༧རྗེ་དགུང་ལོ་སོ་བརྒྱད་པར་རྫིང་ཕྱིའི་བྱམས་པ་ཞིག་གསོ་མཛད་ཅིང་ཐུགས་དམ་སྨོན་ལམ་གང་འགྲུས་མཛད་པའི་དེ་དུས་ཀྱི་བྱམས་པའི་སྐུ་བརྙན་མཐོང་བ་ཀུན་གྲོལ་དང་བྱང་ཆུབ་སེམས་རྡོ།

近朱者赤，
近墨者黑。

རང་ཉིད་ནི་རང་གི་མགོན་ཡིན།

{བཀྲ་ཤིས}

མི་ཚེ་ལམ་བུ་གང་དུ་སྐྱོད་ན།
ལམ་སྟོན་གྱི་སྒྲོན་མེ་ནི།
མཁས་པ་་ལ་བསྟེན་དགོས།
ལམ་བུ་ལ་ཞུགས་ཚར་དུས།
ལམ་བཟང་པོ་བགྲོད་པ་ནི།
རང་ཉིད་ཀྱི་བརྩོན་སེམས་དང་།
རང་རྟོགས་ཀྱི་ཤེས་རབ་ལ་རྟེན་པ་གལ་ཆེ།

མི་ཚེ་ལམ་བུ་ཉུལ་བར།
གློ་བུར་དུ་སྔ་སོང་བ་ཡིན་ན།
ཕྱི་འདང་རྒྱག་པ་ན།
དོན་སྙིང་མེད་པར་རྟོགས་ན།
མི་ཚེའི་མདུན་ལམ་ལ་མྱུར་དུ།
བཅོས་སྒྱུར་ཞིག་བྱས་ཏེ།
ནོར་བར་ཡོ་བསྲང་གནང་སྟེ།
དཀའ་ངལ་རྡོག་པས་བརྫིས་ནས།
སྤོབས་སེམས་ཆེན་པོ་མདུན་དུ་སྐྱོད་དགོས།

མི་ཚེ་མདུན་ལམ་ཡག་པོ་ཞིག་ལ།
རང་ཉིད་སྐྱོད་པར་འདོད་ན།
མཁས་པ་ཞིག་གིས་ལམ་སྣ་སྟོན་དགོས།
གང་ཟག་གང་འདྲ་ཞིག་ལ།
མཁས་པ་ཟེར་བ་ཡིན་ནམ་ཞེ་ན།
ཁྱེད་ཀྱི་བྱ་བཞག་གང་ཞིག་བརྩམ་ནའང།
རོགས་རམ་བྱེད་ནུས་མཁན་གྱི་མཁས་པ་ལ་ཟེར།

མི་ཟེར་བ་ནི།
གང་ཟག་ཅི་ལྟ་བུ་ཞིག་ལ་འདྲིས་ན།

དེ་འདྲ་ཞིག་གི་ལམ་དུ་འགྲོ་ངེས།
གང་ཞིག་གསེར་གྱི་རི་བྱ་གནས་ན།
དེ་ཡི་འདབ་ཆགས་ཐམས་བྱ་རུ་འགྱུར།
གང་ཞིག་དུག་གི་རི་ལ་བྱ་གནས་ན།
དེ་ཡི་འདབ་ཆགས་ཐམས་ཅད་དུག་ཏུ་འགྱུར།
ཟེར་བའི་གནའ་མི་ཁ་རྒྱུན་བཞིན་དུ།

