༈ ལྷག་པའི་ཐུགས་བསམ་གངས་ལྗོངས་སྤྱི་ལ་དཀར།།
འཕྲལ་ཡུན་ལེགས་ཕན་ཞལ་གསུང་སློབ་ཚོགས་གནང་།།
མཛད་པའི་ཞབས་རྗེས་བསྟན་འགྲོའི་གསོས་སུ་སྨིན།།
མཁན་ཆེན་བླ་མ་སྙིགས་དུས་བསྟན་འགྲོའི་དཔལ།།
སྐུ་ཚེ་བརྟན་ཅིང་བཞེད་དོན་ལྷུན་འགྲུབ་ཤོག།

༈ འཇམ་དཔལ་དབྱངས་ཀྱིས་རིན་ཆེན་རྒྱན།།
དོར་ནས་ངུར་སྨྲིག་བགོས་པ་ལ།།
ཨ་མདོ་སྣ་བོ་ཆེ་ཞེས་གྲགས།།
ཟླ་མེད་བླ་མ་དེ་ལ་འདུད།།
ཚེ་ལུས་གཅིག་ལ་ཟུང་འཇུག་གི།
ནོར་བུ་ལག་ཏུ་ལེན་པའི་ཚུལ།།
ལམ་སྔགས་ཉི་ཟླའི་སྣང་བ་ཡིས།།
སྒྲིབ་གཉིས་མུན་པའི་གཡུལ་ངོ་བཅོམ།།
འོད་དཔག་མེད་དང་སྤྱན་རས་གཟིགས།།
ཁྱོད་དྲུང་སྲས་ཀྱི་ཚུལ་འཛིན་ན།།
བདག་ཅག་ཁྱེད་ཀྱི་བསྟན་པ་ལ།།
མཇལ་འདི་རྨི་ལམ་མ་ཡིན་ནམ།།

ནང་པ་སངས་རྒྱས་པ་ཞིག་ལ་མཚོན་ན་གཏན་ནས་བརྗེད་མི་ཉན་ཞིང་རྟག་ཏུ་དྲན་འོས་པའི་དུས་ཆེན་གསུམ་འཛོམས་བསུ།
༈ བདུད་བཞིའི་དགྲ་ལས་རྒྱལ་བའི་ཐུབ་དབང་མཆོག་གི་ཡོན་ཏན་རྗེས་སུ་དྲན་པ་ཚངས་པའི་དབྱངས་ཀྱི་མཆོད་པ།

དབྱངས་ཅན་ཡིད་ཀྱི་འཁྲི་ཤིང་གིས་བརྩམས།