胡鴻鈞拍劇跌傷頭 吳若希：冇破相仲認得我

吳若希（Jinny）早前迎接27歲生日，她表示最開心是從女兒手中接過老公所送的一束花：「我老公都好Sweet嘅，佢知我唔係好鍾意慶祝生日，但都有表示。」

談到胡鴻鈞拍劇受傷入院，Jinny透露有與老闆何哲圖到醫院探望對方：「佢係清醒嘅，面好乾淨冇破相。（認唔認得你？）佢知我係邊個，等佢過幾日檢查完再去探佢，好似要休息一個月，下個月我哋會去美國做騷，我會負責照顧佢。（唔夠時間康復就你頂上？ ）佢一定好得番，從來我都唔擔心，因為佢好少答應我後甩底。」

#劉佩玥#（Moon）最近在無綫新劇《#救妻同學會#》以平陰髮型上陣演大學生，由自我隔離變「暖女」，熱心幫助朋友，繼而成為#胡鴻鈞#的太太。不過，看似喜劇的故事，內裏卻有一場綁架戲，令向來大膽的她也大呼驚驚。雖然非首次拍綁架戲，但她不諱言該場戲相當辛苦：「本身有潔癖，要瞓喺狗籠入面，好污糟，為逼真用埋黑布蒙眼同封嘴，我要喺個籠度掙扎，腰同Pat Pat都瘀晒。嗰度係廢置污水廠，當我靜落嚟後見到唔同種類嘅昆蟲郁緊，驚到打冷震，返屋企感覺成身痕。」講到劇中重視朋友，會幫朋友追女仔，Moon笑指現實中絕不會出手相助之餘，也不會胡亂發錯信號給異性，問到愛情路上是否很平坦？她說：「唔會好複雜，鍾意同唔鍾意都會講，好誠實，會接受自己唔好嘅嘢，每日都學緊。」對於與周志文傳緋聞，問她何時認愛？她哈哈大笑指從沒刻意迴避話題，並自言感情認真：「以前啲經歷同對象，因為自己未Ready接受，所以先失去。（依家Ready好？）心態上Ready。（咁周生呢？）#周杰倫#？文仔（#周志文#）係一個好善良嘅人，以前報道令大家有疑問，識咁多年好清楚佢為人，唔係花弗，係對人好先畀人誤會，我為朋友願意去講呢樣嘢，唔鍾意其他人咁話佢，人身攻擊我冇嘢，但蝦我身邊人會反應大，好想幫佢講嘢。（公開戀情？）唔係需唔需要公開，係好朋友大家都知，等未來搵到一個可以付託嘅人我唔介意講。」更指即使公開戀情也要顧及母親感受，會先帶給母親過目。

好撚煩，班香港親戚，每次我講一句去咗聽許廷鏗演唱會，或者係我鍾意許廷鏗，就會有幾個人話唔識，或者係唔鍾意佢，一係話胡鴻鈞好啲，仲踩到人哋一文不值，話佢啲唱片翻版都唔會有人做，因為冇市場之類。我頂，真係好想講粗口，我都話佢已經轉咗公司兩三年，你哋班淨係識得TVB嘅家庭觀眾唔識得唔係好正常咩，次次都喺度講人哋唔好，真係好Q煩！你自己無知咋！其實當我聽到‘胡鴻鈞好啲’呢句話之後，我就覺得冇嘢好講啦！我真係好想有個人可以同我一齊欣賞許廷鏗，一個好值得欣賞嘅人，一首首好值得欣賞的歌，同埋一種好鼓舞人嘅積極精神，可惜唔係個個都識貨囉！但係有人話佢唔好我真係好Q唔爽[怒]
（今日係車上聽許廷鏗一開始跳到個幾首都係偏悲傷嘅歌：雨傘、從來沒發生⋯）