དེ་སྔོན་ཡིན་ན་དབྱར་གཞུང་གི་དུས་ཚོད་ཡག་ཤོས་འདིའི་རིང་ལ་ང་ཚོས་༼དགའ་སྐྱེལ༽ཟེར་བ་ཞིག་བཏང་མ་ཚར་བར་བྲེལ་ནས་སྡོད་ཀྱི་ཡོད། ད་ལོར་ལྷ་ས་གཙོས་པའི་བོད་ཡུལ་གང་སར་གློ་བུར་དུ་ནད་ཡམས་སླེབས་ནས་༼དགའ་སྐྱེལ༽གཏང་རྒྱུ་མ་བྱུང་བ་རེད།

དགའ་སྐྱེལ་མུག་སྐྱེལ་དེ་གཏོང་རྒྱུ་མ་བྱུང་ནའང་མ་བྱུང་། ད་རེས་གོད་ཆག་བྱུང་སྐབས་དང་བསྟུན་ནས་ང་ཚོས། གཏམ་འདོད་ལྟོགས་བླ་ཚ་བའི་ལས་ཀ་ལྷག་མ་དེ་རྦད་དེ་གཡུག་ཐུབ་ན་ཡག་པོ་མེད་འགྲོ་སྙམ།

དེས་མི་སྒེར་ལ་གནས་སྐབས་གྱོང་ཕྲན་བུ་རག་སྲིད་ཀྱང་སྤྱི་པའི་དགེ་ཕན་ལ་ཐུགས་བསམ་བཞེས་ཏེ་རང་གཞན་གྱི་དུས་ཚོད་དང་བདེ་ཐང་བཟང་སྤྱོད་ཉམས་དམས་གཏོང་ཞིང་། རྒྱས་སྤྲོས་ཆུད་ཟོས་སྒྱིད་ལུགས་སོགས་ངང་གིས་འདྲེན་ཡོང་བའི་བྱབས་ཆུང་གི་སྲོལ་འདི་ད་རེས་ནད་ངན་ཏོག་འདྲེ་མགོ་དམར་དང་མཉམ་དུ་ཕྱིར་བཟློག་སྟེ་ད་ལོ་ནས་བཟུང་རྦད་དེ་གཏོང་མཚམས་བཞག་ན་ཏག་ཏག་མ་རེད་པེ། དེ་ལྟར་བྱས་ན་གང་འདྲ་འདུག་ལྷན་རྒྱས་ནས་དགོངས་ཚུལ་དྲང་པོ་གསུང་རོགས།

བྱ་བ་བཟང་ངན་གང་ལ་ཡང་འདི་ཡིན་དེ་མིན་གྱི་ངོས་འཛིན་འདོར་ལེན་ཅི་ཡང་མེད་པར་འཐམ་འཐོམ་གཡམ་རྒྱུགས་ངང་མི་ཚེ་ཟད་སོང་ན་ཚང་མ་ལ་གྱོང་རག་རྒྱུ་ཉག་ཅིག་ལས་མ་འདས་ཤིང་། སྔར་སྲོལ་བཟང་པོ་རྣམས་རྒྱུན་འཛིན་བྱེད་པའི་རྨང་གཞིའི་ཐོག་གཞན་གྱི་སྔོན་ཐོན་ལེགས་ཆ་བསྡུ་ལེན་དང་།

ཡུལ་དུས་དང་མི་འཚམ་ཞིང་འཕྲལ་ཡུན་ཕན་ཐོགས་མེད་པའི་བྱ་ལས་གང་ཡིན་ཡང་འདོར་ཕོད་པའི་སྙིང་སྟོབས་ཤིག་ཡོད་ན་ད་གཟོད་ང་ཚོ་ལ་ཡར་རྒྱས་ཀྱི་རེ་བ་ཡོད་པ་ཡིན། །
རྒྱ་སོག་ཡུལ་གྲུ་གང་ལའང་མ་དར་ཞིང་། ལུགས་མཐུན་ཁུངས་ལུང་རྒྱུ་མཚན་མ་མཆིས་པའི།
སྔར་མེད་གསར་སྤྲོས་སྤྲང་པོའི་སྲོལ་བསྐྱུར་ནས། དུས་བདེ་ལྷིང་འཇགས་བྱུང་བའི་སྐབས་མཚམས་དེར།

ཡ་རབས་དོན་ལྡན་ཞོ་སྟོན་ཆབ་ཞུགས་སོགས། གཞན་མའི་དུས་ཆེན་ག་ཚོད་བཏང་བཏང་རེད། །
རང་གཞན་ཀུན་ལ་ཕན་ལས་གནོད་ཆེ་བའི། ནད་ཡམས་དང་མཚུངས་ཕུང་བྱེད་གློ་བུར་བ།
༼དགའ་སྐྱེལ༽ཟེར་བའི་ལྟས་ཕྲུག་ཁ་ནག་འདི།

ཏོག་ནད་མཉམ་དུ་བཟློག་པའི་དུས་ལ་བབ།
ད་ནས་མཚམས་འཇོག་བྱས་ན་མི་ལེགས་སམ། །

དེ་རིང་ནི་ཐོབ་བྱ་མང་བའི་ཉིན་མོ་ཞིག་རེད། གྲོང་ཁྱེར་ནས་སྐྱེས་ཤིང་འཚར་བའི་བྱིས་པ་ཚོར་རང་རེའི་རིག་གནས་ཀྱི་བག་ཆགས་འཇོག་སླད། བོད་ཀྱི་རིག་གནས་ལས་ཤག་འགའ་ལ་ཆེད་དུ་ལྟད་མོར་སོང་བ་ཡིན།
དང་པོ། གྲོགས་སེངྒེ་ལགས་ཀྱི་༼ཐུ་བྷོད་རིག་མཛོད་༽ལས་ཤག[咖啡][赞]

࿓།:། རྒྱ་གར་སྐད་དུ། དྷརྨཔད། རང་རེའི་སྐད་དུ། ཆོས་ཚིགས་སུ་བཅད་པ། རྒྱ་ནག་གི་སྐད་དུ། 法句经

སངས་རྒྱས་བཅོམ་ལྡན་འདས་ལ་ཕྱག་འཚལ་ལོ།

མཁས་དབང་དགེ་འདུན་ཆོས་འཕེལ་གྱི༼གཏམ་རྒྱུད་གསེར་ཐང༽ལས།

དྷརྨཔདའི་རྒྱ་དཔེ་ཐོར་བུ། འདི་སིངྒ་ལ་པའི་གནས་བརྟན་པ་དག་གི་ལུང་འགངས་ཆེན་དང་ད་ལྟ་སྐད་རིགས་མི་འདྲ་བ་བརྒྱར་ཉེ་བ་ཙམ་དུ་བསྒྱུར་ཅིང་། ཕྱི་གླིང་པ་མང་པོ་དག་སངས་རྒྱས་ལ་གུས་པ་སྐྱེད་པའི་རྐྱེན་དུ་སོང་བས་འཕྲིན་ལས་ཆེ། མདོ་སྡེ་ལྔའི་ནང་གི་ཕྲན་ཚེགས་ཀྱི་མདོ་ཕྲན་ཡིན་ཅིང་། རང་རེའི་ཚོམས་ཀྱི་ཚིགས་སུ་བཅད་པ་ཕལ་ཆེར་ཀྱང་དེ་ནས་ཡིན།

#དཔེ་ཀློག་ཟིན་བྲིས།