今日想同大家分享下清屋個案️
事主嘅太太話搬入新屋冇耐，丈夫就腸胃不適，期後病情惡化，仲需要切除壞死咗嘅腸臟！
留醫期間，丈夫同太太講，話感覺到陰邪騷擾，好多人係佢耳邊講野，而且開始見到啲普通人見唔到嘅野....仲開始語無倫次
太太好無助，唔知如何處理，就搵我哋求助！
我哋稟告俾祖師爺知道後，得到嘅答案的確係有陰邪騷擾事主。無奈喺呢個時勢，醫院唔方便出入，我哋怕一拖再拖，事主會被陰邪騷擾到更嚴重嘅地步 ---- 被奪舍！
我哋就用祖師爺傳落嘅法門，「隔空飛符」及「飛僮」到醫院，將纏繞住事主嘅陰邪驅趕並且醫病，好快事主恢復正常，冇再講啲奇怪野。

期後，我哋去到事主屋企清屋，發現新屋嘅環境唔錯，鳥語花香，唯獨係神枱上嘅觀音像出現問題！
我哋上到事主屋企時，陰氣唔算好強，顯然係陰邪知我哋嚟「踩場」，一早已經逃走咗！（呢個係普遍高級靈體嘅做法）
但當我哋用方法引返佢現身嘅時候，陰氣變返強勁喇！此時，徒弟仔就用僮身將佢逮捕
徒弟仔做完哂後，講返見到果個高級靈體喺觀音像度現咗個樣俾佢睇，個樣仲好得戚咁，感覺似係話：係我呀，吹咩！
而呢隻靈體仲係動物嚟，但乜野動物都唔係，成面毛，外貌似電影嘅「小魔怪」
聽到人哋毛管都戙埋...
問返太太，事主有冇話見過啲咩奇怪野？
太太：「佢話見到龍爪... 同埋動物」
原來事主唔係亂講野，其實係佢睇到啲正常人睇唔到嘅野，好唔好彩靈體俾佢見到真身，講返出嚟，平常人聽落匪夷所思，就當語無倫次

再同太太傾談中，發現佢哋搬屋時出現嘅問題：
❌冇擇日子入伙
❌舊屋搬神像時，儀式冇做足
❌大神唔到時，繼續裝香，而且郊外地方易有山精妖魅，完全等於招陰

所以話，老一輩講嘅禁忌傳到今時今日係有原因
唔做足嘅話，後果可以好嚴重

希望大家喜歡我今次嘅分享

#繼續疫情下加油
#以後唔敢睇小魔怪

多謝各位 send 俾我嘅cap圖，留言同 pm。

可能你哋噚晚睇完，都會同上次婚禮整蠱一樣，
會問以下類似嘅問題：
1.「你真係唔知㗎？」
2.「冇理由咁都睇唔出喎？」
3.「點解當時你會咁咁咁嘅？」
4.「點解當時你唔點點點嘅？」

我一次過解答大家：
1. 呢條問題係最多人問嘅，如果我一早知，我會同佢哋講，我已經知道咗，不如你哋整蠱過第二個啦
2. 當你好專心，好認真去做緊主持嘅時候，根本唔會特別去留意其他無謂嘢
3&4. 真係冇得解，純粹係當時喺現場嘅即時本能反應

最後好多謝咁多位觀眾同網友有睇呢一個節目，
希望下次我唔會再成為被整蠱嘅對象啦。

獲「校長」#譚詠麟#欽點、由主播成為環球力捧歌手的#陳凱詠#（Jace）天生皮膚黝黑，自爆小時候曾被歧視，有幼稚園同學仔取笑她：「我哋班嚟咗個非洲嘅同學呀！」升讀中學後又有同學問：「你咁黑，係咪賓妹嚟？跑步你實跑得最快啦！」不過，Jace與這班同學至今仍是老友，她笑說：「細個我係黑到咁嘅，唔怪得佢哋。嗰時點解咁樣講嘢？點解要用我嘅膚色去笑其他種族同埋我呢？我覺得所有嘢係錯晒，點解審美觀係要用一個人嘅膚色去決定？因為細個嗰陣我哋係無知嘅，佢哋覺得搞笑，嗰刻唔覺得係種族歧視，唔知原來咁會傷害到人哋嘅自尊或者心情，係出於無知，但無知可以係無辜，不知者不罪，所以我冇太唔開心。」Jace笑言膚色遺傳自父親，父母以往每年都會帶她去泰國旅行：「好似曬燈咁補一補，黑嘅人曬完唔會紅或者甩皮，係直接變黑，黑完永遠唔會白番！」她表示近年已經少曬太陽，但會用防曬，因為明白化妝、影相或拍戲時，打燈同事的苦處：「有導演講過剪片時，要將我同隔籬個女仔分開調色，因為我太黑！之前同Yanny（女子組合Super Girls成員）影相，佢好似反光板咁，顯得我仲黑，真係好難搞。」談到新歌《天生二品》，她指每個人都是獨特的，但自揭壞毛病：「成日質疑自己，唔知點解對自己好嚴苛，覺得做得唔夠好而唔鍾意自己。」她坦言入行前曾被朋友彈她不適合做歌手，認為她做事只有三分鐘熱度：「嗰啲所謂難聽說話，『你都唔夠靚、咁鬼黑o架、咬字唔知唱乜、扮晒跳舞叻』，都冇乜所謂，影響唔到我。」