དབུལ་པོ་ཞིག་དང་འདྲིས་ན།
ཁྱེད་ལ་ཟས་གོས་ལ་གྲོན་ཆུང་དང་།
སློང་མོ་ཇི་ལྟར་བྱ་བ་ཁོ་ནར་བསླབ་ཤེས།
ཤོ་བ་ཞིག་ལ་འདྲིས་པར་བྱས་ན།
ཁྱེད་ལ་དུས་རྒྱུན་དུ་ཤོ་རྩེད་རྩེ་བར་དང་།
རྒྱན་འཇོག་ཁོ་ན་ལ་སྐུལ་མར་གཏོང་ཤེས།
ཆང་རྐྱལ་ཞིག་ལ་འདྲིས་ན།
ཁྱེད་ལ་ཆང་འདྲེན་པ་དང་།
ཆང་གི་ཡོན་ཏན་ཁོ་ན་བརྗོད་ཅིང་།
ཆང་འཐུང་བར་ཁོ་ནར་སྐུལ་མ་གཏོང་ཤེས།
ཆོས་པ་ཞིག་ལ་འདྲིས་ན།
དལ་འབྱོར་དོན་ཡོད་ལ་སྐུལ་སྟེ།
མི་ཚེ་སྙིང་པོ་ལ་འབད་ངེས།།

བྱ་བ་ལ་གྲུབ་འབྲས་ཐོབ་མཁན་གྱིས་མིས།
ཁྱེད་ལ་ཇི་ལྟར་གྲུབ་འབྲས་ཐོབ་ཚུལ་དང་།
མི་ཚེའི་ཆེས་གལ་ཆེ་བའི་ལས་དབང་དང་།
ཁྱེད་རང་གི་ཕུགས་བསམ་ལ་མཛུབ་སྟོོན་བྱས་ཏེ།
འོད་སྟོང་ལྡན་པའི་མདུན་ལམ་ཉིད།
ཇི་ལྟར་བགྲོད་ཚུལ་སྟོན་མཁན་དེ་ཡིན་སྲིད།

དོན་ངོ་མ་མི་རྣམས་ཀྱིས།
འཕེལ་རྒྱས་ལ་ཚོད་འཛིན་བྱས་ཡོད།
བློ་རིག་གི་ཡོན་ཚད་ནི་མ་རེད།
ཁྱེད་རང་གནས་སའི་འཚོ་བའི་ཁོར་ཡུག་དང་།
ལས་ཀའི་ཁོར་ཡུག་རེད།
མཁས་པ་ཞེས་བྱ་བ་ནི།
ཁྱེད་ལ་སྔ་མ་ཤེས་པ་མང་པོ་ཞིག
མཐོང་རྒྱ་སྐྱེད་པ་བྱེད་པར་ཡིན་ལ།
ཁྱེད་རང་འཇིག་རྟེན་གསར་པ་ཞིག་ལ།
ལམ་སྣ་ཁྲིད་མཁན་དེ་ཡིན་སྲིད།

མི་སུ་ཞིག་གིས་ཀྱང་།
ཁྱེད་རང་ཉིད་ཀྱི་མི་ཚེའི་ཚབ་བྱེད་མི་ནུས།
ལམ་བཟང་ངན་ཇི་ལྟ་བུ་ཞིག་ཏུ་སྐྱོད་པར།
མཐར་ཁྱེད་རང་ཉིད་ཁོ་ནར་ལ་བརྟེན་དགོས།
མི་ཚེ་ཡི་བཟང་ངན་གྱི་ལམ་བུ་ལ།
ཇི་ལྟར་སྐྱོད་དགོས་པ་རང་ཉིད་ལ་གདམ་ཀ་ཡོད།

ཡིད་དུ་འོང་བའི་བསམ་པ་ཞིག་གིས།
འཇིག་རྟེན་གྱི་མཛེས་ལྗོངས་བལྟས་ན།
སེམས་པ་སྤྲོ་སྣང་སྐྱེད་ཅིང་།
ཕྲན་ཚེགས་ཀྱི་འཚོ་བ་ལ།
ང་ཚོའི་འཚར་ལོངས་ཀྱི་བྱིན་པའི་ཉམས་མྱོང་ལ།
བཀའ་དྲིན་ཞུ་བ་དང་།
གུ་ཡངས་ཀྱི་སེམས་པ་ཞིག་གིས།
གཞན་གྱིས་ང་ཚོར་འཚེ་བ་བྱས་ནའང་།
བཟོད་སྒོམ་བྱེད་ནུས་པ་ཡིན་ལ།
བཏང་སྙོམས་ཀྱི་སེམས་པ་བཀོལ་ཏེ།།
མི་ཚེ་ཡི་ཐོབ་ཤོར་གྱི་གྲུབ་འབྲས་ལ་ལྟོས་ཤིག

