ཀི་་ཀི་་་ཀི་་་་བསྭོ་བསྭོ་བསྭོ།

ཤར་གྱི་རྨ་རྒྱལ་སྤོམ་ར་བསྭོ། ལྷོ་ཡི་ཁ་བ་དཀར་པོ་བསྭོ། ནུབ་ཀྱི་གངས་དཀར་ཏི་སེ་བསྭོ། བྱང་གི་གཉན་ཆེན་ཐང་ལྷ་བསྭོ། བོད་ཀྱི་མཚོ་ཆེན་རྣམ་བཞི་བསྭོ། བཙན་པོའི་རྒྱལ་རབས་རིམ་བྱོན་བསྭོ། སློབ་དཔོན་པདྨ་འབྱུང་གནས་བསྭོ། རྒྱལ་ཡུལ་རྗེ་བཙུན་སྒྲོལ་མ་བསྭོ། སེང་ཆེན་ནོར་བུ་དགྲ་འདུལ་བསྭོ། ལྷ་ཆེན་ཚངས་པ་དཀར་པོ་བསྭོ། གཉན་ཆེན་སྐུ་ལྷ་གེ་མཛོ་བསྭོ། ཀླུ་རྒྱལ་གཙུག་ན་རིན་ཆེན་བསྭོ།

ཕུ་བོ་དུང་ཁྱུང་ཀར་པོ་བསྭོ། ནུ་བོ་ཀླུ་སྦྲུལ་འོད་ཆུང་བསྭོ། སྲིང་ལྕམ་ཐ་ལེ་འོད་འཕྲོ་བསྭོ།

ཨ་ནེ་གནམ་སྨན་དཀར་མོ་བསྭོ། དགྲ་ལྷའི་མེ་སྟག་དམར་པོ་བསྭོ།

འཛམ་གླིང་སེང་ཆེན་རྒྱལ་པོ་བསྭོ།

གླིང་གི་དཔའ་བཏུལ་སུམ་ཅུ་བསྭོ། ཡང་ཐུལ་དམ་པ་མི་བདུན་བསྭོ། ཞེ་ཐུལ་ཁྲ་གླག་སྤྱང་གསུམ་བསྭོ། བསྭོ། བསྭོ། བསྭོ།

ཕོ་ལྷ་བསྭོ། དགྲ་ལྷ་བསྭོ། ལས་ལྷ་བསྭོ། ལུས་ལྷ་བསྭོ། ས་གང་སོང་གི་ཡུལ་ལྷ་གཞི་བདག་བསྭོ། ཆུ་གང་ཐུག་གི་ཀླུ་སྨན་དཀར་མོ་བསྭོ། ཕར་འགྲོ་གི་སྐྱེལ་མ་གྱིས། ཚུར་འོང་གི་བསུ་མ་གྱིས། བུ་ལ་དཔའ་རྩལ་སྦྱིན། རྟ་ལ་བང་ཁ་སྩོལ། མཚོན་ལ་རྣོ་ངར་སྐྱེད། དགྲ་མགོ་རྡོག་པས་ནོན། གང་སོང་ལ་ནོར་འཕེལ། གང་བསྡད་ལ་གཡང་ཆགས། གོམ་གསུམ་སྤོས་ན་བཀྲ་ཤིས། ཚིག་གསུམ་བཤད་ན་དོན་འགྲུབ། བསྭོ། བསྭོ།

#微博[超话]# ༄༅། །སྲིད་པའི་གངས་རྒན་ཨ་མྱེས་རྨ་ཆེན་ནམ་ཤར་རྨ་རྒྱལ་སྤོམ་ར།
རབ་དཀར་ཁ་བའི་མཛེས་པའི་ཀཻ་ལ་ཤ།
ཨེ་མ་དྭངས་གསལ་མཁའ་ལ་ལེགས་མངོན་པ།།
སེམས་ནས་སྨོན་ཡུལ་གངས་རི་རབ་མཛེས་པ།།
དེ་ནི་ཨ་མྱེ་རྨ་ཆེན་སྤོམ་ར་ལགས།།

རྫ་མཐོན་པོ་སྤྲིན་གྱི་ཕུར་མ་མཛེས།།
ཆུ་གཙང་པོའི་ཡོན་ཆབ་འབྲུག་རིས་འཁྱིལ།།
གངས་ཆེན་པོ་ཨ་མྱེ་རྨ་ཆེན་འགྱིངས།།
གནས་གཡུ་ཡི་སྨན་ལྗོངས་མགོ་ལོག་ཡུལ།། ​​​

果洛藏族自治州万神之尊阿尼玛卿雪山 https://t.cn/R2WxDIR

འཕྱོངས་རྒྱས་ཟླ་བ་སྒྲོལ་མ།

སྣུམ་ཤིག་ཤིག་གི་ཡར་ཀླུང་།
ཁུ་སིམ་སིམ་གྱི་ཡར་ཆབ་གཙང་པོ།
དུས་གསུམ་གྱི་ནམ་མཁར་རྟག་ཏུ་མཆོད་མྱངས་པའི།
ངའི་བཙན་པོའི་གཟིམ་ཤུལ་རིང་མོ།
ཁྱེད་ཀྱི་འཇའ་མཚོན་ལྟ་བུའི་ལང་ཚོ་ལ་རོལ་ཞོར་དུ།
མར་མེ་རྐང་གཅིག་ཀྱང་སྒྲོན་ཆོག་པར་ཞུ།

རྡོ་ཁང་གྲུ་བཞི་རེ་རེའི་ཡར་སྟེང་དུ
སྔོན་ལོང་ལོང་དུ་འཕྱོར་བའི་དུད་སྤྲིན།
རླུང་གིས་བདས་པའི་དར་ཅོག་ཁྲ་བོ།
ཉི་མའི་དཀྱིལ་འཁོར་ལ་བཤམས་པའི་འཕྱོངས་རྒྱས་གྲོང་ཚོ།
ཟླ་བའི་བསིལ་ཟེར་ལ་ཐིམ་པའི་ཟླ་བ་སྒྲོལ་མ།

གཞས་ཚིག་ཅིག་ལས་ཁྱེད་རང་ཐོག་མར་རྙེད་ཅིང་།
གཏམ་རྒྱུད་ཅིག་ལས་ཁྱོད་རང་ཆ་རྒྱུས་ཡོད་པའི་མི་ཞིག་གྱུར།
ཟླ་བ་སྒྲོལ་མ།

དོ་ནུབ་ངས་ལྷོ་ཁར།
མངར་ཇ་འཐུང་ཞོར་དུ་ལྷ་མོའི་ཟློས་གར་ལ་རྒྱུས་ལོན་བྱེད་ཀྱིན་ཡོད།

སྨར་ལྷོ་ཟླ་ཟེར་གྱིས་ལྷོ་ཁ་ནས་བྲིས་སོ།