#邓丽欣[超话]#冇刻意為女性發聲　鄧麗欣認初演戲欠Energy

藝人鄧麗欣今年有份角逐金像獎候選最佳女主角，她接受ViuTV節目《金像女情》主持何嘉麗訪問時，大談從影以來的點滴。鄧麗欣坦言：「我從來冇諗過拍戲會與獎項扯上關係，2018年《空手道》獲香港電影評論學會最佳女演員獎，得到人生首個電影獎項之後我先識得去諗下步會係點，我好想行一條與過去唔同嘅路。」

最近她獲第二次提名金像獎女主角，她笑言：「記得2018年第一次被提名時好突然，唔識反應，今次第二次再被提名金像獎最佳女主角就識去感受喜悅，原來我唔係只係得幸運，大家都肯定我，好開心！」2000年仍是中學生的鄧麗欣，參加「全港校花校草選舉」奪冠至今20年，已衝出很多新天地，之後她曾拍笑片，與一班搞笑之人合作，她謂：「大家為令我輕鬆啲，經常撩我玩、撩我笑，從佢哋身上我發現做演員要有energy，但當時我只係認真演，但我係一個冇energy嘅人！」

不經不覺，Stephy拍了40、50部電影，近年多次揀選與新導演合作。過去，Stephy亦拍過多部女性電影，有人認為她是希望藉電影為女性發聲，但她卻謂：「我冇刻意要代表女性，但如果我可以講出女性一些感受都係好事。」

03-02-2019
開心更，大家都好開心。放工仲一起去打邊爐[心]有愛4405
今日Ann e主動教我拉花啊，佢打奶，之後教我點拉，仲教埋我點打奶靚啲佢想捉住我手仔黎拉，但真系未夠功力，但我都好開心架喇。我昨日因為覺得佢一啲都唔重視我，所以po咗啲頹野，其實都算因為anyia，貌似經常性有啲矛盾，反正我就有啲頹，但冇估到Ann e會主動問我做咩唔開心，雖然我冇講，系因為覺得佢唔重視我同埋唔覆我機，所以我唔開心。但佢有察覺到，會主動問我，我都已經好好好開心啦我真系唔知點解會主動癡住某啲人架。
我唔識點樣同anyia面對面溝通，真系要諗清楚。希望佢唔好再因為我同其他人fd而唔開心啦

【升呢做媽咪】劉心悠不抗拒領養 家人比愛情更滋潤

愛心滿瀉嘅劉心悠最近做咗「媽媽」，早前去咗非洲探訪，同時收養咗兩名當地嘅孤兒，心悠自覺生於幸福國度，現時城市嘅小朋友生活富裕，佢亦呼籲大家唔好浪費資源，應多關心別人嘅需要。雖然現時感情空白，問到心悠會點樣教育未來嘅小朋友？佢話：「我冇諗過，因為呢個係好大嘅責任，有時會諗領養會係一個選擇，領養責任係一世，諗起係一個恐怖嘅責任。」問到佢係咪寧願領養多過自己生？心悠就話：「我考慮過㗎，我屋企唔會抗拒一個咁嘅諗法。」

新一年心悠已經計劃多多，不外乎以電影同電視劇拍攝為主，而心悠每年都會定下一個目標，不過目標喺一個月內已經達成，心悠笑言：「自己每年都set目標，舊年跳咗芭蕾舞，我真係好自豪，至於2019年，因為長期傾劇本好多時都因為要識游水，機會畀咗第二個人，當然都有其他因素，我好想克服，幾日前已經克服咗，可能set得太低，所以我會挑戰下一步，啱啱識咗蛙式，可以游到50米，希望學埋自由式同難度啲，搵咗私人教練，以前踩唔到水就失控，一定會沉，我好感恩自己好勇敢面對自己嘅恐懼。」

心悠坦言家人比愛情更滋潤，佢仲希望將時間表分配工作以外，可以撥一部份為旅遊，心悠話：「屋企人嘅滋潤多啲，我覺得自己係比較理性嘅女仔，唔需要依靠男人，男人好需要女人依靠，或者我未遇到！我嘅要求係起碼要鍾意動物，最好識游水，我游水（遇溺）佢可以拉我一把，又唔使游水教練咁叻，如果成日叫我應該點游點游，我會好驚。」

另外，早前心悠由國際培幼會安排下到非洲探訪，去過當地嘅難民營同家訪，感受甚深，心悠話：「今次旅途好遙遠，去咗非洲難民營同當地一個家庭，睇到佢哋所遇到嘅問題，了解草根性嘅問題，了解佢哋缺乏啲乜？點可以着手幫手？我自己好享受今次經歷。探訪完會覺得自己係好幸福，人為咗生存係會做好多嘢，其中一個個案係5姊妹係孤兒，當中10幾歲嘅大女，為照顧4個妹妹，每日頭頂20個磚頭，搬15轉，每日得2.6港幣，睇佢覺得好慘，但係佢為咗生存，我覺得佢係英雄！咁細個有咁多重擔喺身上，所以知識、求生能力好重要，我發覺最緊要係照顧佢哋嘅生活，所以固定一筆錢供佢哋返學、買營養食物，呢啲先可以全面照顧到佢哋嘅問題。」

採訪：羅慧敏

#刘心悠[超话]#