ཁྱེད་ཀྱིས་ཐོབ་ཤོར་ལ་སླ་མོ་ཞིག་བྱས་ན།
ཁེ་ཕམ་གྱི་དུས་སུ་དོན་མེད་ཅིང་།
རླུང་ཕྱོགས་དང་མཐུན་པར།
ཆུ་བོ་གྱེན་དུ་ལྡོག་པ་བཞིན།
རྐྱེན་ངན་གྲོགས་སུ་ཤར་བ་ངེས།

མི་ཚེ་ཆེས་རིན་ཐང་ལྡན་པ་ནི།
རྒྱུན་ལྡན་གྱི་སེམས་ཤིག་ཡོད་ན།
རྙོག་ཟིང་ལས་རིང་དུ་གྱེས་ཏེ།
ལྷིང་འཇགས་ནི་ཆུ་བོ་དང་འདྲ་ཞིང་།
ཁྲ་ཁྲ་འཇིག་རྟེན་ལ་མ་འཁྲུལ་བ།
མི་ཚེ་བདེ་སྐྱིད་ཀྱི་བྲོ་བ་མྱོང་སྟེ།
མི་ཚེ་འཁྱོལ་ན་ཤིན་ཏུ་ལེགས།

དུས་ཚོད་མང་པོ་ཞིག་ལ།
ངལ་དུལ་གྱིས་མནར་ན་ཡང་།
གོམ་མཚམས་སྣང་མེད་དུ་འཇོག་མི་རུང་།
དེས་ན་ང་ཚོ་བསྐྱུར་བཞག་པ་ནི།
ད་ལྟ་ཁོ་ནའི་ལས་ཀའི་གོ་སྐབས་མ་ཡིན་པ།
དེ་ལས་མང་བའི་འགན་འཁྲི་ཡོད་རེད།
རེ་སྙེག་དང་མདུན་ལམ་ལ།
བརྩི་བཀུར་དང་། སྐུལ་མ་གཏོང་དགོས།

