བརྩམས་སྒྲུང་དེ་བཀླགས་ནས་ཤོག་ངོས་གཉིས་ཙམ་ལ་

首页发布

བརྩམས་སྒྲུང་དེ་བཀླགས་ནས་ཤོག་ངོས་གཉིས་ཙམ་ལ་སླེབས་རྗེས་ང་རང་རང་དབང་མེད་པར་ཕྱིར་དྲན་གྱི་ཀློང་དུ་འཐིམས་སོང་། དེ་ནས་ངས་བརྩམས་སྒྲུང་དེ་ཀློག་མཚམས་བཞག་ནས་ཕྱིར་དྲན་བྱས་པ་ཡིན། ཕྱིར་དྲན་བྱེད་པར་དགའ་བ་ནི་རྒས་རྟགས་ཅིག་ཡིན་ཟེར། སྐད་ཆ་དེ་ནི་ངས་དཔེ་དེབ་ཅིག་གི་ངོས་ནས་མཐོང་བ་ཡིན། དེབ་དེ་ངས་མགོ་ནས་མཇུག་བར་དུ་བཀླགས་རྗེས་སྐད་ཆ་དེ་ཁོ་ན་ངའི་ཡིད་ནས་ཡལ་ཐབས་མི་འདུག

གང་ལྟར་གྲོང་ཁྱེར་ནས་འདུག་ཡུན་རིང་དྲགས་དུས་མཚམས་མཚམས་སུ་རང་དབང་མེད་པར་ཕྱིར་དྲན་བྱེད་པར་དགའ་བ་ཞིག་དུ་འགྱུར་འགྲོ ། མཚམས་རེར་གྲོགས་པོ་འགའ་རང་ཁྱིམ་དུ་བོས་ནས་ཆུང་དུས་ཀྱི་ཕྱིར་དྲན་བྱེད་དུས་ད་བཟོད་རང་ཉིད་ངོ་མ་དེ་ད་དུང་ཡང་ཕྱིར་དྲན་གྱི་ཀློང་ན་གསོན་ཡོད་པ་ཚོར་ཡོང་། [鲜花]

མདོ་དྲན་པ་ཉེར་གཞག་ལས།

སེམས་ཅན་དམྱལ་བ་དམྱལ་མེས་ཉམས། །
ཡི་དྭགས་བཀྲེས་ཤིང་སྐོམ་པས་ཉམས། །
དུད་འགྲོ་གཅིག་ལ་གཅིག་ཟས་ཉམས། །
མི་དག་འཚོ་བ་ཐུང་བས་ཉམས། །
ལྷ་དག་བག་མེད་པ་ཡིས་ཉམས། །
འཁོར་བ་ཁབ་ཀྱི་རྩེ་ཙམ་ལ། །
བདེ་བ་ནམ་ཡང་ཡོད་མ་ཡིན། །

མི་རྣམས་ཀྱིས་རྒྱུན་དུ་བདེ་སྐྱིད་ཟེར་བ་ནི་“ཡོད་པ་”ཞིག་སྟེ།
རླངས་འཁོར་ཡོད་པ། ཁང་པ་ཡོད་པ། སྒོར་མོ་ཡོད་པ། དབང་ཆ་ཡོད་པ་ཞིག་ལ་འགྲེལ་བཤད་རྒྱག་བཞིན་ཡོད་མོད།
དོན་དངོས་སུ་བདེ་སྐྱིད་ཟེར་བ་ནི་“མེད་པ་”ཞིག་སྟེ། སྐྱོ་གདུང་མེད་པ། སེམས་ཁྲལ་མེད་པ། ནད་མེད་པ། གནོད་འཚེ་མེད་པ། སེམས་འཕྲེང་མེད་པ་ཞིག་ཡིན་འོས།
“ཡོད་པ་”མང་ཆེ་བ་ནི་གཞན་ལ་ལྟ་རུ་འཇུག་རྒྱུ་དང་། “མེད་པ་”ངོ་མ་ནི་ད་གཟོད་རང་ཉིད་ཀྱི་ཡིན་ངེས།