དྭངས་གསལ་མཁའ་ལ་ཆུ་འཛིན་ཕྱོགས་བཞིར་འཕྱོ།།
སྒེག་ཉམས་འདབ་མ་འབུམ་བཞད་འོད་སྟོང་ཅན།།
ཡིད་དབང་བསྐལ་བར་འཕྲོག་པའི་རྐུན་པོར་གྱུར།།
དེ་བས་ཁྱེད་ཉིད་འགྲན་པའི་དཔེར་འོས་གང་།།
༢༠༢༢/༩/༡༢/ཉིན་ལ་སྣང་བ་རྒྱ་ཡན་གྱིས།
སྒེག་ཉམས་འདབ་མ་འབུམ་བཞད་འོད་སྟོང་ཅན།།
ཡིད་དབང་བསྐལ་བར་འཕྲོག་པའི་རྐུན་པོར་གྱུར།།
དེ་བས་ཁྱེད་ཉིད་འགྲན་པའི་དཔེར་འོས་གང་།།
༢༠༢༢/༩/༡༢/ཉིན་ལ་སྣང་བ་རྒྱ་ཡན་གྱིས།
ཚེམ་བཟོ་བ་དང་གླང་ཆེན།
ཚེམ་བཟོ་བ་ཞིག་གིས་གྲོང་རྡལ་དུ་ཚོང་ཁང་ཞིག་གཉེར་བཞིན་ཡོད། ཁོ་ནི་རང་གཤིས་བཟང་བའི་རོགས་ཟླ་སྣང་སྐྱིད་ཅིག་རེད། གྲོང་རྡལ་ནང་གི་མི་ཞིག་གིས་བདག་ཉར་བྱེད་པའི་གླང་ཆེན་ཞིག་ཡོད། གླང་ཆེན་དེ་ཉིན་ལྟར་གྲོང་རྡལ་གྱི་ཕྱི་ལོགས་སུ་ཆུ་འཐུང་དུ་འགྲོ་དུས། ཚེམ་བཟོ་བའི་ཚོང་ཁང་བརྒྱུད་དེ་འགྲོ་གི་ཡོད། ཚེམ་བྯཟོ་བས་ཉིན་རྟག་པར་ཁོ་ལ་བག་ལེབ་རེ་བྱིན། དུས་ཚོད་གང་མཚམས་ཤིག་སོང་བ་ན་ཁོ་གཉིས་གྲོགས་བཟང་དུ་གྱུར་ཅིང་། ཕན་ཚུན་ཐུག་འཕྲད་བྱེད་པར་དགའ་མོས་ཆེན་པོ་བྱུང་། ཚེམ་བཟོ་བས་ག་དུས་ཡིན་ན་གླང་ཆེན་ཁོ་ཡོད་སར་ཡོང་བའི་རེ་སྒུག་བྱས་པ་དང་། གླང་ཆེན་ཡང་རྒྱུན་དུ་གནས་དེར་ཡོད་པ་རེད།
ཉི་མ་གཅིག་ལ་ཚེམ་བཟོ་བ་དང་ཚོང་ཤག་གི་བར་དུ་རྩོད་པ་བྱུང་བས། ཁོས་སྤྲོ་སྣང་མེད་པ་ཚོར་ཞིང་མི་སྐྱིད་པར་གྱུར། དུས་དེར་གླང་ཆེན་བསླེབས་པ་དང་ཁོ་རང་གི་སྣ་ཞགས་བརྐྱངས་ཏེ། སྒེའུ་ཁུང་ལས་ཚོང་ཁང་ནང་གི་བག་ལེབ་སྔར་བཞིན་ལེན་དུ་ཡོང་། ཚེམ་བཟོ་བས་བག་ལེབ་སྟེར་བའི་ཚབ་ཏུ། གླང་ཆེན་གྱི་སྣ་ཞགས་ལ་ཁབ་གཙག་བྱས། གླང་ཆེན་ལ་རྨས་སྐྱོན་ཕོག་ཀྱང་ཁུ་སིམ་མེར་རང་ལམ་འཐེན་ཏེ་ཆུ་འཐུང་དུ་ཕྱིན།
