མཁྱེན་བརྩེ་དབང་པོས་མཛད་པའི་རྣམ་མགུར།ཅིས་ཀྱང་སྙིང་པོ་མེད་པ་ལ་སོམས
ཀྱེ་མ།
དྲན་པས་སྙིང་གི་གདུང་བ་ཀུན་སེལ་བའི།།
ཁྱབ་བདག་བླ་མ་ཡེ་ཤེས་ཀྱི་སྐུ་ཅན།།
བཀའ་དྲིན་མཉམ་མེད་ཞབས་སེན་གྱི་ནོར་བུ།།
སྤྱི་བོའི་པདྨར་འབྲལ་མེད་དུ་བཞུགས་ཤིག།
ལེགས་པར་སོམས་དང་བླུན་རྨོངས་ཀྱི་དྲེག་པོ།།
རང་ལ་བལྟས་ན་འཁོལ་མེད་དང་ཐབས་སྡུག།
གཞན་ལ་བལྟས་ན་ཡི་མུག་གི་རང་བཞིན།།
ཅི་ལ་བསམ་ཀྱང་སྙིང་པོ་ནི་མ་མཆིས།།
མང་དུ་ཐོས་ཀྱང་ཚིག་སྐམ་གྱི་གཤར་སྦྱངས།།
འཆད་སྤེལ་བྱས་ཀྱང་དམ་ཉམས་ཀྱི་སྒྲུབ་ཐབས།།
ལྷག་བསམ་བསྐྱེད་ཀྱང་གཡོ་ཟོལ་དུ་མཐོང་བའི།།
དུས་ངན་སྙིགས་མའི་སྤྱི་ལུགས་ལ་གཟིགས་དང་།།
བསམ་པ་དགེ་ཡང་སྟོབས་འབྱོར་གྱིས་དབེན་པས།།
གཞན་ལ་ཕན་པའི་གོ་སྐབས་ནི་མ་མཆིས།།
མི་ཚེ་ཐམས་ཅད་དོན་མེད་ཀྱི་བྱ་བས།།
རང་གཞན་གཉིས་མགོ་བསྐོར་བ་འདི་མཐོང་ངམ།།
དྲག་དྲག་མགོན་ཅན་ང་རྒྱལ་གྱིས་སྦོམ་ཤིང་།།
ཞན་ཞན་རྣམས་ནི་ལྟོ་གོས་ཀྱི་ཁོལ་པོ།།
ཀུན་ཀྱང་བླུན་ཞིང་གཏི་མུག་གི་རང་བཞིན།།
འདི་འདྲས་རྒྱལ་བསྟན་ཇི་ལྟར་རང་འཛིན་ཨང་།།
མཁས་པ་ཕལ་ཆེར་ཆགས་སྡང་གི་ཚང་ཚིང་།།
གྲུབ་ཐོབ་རློམས་འགའ་བདུད་རིགས་ཀྱི་སྒྱུ་འཕྲུལ།།
གངས་དཀར་ཏི་སེའི་རྒྱངས་སྒྲ་ལྟར་མཐོང་བས།།
ད་ནི་རང་ཚོད་རང་ཉིད་ཀྱིས་ཟུངས་ཤིག།
དགོན་གོག་ཁ་འཛིན་དམྱལ་བ་ཡི་ཚོགས་ཁང་།།
བསྒྲིགས་དང་གྲྭ་ས་ཟིན་མེད་ཀྱི་སོ་ནམ།།
སྦྱིན་བདག་ངོ་སྲུང་མགུ་འཁང་གི་རང་བཞིན།།
ཅིས་ཀྱང་སྙིང་པོ་མེད་པ་ལ་སོམས་དང་།།
ཕར་ལྟོས་བླ་དཔོན་རེ་དོགས་ཀྱི་འབྱུང་གནས།།
ཚུར་ལྟོས་འཁོར་སློབ་སྡུག་བསྔལ་གྱི་ཞིང་ས།།
འདུལ་རྒྱུའི་དགྲ་བོ་ཞེ་སྡང་གི་བུད་ཤིང་།།
བསྐྱང་རྒྱུའི་གཉེར་ནོར་འདོད་ཆགས་ཀྱི་གཡབ་མོ།།
དེ་འདྲའི་དཀའ་ལས་དོན་མེད་ཀྱི་བྱ་བཞག།
སྨྱོན་པའི་ཟློས་གར་རྩེ་བ་ལྟར་མཐོང་ནས།།
བློ་སྣ་ཐུང་ངུས་སློབ་དཔོན་དང་འགྲོགས་ཏེ།།
མི་མེད་དབེན་པའི་རི་སུལ་དུ་གཤེགས་ལ།།
