༼བར་ཆད་ལམ་སེལ༽བྱ་བ་འདི་ནི། སློབ་དཔོན་པདྨ་འབྱུང་གནས་ཀྱི་གསུང་མིན་ལ། ༼བཀའ་ཐང༽ལྟར་ཕྱིས་ཀྱི་མི་ཞིག་གིས་བརྩམ་པར་སྣང་ལ། བརྗོད་བྱ་ནི་སློབ་དཔོན་པདྨ་འབྱུང་གནས་བལ་ཡུལ་ཡང་ལེ་ཤོད་ནས་བསམ་ཡས་བར་ཕེབས་ཀྱི་ལམ་སྐབས་ནས་ལྷ་འདྲེ་དམ་ལ་བཏགས་ཚུལ་དང་། བོད་ཀྱི་རྒྱལ་བློན་ལ་ཕན་བཏགས་ཚུལ། དམིགས་བསལ༼གདོན་གཟུགས་བོན་གྱི་བསྟན་པ་བསྣུབས༽ཞེས་འཁོད་ཡོད། མ་འོངས་པར༼བར་ཆད་ལམ་སེལ༽ནི་དུས་རབས་ག་དུས་བྱུང་བ་དང་སུས་བརྩམས་པ། ཇི་ལྟར་བརྩམས་པ། ཅིའི་ཕྱིར་བརྩམ་པ་སོགས་ལ་ཚན་རིག་དང་མཐུན་པའི་སྒོ་ནས་ཞིབ་འཇུག་བྱེེད་དགོས་པ་གལ་ཆེན་པོ་ཡིན། — བན་ཤུལ་པས། [咖啡]

སྔོན་རྗེ་བླ་མས་ཉིན་རེ་ལ་གཞུང་ཆེན་བཅུ་བདུན་ཐུགས་ཐོག་ནས་འཆད་ཁྲིད་མཛད་པར་གྲགས་པའི་གཞུང་ཆེན་བཅུ་བདུན་ནི། རིན་ཆེན་ཕྲེང་བ་མ་གཏོགས་པའི་དབུ་མ་རིགས་ཚོགས་ལྔ་སྟེ།༼རྩ་བ་ཤེས་རབ། རིགས་པ་དྲུག་ཅུ་པ། སྟོང་ཉིད་བདུན་ཅུ་པ། རྩོད་ཟློག ཞིབ་མོ་རྣམ་འཐག༽༼མངོན་རྟོགས་རྒྱན། མདོ་སྡེ་རྒྱན། རྒྱུད་བླ་མ། ཆོས་ཉིད་རྣམ་འབྱེད། དབུས་མཐའ་རྣམ་འབྱེད།༽ དབུ་མ་བཞི་བརྒྱ་བ། དབུ་མ་འཇུག་པ། སྤྱོད་འཇུག ༼མངོན་པ་མཛོད་དང་ཀུན་བཏུས༽ རྣམ་འགྲེལ་རྩ་བ། འདུལ་བ་མདོ་རྩ་བ་བཅས་ཡིན།
上面说的十七部大论，是除了《宝蔓论》的中观理聚五论（其余五部为1《中观根本慧论》、2《六十正理论》、3《空性七十颂》、4《回诤论》、5《细研磨论》）、慈氏五论的后四部（慈氏五论分别为《现观庄严论》、6《经庄严论》、7《宝性论》、8《辨法法性论》、9《辨中边论》）、10《中观四百论》、11《入中论》、12《入行论》、《上下两部对法》（即13《俱舍论》与14《阿毗达磨集论》）、15《释量论根本颂》、16《律经根本律》。简而言之，大师是依五藏区经论的本注而给予了讲授。

༼སྦ་བཞེད༽འདི་ཡང་བསྐྱར་ཞིབ་ཏུ་བཀླག་གྲུབ་ལ། ད་ཐེངས་བཀླག་དོན་ནི། རྒྱལ་པོ་ཁྲི་སྲོང་ལྡེའུ་བཙན་གྱི་སྐབས་ལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གི་འཛུགས་སྐྲུན་རྒྱ་ཆེ་ཞིང་བཟང་ནའང་། བཙན་པོའི་མི་རྒྱུད་ཕྱི་མ་ཁྲི་གཙུག་ལྡེ་བཙན་དང་ཁྲི་ལྡེ་སྲོང་བཙན་སོགས་བསམ་ཡས་གཡས་སུ་བཞག་ནས་རིམ་བཞིན་ཡུལ་དབུས་སུ་སྤོས་ཏེ། སྐར་ཆུང་དང་འུ་ཤང་སོགས་གཙུག་ལག་ཁང་བསྐྱར་དུ་བཏབ་ནས་ཡང་བསྐྱར་སངས་རྒྱས་ཆོས་ལུགས་ལས་མདོ་ཕྱོགས་ཀྱི་གསུང་རབ་དང་འཆད་ཉན་རྒྱ་བསྐྱེེད་པའི་དགོངས་པ་ཅི་ཡིན་གྱི་སྐོར་ལ་བསམ་བློ་བཏང་ནས་བཀླག་པ་ཡིན། གང་ཡིན་ཞེ་ན། ཕྱིས་སུ་བསམ་ཡས་དགོན་པར་ཆོས་ཀྱི་ལྟ་བ་མ་མཐུན་ནས་རྒྱ་གར་ཨ་ཙཱ་ར་དང་བོད་ཀྱི་བནྡེ་མང་པོ་བསད་ནས་ཁྲག་གི་འཁོར་ལོ་བསྐོར་པ། ཧཱ་ཤང་དང་གསང་སྔགས་འདྲེས་ནས་སློབ་གཉེར་བྱེད་མཁན་ཕལ་ཆེར་མེད་པ། བསམ་ཡས་དགོན་ཞིག་ནས་རྩིག་རྨང་ཙི་གུས་བྲུས་པ། བསམ་ཡས་ཀྱི་མདོ་སྡེ་མཆོད་པའི་རྒྱུན་ཆད་པ། དགོན་པའི་ནང་ཇོ་མོ་དང་སྔགས་པ་འདུས་ནས་ཕྲུ་གུ་སྐྱེས་པ་སོགས་འདུལ་ཁྲིམས་ཞིག་པ། སྔགས་པས་མདོ་ཕྱོགས་ཀྱི་དཔེ་ཆ་མེ་ལ་བསྲེགས་པ་སོགས་ཀྱི་དབང་གིས། བཙན་པོའི་མི་རྒྱུད་ཕྱི་མ་རྣམས་ཡུལ་དབུས་སུ་སྤར་ནས་གཙུག་ལག་ཁང་བཞེངས་དགོས་དོན་དེ་ཡིན་ལ། འདི་ནི་ཞིབ་འཇུག་བྱེེད་པར་རིན་ཐང་ཤིན་ཏུ་ཆེ་བའི་བརྗོད་གཞི་ཞིག་རེད། — བན་ཤུལ་པས། 吐蕃时期的珍贵文献：《巴协》的各种版本