང་ཐུགས་བརྩེ་ཉི་མས་ཡང་ཡང་བསྐྱངས།།

ད་ནི་རྒ་བའི་གྲོང་སྒོར་ཕྱོགས་ཀྱིན་གདའ།།
རང་གིས་རང་ཉིད་གཅེས་པར་མ་བསྐྱང་ན།།
གཞན་ལྟ་སུ་ཞིག་མགོན་དུ་ཕེབ་པར་དཀའ།།
དེའི་ཕྱིར་དྲན་དང་ཤེས་བཞིན་བརྟན་པོས་ངང་།།
རང་མགོ་ཉི་མ་ཆོས་ཀྱིས་འདོན་པར་རིགས།།

ཡང་གློ་བུར་དུ་གུ་རུ་ཉི་མས། 2022