འཕགས་དག་མཁས་པའི་ཞལ་ལུང་གི་བདུད་རྩི།།
དེ་སྔ་ཐོས་པ་དེ་ཙམ་གྱིས་ཆོག་གི།།
ཐོས་དང་སྙིང་པོར་དྲིལ་བ་ཡི་ཉམས་ལེན།།
ད་ནི་མ་རན་དགུ་རན་དུ་འདུག་གོ།།
གལ་ཏེ་སྒྲུབ་པ་མ་བྱུང་དུ་ཟིན་ཀྱང་།།
རང་གཞན་གཉིས་མགོ་བསྐོར་བ་འདི་སྤངས་ནས།།
ཆགས་སྡང་མེད་པའི་གར་སྐྱིད་ཀྱི་ཡུལ་དུ།།
བཟའ་གཏད་བྲལ་བའི་སྤྱོད་ཚུལ་ལ་ཞུགས་ཤིག།
འཇམ་དབྱངས་མཁྱེན་བརྩེ་དབང་པོས་ཐོལ་བྱུང་དུ་སྨྲས་པའོ།།
ཀྱེ་མ།
དྲན་པས་སྙིང་གི་གདུང་བ་ཀུན་སེལ་བའི།།
ཁྱབ་བདག་བླ་མ་ཡེ་ཤེས་ཀྱི་སྐུ་ཅན།།
བཀའ་དྲིན་མཉམ་མེད་ཞབས་སེན་གྱི་ནོར་བུ།།
སྤྱི་བོའི་པདྨར་འབྲལ་མེད་དུ་བཞུགས་ཤིག།
ལེགས་པར་སོམས་དང་བླུན་རྨོངས་ཀྱི་དྲེག་པོ།།
རང་ལ་བལྟས་ན་འཁོལ་མེད་དང་ཐབས་སྡུག།
གཞན་ལ་བལྟས་ན་ཡི་མུག་གི་རང་བཞིན།།
ཅི་ལ་བསམ་ཀྱང་སྙིང་པོ་ནི་མ་མཆིས།།
མང་དུ་ཐོས་ཀྱང་ཚིག་སྐམ་གྱི་གཤར་སྦྱངས།།
འཆད་སྤེལ་བྱས་ཀྱང་དམ་ཉམས་ཀྱི་སྒྲུབ་ཐབས།།
ལྷག་བསམ་བསྐྱེད་ཀྱང་གཡོ་ཟོལ་དུ་མཐོང་བའི།།
དུས་ངན་སྙིགས་མའི་སྤྱི་ལུགས་ལ་གཟིགས་དང་།།
བསམ་པ་དགེ་ཡང་སྟོབས་འབྱོར་གྱིས་དབེན་པས།།
གཞན་ལ་ཕན་པའི་གོ་སྐབས་ནི་མ་མཆིས།།
མི་ཚེ་ཐམས་ཅད་དོན་མེད་ཀྱི་བྱ་བས།།
རང་གཞན་གཉིས་མགོ་བསྐོར་བ་འདི་མཐོང་ངམ།།
དྲག་དྲག་མགོན་ཅན་ང་རྒྱལ་གྱིས་སྦོམ་ཤིང་།།
ཞན་ཞན་རྣམས་ནི་ལྟོ་གོས་ཀྱི་ཁོལ་པོ།།
ཀུན་ཀྱང་བླུན་ཞིང་གཏི་མུག་གི་རང་བཞིན།།
འདི་འདྲས་རྒྱལ་བསྟན་ཇི་ལྟར་རང་འཛིན་ཨང་།།
མཁས་པ་ཕལ་ཆེར་ཆགས་སྡང་གི་ཚང་ཚིང་།།
གྲུབ་ཐོབ་རློམས་འགའ་བདུད་རིགས་ཀྱི་སྒྱུ་འཕྲུལ།།
གངས་དཀར་ཏི་སེའི་རྒྱངས་སྒྲ་ལྟར་མཐོང་བས།།
ད་ནི་རང་ཚོད་རང་ཉིད་ཀྱིས་ཟུངས་ཤིག།
དགོན་གོག་ཁ་འཛིན་དམྱལ་བ་ཡི་ཚོགས་ཁང་།།
བསྒྲིགས་དང་གྲྭ་ས་ཟིན་མེད་ཀྱི་སོ་ནམ།།
སྦྱིན་བདག་ངོ་སྲུང་མགུ་འཁང་གི་རང་བཞིན།།
ཅིས་ཀྱང་སྙིང་པོ་མེད་པ་ལ་སོམས་དང་།།
ཕར་ལྟོས་བླ་དཔོན་རེ་དོགས་ཀྱི་འབྱུང་གནས།།
ཚུར་ལྟོས་འཁོར་སློབ་སྡུག་བསྔལ་གྱི་ཞིང་ས།།