༢༠༢༣/༩/༢༣ཉིན་སྔོན་གྱི་རྩོམ་རྙིང་བཟོ་བཅོས་ཕྲན་བུ་བྱས་ནས་སླར་ཡང་ཕུལ།།

ས་སྲོད་ཀྱི་དྲན་པ།

ཞེད་སྣང་དང་ཁེར་རྐྱང་གིས་གཙེས་པའི་བས་མཐའ་ཞིག་དུ་བདག་གི་སྙིང་ཉེ་བའི་ཁྱོད་རང་ཁེར་རྐྱང་དང་སུན་སྣང་གིས་གདུང་གིན་ཨེ་ཡོད་སྙམ་ན་བདག་གི་ནང་སེམས་འདི་ཡང་འཁྱག་པའི་བརླན་བྱུང་ལ་དེ་ནི་འུ་གཉིས་ཁ་ཁར་གྱེས་པའི་དྲན་གདུང་གི་ན་ཟུག་ཨེ་ཡིན་སྙིང་ལགས་སྐྱོ་སྐྱོ་མ་གནང་དང་བརྩེ་དུངས་ཞེས་པའི་ཐ་སྙད་དྲོན་པོ་དེ་གཉིས་ཀྱང་འུ་གཉིས་ཀྱི་ནང་སེམས་སུ་དྭངས་གཙང་གིས་སྦས་ཡོད་ད་དུང་ཁྲེལ་གཞུང་ཞེས་པའི་ཐ་སྙད་རྩ་ཆེན་དེ་གཉིས་ཀྱང་ཁྱོད་དང་འུ་གཉིས་ཁོ་ནར་དབང་སྤྱིར་འཁོར་བའི་ལས་ཚག་དང་འཚོ་བའི་དཀའ་ཁག་སོགས་ཀྱིས་ཅུང་ཙམ་དཀའ་སྣང་དང་སུན་སྣང་ཡོད་ནའང་དམར་ཆུང་གི་སེམས་པ་ཆ་གཅིག་ཕན་ཚུན་འདྲིས་ནས་སྐྱིད་སྡུག་གི་རི་མོ་མཉམ་དུ་གཤིབ་པའི་ཚུགས་ཀ་དེ་ནི་སྙིང་དུ་སྡུག་པ་དང་ཅི་འདྲའི་ཡིད་དུ་འོང་བ་ཞིག་རེད་འབྲོག་པའི་རྩྭ་ཐང་དུ་རྟ་ནོར་ལུག་གསུམ་ལ་བརྟེན་ནས་ཆེས་སྤྱིར་བཏང་གི་འཚོ་བ་རོལ་བའི་འུ་གཉིས་ཀ་གྲོང་ཁྱེར་གྱི་འུར་ཟིང་དང་མི་ཚོགས་ཀྱི་འདུ་འགོད་མཐའ་དག་ལས་གྱེས་ཏེ་ལྷང་འཇགས་དང་རང་དབང་གིས་ཕྱུག་པའི་ཕ་ཡུལ་གྱི་རྩྭ་ཐང་ཆུང་ངུ་དེ་རུ་ཁྱིམ་གཞིས་འཛིན་ཞིང་སོ་སོ་སེམས་ཀྱི་འཚོས་ཏེ་མི་ཚེ་བསྐྱལ་བ་ནི་ཅི་འདྲའི་འཆར་ཡན་ལྡན་པ་དང་སྙན་ངག་ཞིག་ཀྱང་རེད་ཨང་དེ་ནི་ངའི་ཕུགས་བསམ་ཀྱང་ཡིན་ཡིན་ནའང་ང་རང་གི་ཕུགས་བསམ་ནི་ད་ལྟ་ཁྱོད་ཚོས་སྒོ་སམ་དང་ཅོག་ཙེ་ཤོག་ལྷེའི་ངོས་སུ་བྱུང་རྒྱལ་དུ་བྲིས་པའི་ཕུགས་བསམ་དང་གཏན་ནས་མི་འདྲ་ཞོགས་པར་ཉི་རྩེ་དང་ལྷན་དུ་ཅང་ཤེས་རྟ་ཕོའི་བང་རྩལ་ངོམ་བཞིན་རི་ལ་འགྲོ་ཞིང་སྲོད་དུ་སྐར་འོད་ཆེམ་པའི་ཟླ་འོད་དང་ལྷན་ཅིག་ནོར་ལུག་གི་འཕེལ་ཁ་རྩི་བཞིིིན་ཁྱིམ་དུ་ལོག་བདག་གི་དྲན་འཛིན་གྱི་མཁའ་དབྱིངས་སུ་སྐར་འོད་བཞིན་ལམ་ལམ་འཚེར་ཞིང་བརྩེ་དུང་གི་མཚོ་ངོས་སུ་རྦ་རླབས་བཞིན་ཆལ་ཆིལ་དུ་གཡོས་འོང་བ་ནི་ཡངས་པའི་སྤང་ཐང་ན་གཡང་དཀར་ཁྱུ་ཚོགས་དང་ལྷན་དུ་འཚོ་བའི་གཡོ་ཟོལ་དང་ནག་ནོག་གི་དྲི་མའི་མ་གོས་པའི་རྫི་མོ་འཛུམ་བག་ཅན་དེ་རེད།

                   2023/8/23ཉིན་སྙིང་ལགས་ལ་ཀེར་ནས།