གླང་ཆེན་གྱིས་རང་གི་སྐོམ་པ་བསལ་ཅིང་། དེ་ནས་འདམ་ཉོག་ཅན་གྱི་ཆུ་དང་བཙོག་པས་ཁོ་རང་གི་སྣ་ཞགས་གང་བ་བྱས། མགྱོགས་པོར་ཕྱིར་ཡོང་སྟེ་སྣ་ཞགས་ཚོང་ཁང་ནང་དུ་བཞག་ཅིང་བླུགས། ཚོང་ཁང་ཆ་ཚང་བ་འདམ་གྱིས་སྦགས་པ་ལྟར་དུ་གྱུར་ཅིང་། མཆོར་གོས་སྣ་ཚོགས་དང་གཉེན་ཆས་ཡོངས་སུ་རྫོགས་པ་འདམ་ཉོག་གིས་བརྫད་དེ་འཕྲོ་བརླག་ཏུ་བཏང་། ཚེམ་བཟོ་བ་སྐྱོ་སྣང་ངམ་འགྱོད་གདུང་གིས་གཟིར་ཀྱང་འཕྱིས་དྲགས་པ་རེད།
བསླབ་བྱ།
སྒྲུང་གིས་བསྟན་པ་ལྟར་དུ། ཁྱོད་རང་མཆོང་སྐྱོད་མ་བྱས་པའི་སྔོན་ལ་ཡར་མར་ལ་ལྟོས།
༢༠༢༢-༩-༡༡
སྒྱུར་མཁན། ཀ་ར།
ཚེམ་བཟོ་བ་ཞིག་གིས་གྲོང་རྡལ་དུ་ཚོང་ཁང་ཞིག་གཉེར་བཞིན་ཡོད། ཁོ་ནི་རང་གཤིས་བཟང་བའི་རོགས་ཟླ་སྣང་སྐྱིད་ཅིག་རེད། གྲོང་རྡལ་ནང་གི་མི་ཞིག་གིས་བདག་ཉར་བྱེད་པའི་གླང་ཆེན་ཞིག་ཡོད། གླང་ཆེན་དེ་ཉིན་ལྟར་གྲོང་རྡལ་གྱི་ཕྱི་ལོགས་སུ་ཆུ་འཐུང་དུ་འགྲོ་དུས། ཚེམ་བཟོ་བའི་ཚོང་ཁང་བརྒྱུད་དེ་འགྲོ་གི་ཡོད། ཚེམ་བྯཟོ་བས་ཉིན་རྟག་པར་ཁོ་ལ་བག་ལེབ་རེ་བྱིན། དུས་ཚོད་གང་མཚམས་ཤིག་སོང་བ་ན་ཁོ་གཉིས་གྲོགས་བཟང་དུ་གྱུར་ཅིང་། ཕན་ཚུན་ཐུག་འཕྲད་བྱེད་པར་དགའ་མོས་ཆེན་པོ་བྱུང་། ཚེམ་བཟོ་བས་ག་དུས་ཡིན་ན་གླང་ཆེན་ཁོ་ཡོད་སར་ཡོང་བའི་རེ་སྒུག་བྱས་པ་དང་། གླང་ཆེན་ཡང་རྒྱུན་དུ་གནས་དེར་ཡོད་པ་རེད།
ཉི་མ་གཅིག་ལ་ཚེམ་བཟོ་བ་དང་ཚོང་ཤག་གི་བར་དུ་རྩོད་པ་བྱུང་བས། ཁོས་སྤྲོ་སྣང་མེད་པ་ཚོར་ཞིང་མི་སྐྱིད་པར་གྱུར། དུས་དེར་གླང་ཆེན་བསླེབས་པ་དང་ཁོ་རང་གི་སྣ་ཞགས་བརྐྱངས་ཏེ། སྒེའུ་ཁུང་ལས་ཚོང་ཁང་ནང་གི་བག་ལེབ་སྔར་བཞིན་ལེན་དུ་ཡོང་། ཚེམ་བཟོ་བས་བག་ལེབ་སྟེར་བའི་ཚབ་ཏུ། གླང་ཆེན་གྱི་སྣ་ཞགས་ལ་ཁབ་གཙག་བྱས། གླང་ཆེན་ལ་རྨས་སྐྱོན་ཕོག་ཀྱང་ཁུ་སིམ་མེར་རང་ལམ་འཐེན་ཏེ་ཆུ་འཐུང་དུ་ཕྱིན།
