【On.cc】黎明自嘲當年《夏日傾情》勁多震音震過貓王 向歌迷致歉兼重錄

四大天王之一的黎明（Leon），早在1993年推出的《夏日傾情》絕對是他的經典金曲之一，由於當年此歌亦是廣告主題曲，因此幾乎播到街知巷聞。不過Leon似乎對自己當年演繹此歌表現不太滿意，他今日在官方FB撰文透露早前已重新翻錄《夏》，並在今日於音樂平台上架。

Leon日前元旦日做張敬軒紅館演唱會嘉賓。

早前又做陳柏宇的演唱會嘉賓，掀起當晚高潮。

Leon寫道：「喺舊年有一次坐人哋車，個人突然播出夏日傾情當年版，我一聽之下，即刻醒悟，什麼叫做：力拔山兮氣蓋世，唉聽返當日自己唱的版本，真係震過貓王，不停震，句句尾個隻字都震，我意思係啲震音，講真一聽返連我自己都無法忍受，令我恍然大悟，鍾意聽呢首歌嘅朋友，我辛苦了你們的支持，真係要講句，對不起我愛你，為咗防止大家唔覺意再聽返當年的震音老土版，我覺得自己馬上需要重新錄製此曲.....」。

今日在FB撰文解釋為何重錄《夏日傾情》。

Leon去年7月也在紅館開騷。

文中Leon又提到要取回歌曲版權經過重重困難，又覺得只翻錄一首又好似有點浪費，結果又重錄《越夜越有機》，最後Leon表示：「講完啦，係咁先，下次再講啦。鍾意定唔鍾意，對得住自己咪鍾意，又冇對唔住人。」不少粉絲皆留言表示欣賞Leon不斷求變以及與時並進的態度。

一睇呢段留言，都知Leon的確與時並進。

#黎明[超话]#

「螞蟻睇天下」【黎明俾自己嘅舊歌嚇親 重錄再上架：必須面對已經過時】

黎明 呢個「金句王」，今日一朝就喺社交平台出招，話自己有次坐人哋架車，聽到對方播咗隻 CD 版嘅《夏日傾情》（1993年推出），即刻令佢明白咩嘢叫「力拔山兮氣蓋世」！黎明自插，笑自己句句尾字都加震音，聽到都覺得老土，話自己而家聽番都忍受唔到，仲話辛苦晒大家嘅支持，又同鍾意呢首歌嘅朋友講：「對不起，我愛你。」

一直好 與時並進 嘅黎明，話做人必須要面對有啲嘢已經過時，唔想大家再聽嗰個out哂嘅震音版《夏日傾情》，所以排除萬難咁申請版權，重新錄咗個2022版，佢話齋錄一首好無聊，結果，順便錄埋《越夜越有機》，拎走咗當年編曲入面嘅槍聲，重新整咗個和平版！連埋《戀愛者聯盟》，三首歌以「重新唱」VOL. 1 EP 再上架！最後，黎明以金句「鍾意定唔鍾意，對得住自己咪鍾意，又冇對唔住人。」作總結，如果 香港樂壇，人人都有黎明「做人必須要面已經過時」呢種思維，香港樂壇要成為 亞洲第一，相信並唔係難事！

黎明全文如下：
夏日傾情一曲是我初出道冇幾耐錄的一首歌，其實自己都很久沒有聽過，因為有機會開演唱會，在彩排時唱或在演唱會唱，因為自己都熟所以冇需要攞返當年嘅CD版嚟聽，但喺舊年有一次坐人哋車，個人突然播出夏日傾情當年版，我一聽之下，即刻醒悟，什麼叫做：力拔山兮氣蓋世，‍唉聽返當日自己唱的版本，真係震過貓王，不停震，句句尾個隻字都震，我意思係啲震音～～講真一聽返連我自己都無法忍受，令我恍然大悟，鍾意聽呢首歌嘅朋友，我辛苦了你們的支持，真係要講句，對不起我愛你，為咗防止大家唔覺意再聽返當年的震音老土版，我覺得自己馬上需要重新錄製此曲，亦都經過重重困難去申請版權，最終如願重錄，做人畢竟要與時並進，當年情可以存在，但必須面對已經過時，所以重新唱過，但只錄一首，又好似好無謂，所以重新錄多首《越夜越有機》，將編曲入邊嘅槍聲也拎走埋，等首歌可以帶點和平氣氛，講完啦，係咁先，下次再講啦。
鍾意定唔鍾意，對得住自己咪鍾意，又冇對唔住人。

只有三首歌的重新唱VOL. 1 EP 今日上載音樂平台

#黎明[超话]#
夏日傾情一曲是我初出道冇幾耐錄的一首歌，其實自己都很久沒有聽過，因為有機會開演唱會，在彩排時唱或在演唱會唱，因為自己都熟所以冇需要攞返當年嘅CD版嚟聽，但喺舊年有一次坐人哋車，個人突然播出夏日傾情當年版，我一聽之下，即刻醒悟，什麼叫做：力拔山兮氣蓋世，‍唉聽返當日自己唱的版本，真係震過貓王，不停震，句句尾個隻字都震，我意思係啲震音～～講真一聽返連我自己都無法忍受，令我恍然大悟，鍾意聽呢首歌嘅朋友，我辛苦了你們的支持，真係要講句，對不起我愛你，為咗防止大家唔覺意再聽返當年的震音老土版，我覺得自己馬上需要重新錄製此曲，亦都經過重重困難去申請版權，最終如願重錄，做人畢竟要與時並進，當年情可以存在，但必須面對已經過時，所以重新唱過，但只錄一首，又好似好無謂，所以重新錄多首，越夜越有機，將編曲入邊嘅槍聲也拎走埋，等首歌可以帶點和平氣氛，講完啦，係咁先，下次再講啦。
鍾意定唔鍾意，對得住自己咪鍾意，又冇對唔住人。

只有三首歌的重新唱VOL. 1 EP 今日上載音樂平台