འདུལ་རྒྱུའི་དགྲ་བོ་ཞེ་སྡང་གི་བུད་ཤིང་།།
བསྐྱང་རྒྱུའི་གཉེར་ནོར་འདོད་ཆགས་ཀྱི་གཡབ་མོ།།
དེ་འདྲའི་དཀའ་ལས་དོན་མེད་ཀྱི་བྱ་བཞག།
སྨྱོན་པའི་ཟློས་གར་རྩེ་བ་ལྟར་མཐོང་ནས།།
བློ་སྣ་ཐུང་ངུས་སློབ་དཔོན་དང་འགྲོགས་ཏེ།།
མི་མེད་དབེན་པའི་རི་སུལ་དུ་གཤེགས་ལ།།
འཕགས་དག་མཁས་པའི་ཞལ་ལུང་གི་བདུད་རྩི།།
དེ་སྔ་ཐོས་པ་དེ་ཙམ་གྱིས་ཆོག་གི།།
ཐོས་དང་སྙིང་པོར་དྲིལ་བ་ཡི་ཉམས་ལེན།།
ད་ནི་མ་རན་དགུ་རན་དུ་འདུག་གོ།།
གལ་ཏེ་སྒྲུབ་པ་མ་བྱུང་དུ་ཟིན་ཀྱང་།།
རང་གཞན་གཉིས་མགོ་བསྐོར་བ་འདི་སྤངས་ནས།།
ཆགས་སྡང་མེད་པའི་གར་སྐྱིད་ཀྱི་ཡུལ་དུ།།
བཟའ་གཏད་བྲལ་བའི་སྤྱོད་ཚུལ་ལ་ཞུགས་ཤིག།
འཇམ་དབྱངས་མཁྱེན་བརྩེ་དབང་པོས་ཐོལ་བྱུང་དུ་སྨྲས་པའོ།།
སྤྱིར་བརྩོན་འགྲུས་ཅི་ཙམ་བརྩམས་ན་འབྲས་བུ་དེ་ཙམ་ཡོད་པ་དེ་སྤྱིར་བཏང་གི་གཏན་ཚིགས་ཤིག་ཡིན་ཀྱང་། དངོས་ཡོད་འཚོ་བའི་སྟེང་། བརྩོན་འགྲུས་གཅིག་པུས་མི་ཆོག་སྟེ། ཀླད་པ་གྲིམ་དགོས། དཔེ་ཆ་ལྟ་ཤེས་དགོས། སློབ་སྦྱོང་བྱེད་ཐབས་ཤེས་དགོས། དེ་བས། སློབ་སྦྱོང་གི་འབྲས་བུ་ནི་མཐའ་གཅིག་ཏུ་བརྩོན་འགྲུས་ཀྱི་དབང་དུ་གྱུར་པ་ཞིག་ཀྱང་མ་རེེད།
—— བདུད་ལྷ་རྒྱལ།
—— བདུད་ལྷ་རྒྱལ།
༼བོད་བཙན་པོའི་དུས་ཀྱི་རྡོ་རིང་བཅོ་ལྔ།༽མཚར་སྡུག་འོད་སྟོང་འབར་བའི་བཙན་པོའི་དུས་ཀྱི་དངོས་ཡོད་ལོ་རྒྱུས་དེ་དག ཆོས་སྨྲ་བ་ཚོས་སྒྲུང་གཏམ་འབའ་ཞིག་གིས་ཕྱི་ཤུན་སྤྲད་དེ་ཁྱུར་མིད་བཏང་རྗེས། ང་ཚོའི་ལོ་རྒྱུས་ཞེས་པའི་ཐ་སྙད་དེ་ནི་མིང་གི་ལྷག་མ་ཙམ་དུ་གྱུར། ཡིན་ཡང་ལོ་ངོ་སྟོང་ཕྲག་ལྷག་ཙམ་ལ་ཁ་ཆར་དང་བུ་ཡུག་ཁྲོད་དུ་དཀྲོང་ངེར་འགྱིང་བའི་རྡོ་རིང་འདི་དག་ཁོ་ནས། ང་ཚོ་ལ་རིགས་རྒྱུད་ངོ་སྤྲད་ཅིང་སྨྲ་ཤེས་དོན་གོ་བའི་མི་ཞིག་གི་ཐོབ་ཐང་བྱིན། དེ་བས་ང་ཚོ་ལ་ང་རྒྱལ་ཞེས་མགོ་བོ་མཐོ་རུ་འདེགས་བྱེད་དང་། ལ་རྒྱ་ཞེས་གཞན་སུ་ལ་མི་སྒུར་བའི་རང་གཤིས་འདི་ཡོད་པ་རེད།
✋热门推荐