གླང་ཆེན་གྱིས་རང་གི་སྐོམ་པ་བསལ་ཅིང་། དེ་ནས་འདམ་ཉོག་ཅན་གྱི་ཆུ་དང་བཙོག་པས་ཁོ་རང་གི་སྣ་ཞགས་གང་བ་བྱས། མགྱོགས་པོར་ཕྱིར་ཡོང་སྟེ་སྣ་ཞགས་ཚོང་ཁང་ནང་དུ་བཞག་ཅིང་བླུགས། ཚོང་ཁང་ཆ་ཚང་བ་འདམ་གྱིས་སྦགས་པ་ལྟར་དུ་གྱུར་ཅིང་། མཆོར་གོས་སྣ་ཚོགས་དང་གཉེན་ཆས་ཡོངས་སུ་རྫོགས་པ་འདམ་ཉོག་གིས་བརྫད་དེ་འཕྲོ་བརླག་ཏུ་བཏང་། ཚེམ་བཟོ་བ་སྐྱོ་སྣང་ངམ་འགྱོད་གདུང་གིས་གཟིར་ཀྱང་འཕྱིས་དྲགས་པ་རེད།
བསླབ་བྱ།
སྒྲུང་གིས་བསྟན་པ་ལྟར་དུ། ཁྱོད་རང་མཆོང་སྐྱོད་མ་བྱས་པའི་སྔོན་ལ་ཡར་མར་ལ་ལྟོས།
༢༠༢༢-༩-༡༡
སྒྱུར་མཁན། ཀ་ར།
ལྷ་མོ་དབྱངས་ཅན་མར་བསྟོད་པ་ཟླ་རྩ་བཞི་མ།
____ཀུན་གཞི།
ཟླ༷་བ༷་ཞུན་མའི་ཡང་སྙིང་ཕྱུང་བའི་ཕུད།།
ཟླ༷་བ༷་བརྩེགས་མའི་བཞིན་གྱི་མཛེས་འཛིན་ཅིང་།།
ཟླ༷་བ༷འི་གདན་ལ་སྙན་ངག་དཀྲོལ་མཛད་པ།།
ཟླ༷་བ༷འི་སྲིང་མོ་རིག་བྱེད་གཙོ་བོར་འདུད།།
ཟླ༷་བ༷་ཡར་ཚེས་རལ་བའི་ཁུར་བླངས་ཀྱང་།།
ཟླ༷་བ༷འི་མཛེས་སྡུག་དག་ཀྱང་གཞོམ་པ་ཡི།།
ཟླ༷་བ༷འི་རྒྱབ་ཡོར་བྱས་པའི་ན་ཆུང་མའི།།
ཟླ༷་བ༷འི་ཟེར་གྱི་བྱིན་མཐུ་བསིལ་ཞིང་འཇམ།།
སྤྲིན་བྲལ་ཟླ༷་བ༷་སྟོང་གི་མཛེས་པ་ཀུན།།
གཅིག་བསྡུས་ཟླ༷་བ༷འི་སྐུ་མདོག་མཚར་དང་ལྷན།།
བཅོ་ལྔའི་ཟླ༷་བ༷འི་བྱམས་བརྩེ་ཟེགས་མ་ཅན།།
ཚེས་ཆེན་ཟླ༷་བ༷འི་འོད་ལྟར་འཕྲོ་འདི་རྨད།།
ཤར་རིའི་རྩེ་མོར་ཟླ༷་བ༷འི་ལྷ་མོ་བཞིན།།
སྲིད་པའི་མཁའ་ལ་ཟླ༷་བ༷་ལྟར་འཕགས་ཏེ།།
དེ་ལྟ་ནའང་ཟླ༷་བ༷འི་མགྲིན་པ་ལས།།
ལེགས་སྦྱར་ངག་གི་ཟླ༷་བ༷ས་འོད་སྣང་སྦྱིན།།
གྲུ་འཛིན་མགོན་པོའི་བྱམས་བརྩེའི་ཟླ༷་བ༷་ལས།།
མངོན་པར་འཕོས་པའི་ཡིད་འོང་ཟླ༷་བ༷འི་ཞལ།།
དད་པའི་བུ་ལ་བརྩེ་ཆེན་ཟླ༷་བ༷་ཡིས།།
མུན་པའི་རྨོངས་པ་སོལ་ཅིག་ཟླ༷་བ༷འི་གཉེན།།
ཡིད་གཅི༷ག་མོས་པའི་གདུང་བས་ལོ་དང་ཟླ༷ར།།
