ས་སྙིང་འཁོར་ལོ་བཅུ་པའི་མདོ་ལས།

སེམས་ཅན་སྡུག་བསྔལ་འཁོར་ལོ་རབ་བསྐོར་ཏེ། །
གཅིག་གིས་གཅིག་ལ་འཚེ་ཞིང་གནོད་གྱུར་པ། །
ས་ཡི་སྙིང་པོ་དེ་ལ་སྐྱབས་གསོལ་ན། །
བཟོད་ཅིང་བྱམས་པའི་སེམས་ལ་གནས་པར་འགྱུར། །

བཅུ་གསུམ་རྐྱེན་གྱིས་རབ་འཇིགས་སྐྲག་བྱེད་ཅིང་། །
ཚོལ་བ་མི་རྙེད་རྐྱེན་གྱིས་སྡུག་པ་དག །
ས་ཡི་སྙིང་པོ་དེ་ལ་སྐྱབས་གསོལ་ན། །
འཇིགས་པ་མེད་པ་དེ་ལ་གནས་པར་འགྱུར། །

བསོད་ནམས་བྱེད་ལ་མོས་ཤིང་དྲན་པ་དང་། །
ཚུལ་ཁྲིམས་མང་ཐོས་ཤེས་རབ་འདོད་པ་དག །
ས་ཡི་སྙིང་པོ་དེ་ལ་སྐྱབས་གསོལ་ན། །
རེ་བ་བཞིན་དུ་ཐམས་ཅད་རྫོགས་པར་འགྱུར། །

ཡོན་ཏན་སོ་སོར་སྨོས་པའི་བཟོད་རྩལ་དང་། །
སྨན་དང་ས་བོན་ཚོགས་ལ་མོས་པ་དག །
ས་ཡི་སྙིང་པོ་དེ་ལ་སྐྱབས་གསོལ་ན། །
རེ་བ་ཀུན་དང་ལྡན་ཞིང་རྫོགས་པར་འགྱུར། །

ལོ་ཐོག་རྩི་ཤིང་ལེགས་པར་འདོད་པ་དང་། །
ཁྱེའུ་དང་བུ་མོ་གོས་དང་བྲན་ཁོལ་ཕྱིར། །
ས་ཡི་སྙིང་པོ་དེ་ལ་སྐྱབས་གསོལ་ན། །
རང་བྱུང་བཞིན་དུ་ཐམས་ཅད་རྫོགས་པར་འགྱུར། །

སྐྱིད་འདོད་བརྒྱག་འདོད་ཆོས་ཀྱི་བར་ཆད་ཡིན།།
དེ་དག་བསྒྲུབ་ན་ཟད་པའི་མཐའ་མ་མཆིས།།
གཅིག་དགོས་གཉིས་དགོས་དགོས་དོན་རྫོགས་དུས་མེད།།
གང་བྱུང་ཆོག་ཤེས་སྡུག་ལ་སྙིང་སྲན་མཛོད།།

མདོ་མང་གཏེར་ཆེན་རྡོ་རྗེ་བདེ་ཆེན་གླིང་པ།
欲乐欲饱是道障，若行彼等无有际，
欲一欲二欲无穷，但请安忍解知足。
——朵芒大伏藏师多吉德钦郎巴

མི་ཚེ་་མཆང་རིང་ཤོར་སོང་།
#人生失去了酒价#

རྦ་རླབས་ཤིན་ཏུ་ཆེ་བའི་རྒྱ་མཚོ་ཡི་གནས་སུ།།
གཟུགས་མེད་གཡོ་འཕྲུལ་དྲྭ་བའི་ལྕགས་ཅུ་དེས་བཟུང་ངོ་།
བརྗོད་མེད་དཔག་བསམ་ལོ་མའི་རང་བཞིན་དེ་མྱུར་ནས།།
དགུན་གྱི་རླུང་བའི་དབུས་སུ་ཕྱོགས་མཚམས་དེ་མ་རྙེད།།

མི་ཆོས་ལྷ་ཆོས་རྣམས་ལ་དོགས་པ་རེ་ཟ་ནས།།
ཤ་ཁྲག་ཆང་རག་དག་གི་མི་ཚེ་ལ་རེ་བཞིན།།
དཀའ་སྡུག་རྔུལ་ཆུ་ཉམས་པའི་ཕ་མ་ཡང་གསོད་བཞིན།།
རྒྱུ་ཟ་ཟས་ཟ་དེ་ལ་ལང་ཚོ་དེ་ཤོར་སོང་།།

ཁ་ལ་མངར་མོ་དེ་ནི་སྒོག་སྒྲ་རེ་ཡོད་ཀྱང་།།
ཨེ་མ་ཞག་གཅིག་མནར་ན་དུས་ཚོད་ནི་རིང་མོ།།
འགྱོད་སེམས་ཐོ་བཤགས་མེད་པའི་མིག་ཆུ་ཞིག་གི།
བཟི་བོ་མི་བུ་ང་ལ་སེམས་པ་ཞིག་ཨེ་ཡོད།།