[東方日報]馬國開火鍋店遇封城 龔嘉欣苦撐緊張到停經
2021-03-02

「少婦聯盟」陳凱琳（Grace）、龔嘉欣及譚凱琪（Zoie）近日為邵氏節目《師父有請》任嘉賓，大談生意經。Grace透露父親是生意人，從未施加女承父業的壓力，她近年投資6位數字推出自家落妝棉，亦只是為了興趣：「生咗小朋友想多啲時間留喺屋企，又想保持工作，等個人會醒目啲，但我真係唔叻，所以搵拍檔幫手。（點揀拍檔？）揀本身有做開生意、係成功嘅，對方仲要話我知唔會畀呢件事衰，有呢個想法令我更有信心。」

譚凱琪嘆生意難做
而嘉欣近年於馬來西亞開火鍋店，所有細節由自己一手包辦：「火鍋利潤好高，當地仍然有明星效應，我哋去到都幾受歡迎呀！近排因為疫情要封城，生意有影響，我仲要畀員工包食包住，但難得遇到一班肯為你做嘅同事，所以惟有守住先。」她形容感覺血在流，更曾因壓力大一度停經。
至於曾經營過餐廳的Zoie，因種種因素無法繼續維持，最終選擇結束，她說：「做生意真係好難，特別係管理，樓面同事話請假就請假，真係好難搞。但如果好幫得手嘅廚師，我哋就會畀佢入股，咁樣佢會做得投入啲。」主持麥玲玲亦分享其獨特的生意模式：「因為命格問題，我唔可以真金白銀拎出嚟投資，好似同拍檔合股吉祥物生意，都係佢代我出資，我話保證一個月就會翻本，果然一個月就翻到本。」

[東方日報]洛雯宣傳冇影 婚事成話題
2021-02-15

郭晉安、譚俊彥、譚凱琪（Zoie）及王君馨等昨午現身電視城，宣傳新劇《失憶24小時》。有份參演的湯洛雯缺席卻成為風頭躉，幾位主角不約而同討論她的「婚事」，當記者打趣指她忙於與男友馬國明慶祝生日兼過情人節，郭晉安笑說：「咁唔好搞佢啦，最緊要聽晚（今晚）記得開電視。（有傳靚湯8月結婚？）恭喜晒呀，我8月得閒，但應該唔係喎。」
君馨及Zoie則大讚馬國明是好男生，倘若屬實是喜事。兩位人妻談到情人節即冧爆，Zoie笑說：「好早就起咗身，情人節活動係餵奶同換片。出門口嘅時候老公提議話晚飯煮麵，佢想見多我幾面啩。」君馨即接口：「老公煮咗個早餐畀我breakfast in bed，呢樣係我嘅喜好。」

一年不見感情依舊　楊秀惠譚凱琪相聚談育嬰

楊秀惠與譚凱琪（Zoie）在電視劇《大帥哥》為爭寵時常大鬥法，私底下卻姊妹情深，去年兩人齊齊升呢做媽媽，一年多沒見面，之前就一起帶女兒相約見面，更在ins發布照片，譚凱琪寫道：「相隔一年終於見面，我們的感情依舊，唯一唔同嘅，就係大家都多了個身份，我們一起努力吧。」楊秀惠表示一年多不見，再次見面時感情依舊，「終於帶寶寶去探望你了，超想念你！帶猜我們今天都在聊什麼？」Zoie留言：「你同我對上一次見的樣子和身材都沒變，就是多了個可愛的寶寶。」兩位靚媽的話題當然少不了談湊女經，楊秀惠勉勵說：「努力餵奶換片吧。」

#杨秀惠[超话]##杨秀惠##谭凯琪[超话]##谭凯琪#