最近電視城疫情大爆發，搞到大家人心惶惶，而藝人湯洛雯早前就為新劇拍劇照，仲話自己因疫情關係，呢排好大壓力，仲搞到發噩夢狂洗手：「我未見過自己咁驚一樣嘢，尋日個噩夢係關於疫情，夢見自己不停咁抹手、洗手，周圍都有事，嚇到我好驚，今朝起身嗰陣我都出晒汗，覺得自己好疲勞轟炸，好辛苦。」
而最近佢好Sweet咁努力鑽研食譜，為男友馬國明下廚，不時都會煮中餐、煲湯，仲被男友讚佢廚藝大躍進。不過佢就大爆馬明係廚藝白癡，唔識煮嘢食，就連打邊爐準備材料都唔識，非常搞笑！

台灣藝人徐熙娣一向以敢言、好勝出位，之前同過好姐妹林志玲鬥靚之後，最近佢又下戰書，而今次嘅勁敵就係連賈靜雯、修杰楷都話正嘅「台灣第一名媛」孫芸芸。
事緣孫芸芸最近喺社交網發文：「過年這幾天每天從早吃到晚，吃到胃痛……今天開始節制一下」，不過佢就配上4張靚相，仲露出香肩、鎖骨、纖細手臂同完美嘅側臉，好似仙女下凡咁靚，完全睇唔出佢有肥到，搞到小S都忍唔住留言：「小乖，不說謊喔！明明吃很少！你要不要看我肚子？」而收到「鬥肚大」戰帖嘅孫芸芸亦搞笑回應佢說：「我胖了2kg，好啊我想看你的肚子」。
網友見到兩位嘅搞鬼互動，都睇得好開心，仲食花生咁TAG小S留言：「徐熙娣女士，你盡量多吃啊！想吃就吃OK？」、「趕快邀請台灣第一名媛上台灣最美女主持的節目啦！」

汤洛雯因疫情发噩梦：系咁洗手好惊呀！

最近电视城疫情大爆发，搞到大家人心惶惶，而艺人汤洛雯早前就为新剧拍剧照，仲话自己因疫情关系，呢排好大压力，仲搞到发噩梦狂洗手：“我未见过自己咁惊一样嘢，寻日个噩梦系关于疫情，梦见自己不停咁抹手、洗手，周围都有事，吓到我好惊，今朝起身嗰阵我都出晒汗，觉得自己好疲劳轰炸，好辛苦。”

而最近佢好Sweet咁努力钻研食谱，为男友马国明下厨，不时都会煮中餐、煲汤，仲被男友赞佢厨艺大跃进。不过佢就大爆马明系厨艺白痴，唔识煮嘢食，就连打边炉准备材料都唔识，非常搞笑！