རྩེ་གཉི༷ས་གཡོ་བ་སྤངས་ནས་མི་ཡི་ཟླ༷ར།།
དཀོན་མཆོག་མ་ལ་གསོལ་བའི་དགེ་བའི་ཟླ༷ས།།
ཁམས་གསུམ༷་རྨིངས་ནས་བཤིགས་ཤིག་སྲིད་པའི་ཟླ།༷།
ཞེས་པའང་རྒྱལ་འཕགས་བསྟན་པ་དར་རྒྱས་སུ་འབོད་པས་དཔལ་སེངྒེ་རི་ནས་༢༠༢༢/༠༩/༡༠མཚན་མོར་ཟླ་བའི་འོད་སྣང་ལ་རོལ་བཞིན་བྲིས་པ་དགེ་གྱུར་ཅིག
____ཀུན་གཞི།
ཟླ༷་བ༷་ཞུན་མའི་ཡང་སྙིང་ཕྱུང་བའི་ཕུད།།
ཟླ༷་བ༷་བརྩེགས་མའི་བཞིན་གྱི་མཛེས་འཛིན་ཅིང་།།
ཟླ༷་བ༷འི་གདན་ལ་སྙན་ངག་དཀྲོལ་མཛད་པ།།
ཟླ༷་བ༷འི་སྲིང་མོ་རིག་བྱེད་གཙོ་བོར་འདུད།།
ཟླ༷་བ༷་ཡར་ཚེས་རལ་བའི་ཁུར་བླངས་ཀྱང་།།
ཟླ༷་བ༷འི་མཛེས་སྡུག་དག་ཀྱང་གཞོམ་པ་ཡི།།
ཟླ༷་བ༷འི་རྒྱབ་ཡོར་བྱས་པའི་ན་ཆུང་མའི།།
ཟླ༷་བ༷འི་ཟེར་གྱི་བྱིན་མཐུ་བསིལ་ཞིང་འཇམ།།
སྤྲིན་བྲལ་ཟླ༷་བ༷་སྟོང་གི་མཛེས་པ་ཀུན།།
གཅིག་བསྡུས་ཟླ༷་བ༷འི་སྐུ་མདོག་མཚར་དང་ལྷན།།
བཅོ་ལྔའི་ཟླ༷་བ༷འི་བྱམས་བརྩེ་ཟེགས་མ་ཅན།།
ཚེས་ཆེན་ཟླ༷་བ༷འི་འོད་ལྟར་འཕྲོ་འདི་རྨད།།
ཤར་རིའི་རྩེ་མོར་ཟླ༷་བ༷འི་ལྷ་མོ་བཞིན།།
སྲིད་པའི་མཁའ་ལ་ཟླ༷་བ༷་ལྟར་འཕགས་ཏེ།།
དེ་ལྟ་ནའང་ཟླ༷་བ༷འི་མགྲིན་པ་ལས།།
ལེགས་སྦྱར་ངག་གི་ཟླ༷་བ༷ས་འོད་སྣང་སྦྱིན།།
གྲུ་འཛིན་མགོན་པོའི་བྱམས་བརྩེའི་ཟླ༷་བ༷་ལས།།
མངོན་པར་འཕོས་པའི་ཡིད་འོང་ཟླ༷་བ༷འི་ཞལ།།
དད་པའི་བུ་ལ་བརྩེ་ཆེན་ཟླ༷་བ༷་ཡིས།།
མུན་པའི་རྨོངས་པ་སོལ་ཅིག་ཟླ༷་བ༷འི་གཉེན།།
ཡིད་གཅི༷ག་མོས་པའི་གདུང་བས་ལོ་དང་ཟླ༷ར།།
རྩེ་གཉི༷ས་གཡོ་བ་སྤངས་ནས་མི་ཡི་ཟླ༷ར།།
དཀོན་མཆོག་མ་ལ་གསོལ་བའི་དགེ་བའི་ཟླ༷ས།།
ཁམས་གསུམ༷་རྨིངས་ནས་བཤིགས་ཤིག་སྲིད་པའི་ཟླ།༷།
ཞེས་པའང་རྒྱལ་འཕགས་བསྟན་པ་དར་རྒྱས་སུ་འབོད་པས་དཔལ་སེངྒེ་རི་ནས་༢༠༢༢/༠༩/༡༠མཚན་མོར་ཟླ་བའི་འོད་སྣང་ལ་རོལ་བཞིན་བྲིས་པ་དགེ་གྱུར་ཅིག
✋热门推荐