སྙིང་རྗེའི་གཏེར་ཆེན་མཁས་པའི་དབང་ཕྱུག་མཁན་ཆེན་ཚུལ་ཁྲིམས་བློ་གྲོས་མཆོག་གི་འཁྲུངས་དུས་ལ་ཡིད་ཆེས་བྱེད་ཆོག་པ་གཉིས་ཏེ། བོད་ཚེས་ནི། བོད་ཟླ་བཅུ་བའི་ཚེས་༡༥ དང་། སྤྱི་ཚེས་ནི། སྤྱི་ཟླ་༡༢ ཚེས་༡༡ རེད།
དེ་ནི་རབ་བྱུང་བཅུ་དྲུག་པའི་བོད་ཆུ་སྟག་ལོ་དང་སྤྱི་ལོ་༡༩༦༢ ལོར་སྐུ་འཁྲུངས་བའི་དུས་དེར་བསྟུན་ན་བོད་ཟླ་བཅུ་བའི་ཚེས་༡༥ དང་སྤྱི་ཟླ་༡༢ ཚེས་༡༡ ཏུ་ཁེལ་བས་ཡིན།
བྱང་སྲས་ཀྱིས།

ཀུན་མཁྱེན་ཆེན་པོས།

གཟའ་ཚང་ཉེ་འབྲེལ་འདི་དང་དུས་རྟག་ཏུ། །མི་འབྲལ་འགྲོགས་པར་འདོད་ཀྱང་འབྲལ་བར་ངེས། །བཟང་པོའི་གནས་མལ་འདི་རུ་དུས་རྟག་ཏུ། །མི་འབྲལ་འདུག་པར་འདོད་ཀྱང་འགྲོ་བར་ངེས། །བདེ་སྐྱིད་ལོངས་སྤྱོད་འདི་དང་དུས་རྟག་ཏུ། །མི་འབྲལ་སྤྱོད་པར་འདོད་ཀྱང་བོར་བར་ངེས། །དལ་འབྱོར་མི་ལུས་མཆོག་འདི་དུས་རྟག་ཏུ། །མི་འབྲལ་རྟག་པར་འདོད་ཀྱང་འཆི་བར་ངེས། །བཟང་པོའི་བླ་མ་འདི་དང་དུས་རྟག་ཏུ། །མི་འབྲལ་ཆོས་ཉན་འདོད་ཀྱང་བྲལ་བར་ངེས། །དམ་པའི་གྲོགས་བཟང་རྣམས་དང་དུས་རྟག་ཏུ། །མི་འབྲལ་འགྲོགས་པར་འདོད་ཀྱང་འབྲལ་ངེས་པས། །དེ་རིང་ཉིད་ནས་བརྩོན་པའི་གོ་བགོས་ཏེ། །འབྲལ་མེད་བདེ་ཆེན་གླིང་དུ་བགྲོད་རེ་རན། །སྐྱོ་ཤས་གཏིང་ནས་སྐྱེ་བའི་གྲོགས་རྣམས་ལ། །ཆོས་མེད་སྤྲང་པོ་བདག་གིས་དེ་སྐད་བསྐུལ། །ཞེས་གསུངས།

འཛམ་གླིང་རིག་པས་སྐོར་བའི་ཞི་བའི་ཐུབ་པ་རང་བྱོན་རིགས་ཀུན་འཇིགས་སྐྱོབ་ཀྱི་སྟོན་པ་གངས་ཅན་མཁས་པའི་དབང་པོ་མཁན་ཆེན་༸ཚུལ་ཁྲིམས་བློ་གྲོས་དཔལ་བཟང་པོ་ཕྱོགས་ལས་རྣམ་པར་རྒྱལ་བའི་་འཁྲུངས་་སྐར་་བསུ། སྐུ་ཚེ་བརྟན། མཛད་འཕྲིན་རྒྱས། བསྟན་པ་ཉི་ཟླ་དང་མཉམ་པར་ཤོག[合十]