ཞལ་འཛོམས་སྐྱིད་ཀྱི་རུ་མ། །

ལྷ་ཆེན་པོ།

ནམ་ཟླ་དབྱར་ཁ་ཞིག་ལ། །
ཆུང་གྲོགས་ང་ཚོ་འཛོམས་སོང་། །
གསངཾ་ཆེནཾ་བཀྲཾ་ཤིསཾ་རྫོངཾ་ཕུ། །
མཚོ་མིག་བདུད་རྩི་ཡར་འཁྱིལ། །
གབ་མཚོ་བཀྲ་ཤིས་རང་འཕེལ། །
འདོད་དགུ་འདི་ན་གྲུབ་པས། །
ཞག་གཞིས་འདི་རུ་ཆགས་བཞག །

ཁྱུང་ལུང་རྫ་ཡི་དངུལ་མཁར། །
རྨ་རིལ་གནམ་གྱི་ཀ་བ། །
རི་མགོ་སྨུན་པས་རྒྱན་ཞིང་། །
རི་འདབས་ན་བུན་འཁྲིགས་དུས། །
རྫ་རྡོ་ངང་སེར་ཐབ་ལ། །
ཨ་ཀ་ལྕི་བ་བུས་ཤིང་། །
འབྲི་མོའི་སྤྲི་ཇ་སྐོལ་ཡོད། །

དྲོད་ཀྱི་གུར་ཁྱིམ་ནང་དུ། །
དགྱེས་པའི་ཞལ་ཁ་བླུད་ཡོད། །
ཞག་འཛོམས་སྐར་མ་སྨིན་དྲུག །
མྱོང་ན་བདེ་ཆེན་འབར་བ། །
ཕྱི་དྲན་དེ་ལས་སྐྱིད་པ། །
འཇིག་རྟེན་འཁོར་བའི་སྙིང་པོ། །
ཞེན་པ་འདི་ལ་བཅོལ་ཡོད། །

ནར་སོན་རྗེས། ཆུང་དུས་སྙིང་ཉེ་ཉེ་དང་ཚིག་འཇམ་འཇམ་བྱེད་མཁན་གྱིས་མི་དག་གཅིག་འཕྲོར་གཅིག་མཐུད་ནས་མི་ཡུལ་འདི་དང་གཏན་ཏུ་བྲལ་སོང་། ནམ་རྒྱུན་ང་རང་ནུབ་བཞུད་ཀྱི་མཚམས་སྤྲིན་ལ་བལྟ་འདུན་ཆེན་པོ་ཡོད། སྔོན་མ་སློབ་ཆུང་འགྲིམ་སྐབས། སློབ་གྲྭ་གྲོལ་ནས་ཡུལ་ལ་ལོག་དུས། ངའི་ཨ་ཕྱི་ལགས་ཀྱིས་ངེད་ཚང་ཡོད་སའི་ཐོད་མགོ་ཞིག་ཡོད་པ་དེ་ནས། ང་རང་ཡུལ་ལ་ལོག་པར་བསྒུག་ནས་འདུག་པར་གོམས་ཡོད། དེ་དུས་ཉི་མ་ནུབ་ལ་ཉེ་ཞིང་། ང་རང་ཁ་ཉི་མར་འཁོར་ནས་ཨ་ཕྱིའི་ཕྱོགས་སུ་འགྲོ་སྐབས། སྲོད་ཁའི་ཉི་འོད་དང་མཚམས་སྤྲིན་དམར་སེར་གྱི་འོད་མདངས་འོག་ནས། ཨ་ཕྱི་ཅི་འདྲའི་སྙིང་དུ་སྡུག་པ་ཞིག་རེད་འདོད་མྱོང་། རྗེས་ནས་ལོ་ག་ཙམ་འགོར་རུང་། སྐབས་དེའི་མཐོང་སྣང་ནི་བརྗེད་ཐབས་མེད་པ་ཞིག་ཡིན་ལ། ད་ལྟ་མཚམས་སྤྲིན་ལ་མཐོང་ཐེངས་རེ་ལ་སེམས་སུ་མཚམས་རེར་དྲོད་སྣང་ཞིག་དང་མཚམས་རེར་གདུང་སེམས་ཞིག་གིས་ཁེངས་སྲིད།

#སྨོན་ལམ་སེང་གེས་གླིང་རྩོམ།# ང་ཚོ་མཚར་སྡུག་གི་མི་ཡུལ་ཀློང་ནས་ཕན་ཚུན་འཕྲད་མྱོང
ལང་ཚོ་སྒེག་ཉམས་ཀྱིས་འདབ་མ་བཞད་བའི་དུས་རེད

མི་ཡུལ་ལ་གོམ་རྗེས་སྤོ་ཐེངས་བཟུང
ངོ་མཚར་ཀྱིས་འཇིར་རྟེན་གསར་རུ
ང་ཚོ་ལ་དམིགས་ཡུལ་དང་གྲ་སྒྲིག་གང་ཡང་མེད་པར
རྒྱབ་གཟུགས་གཡུག་བ་ཙམ་གྱི་སོ་སོར་ཆས

འགྱོང་དང་ཕམ་ཁ་མི་ཉུང་བ་ཞིག
ང་ཚོས་གྲིབ་གཟུགས་ལྷན་དུ་ཡིབ་ནས་ཉུལ་ཡོད

རིན་ཆེན་གྱི་མི་ལུས་གསོན་པོ
མངར་སྐྱུར་ཁ་གསུམ་འཐབ་པའི་འཚོ་བའི་ཡང་སྙིང་དེ་དང་ལྷན་དུ་ཡོད
ཡིད་འོང་གི་ལང་ཚོ་མདངས་མོ
ལོ་མ་སེར་བོ་ས་རུ་ཚག་སྒྲ་དང་བཅས་ལྷུང་བཞིན་ན
ཅི་ཡང་མི་སྨྲ་བ་ཙམ་གྱི་ཡོད་ཚད་འཇུག་སྒྲིལ་སོང་མིན་ནམ
གང་ཡང་མ་སྒྲུབ་བ་ཡལ་འགྲོ་ཨེ་རེད

ང་ཡི་སྣང་བ་ལ་གཤོག་པ་ཡོད་པ་སྟེ
དཔེར་ན་བྱིའུ་བཞིན
ཆེས་འོད་ཚེམ་འཕྲོ་བའི་མེ་ལོང་གི་ངོས་སུ་འཇིག་རྟེན་གཡས་སྐོར་འཆར་བ་ལྟ་བུའོ

སྨོན་ལམ་སེང་གེས