སྤྱི་ཚོགས་ལ་འཇུག་པའི་འདུ་ཤེས་ཆེ་བ། གཞན་ལ་སྐྱབས་མི་འཆའ་བ། ཤེས་བྱ་ལ་འབད་པ། གནས་ལུགས་རྒྱུ་འབྲས་རྩི་བ། མི་གཞི་ལེགས་པོར་མོས་པ་བསྐྱེད་པ། མི་ཡི་རྩིས་ཐང་སྲུང་བ། འཚོ་གནས་ལ་དུངས་པ། ཁྲིམས་ཤེས་པ། ལས་ལ་བརྩོན་པ། མི་ཚེ་དོན་དུ་གཉེར་བ་སོགས་ནི་འཇིག་རྟེན་པའི་སྐྱེས་བུ་གསུམ་གའི་ཐུན་མོང་གི་ལམ་དུ་འཇོག་ཆོག་ཅིང་། ཚེ་གང་ལ་དོན་གཉེར་མི་ལྷོད་པའི་མི་ཆོས་ཀྱི་གཙོ་བོ་ཡིན། ཁྱད་པར་དུ། འཇིག་རྟེན་མི་ཆོས་ཀྱི་འབྱུང་ཁུངས་འཚོ་གནས་ལ་རག་ལས་ཤིང་། འཚོ་གནས་ཀྱི་རྩ་བ་བདག་ལ་ཐུག་ཡོད་པས། སྔོན་ལ་བདག་དོན་ལེགས་པར་འགྲུབ་དགོས་པ་མི་ཆོས་ཀུན་གྱི་རྩ་བ་རེད།

—— 《དོགས་སློང་སྙིང་སྟོབས》ལས།

དམར་པོ་རི་ཡི་སྟེང་ལ།། མཛེས་སྡུག་ཉི་འོད་འཕྲོ་བའི།།
ཕོ་བྲང་དཀར་པོ་མཇལ་ཚེ།།

རང་སེམས་དགའ་བས་ཁེངས་སོང་།།

བརྗིད་ཉམས་སེང་གེ་འགྱིང་བས།།

ང་རོ་སྒྲོགས་པ་མེད་ཀྱང་།།
ལུས་ལ་གསོན་ཤུགས་བརྟས་པས།།

ཕྱིར་དྲན་སེམས་ལ་བཞག་སོང་།།

ལོ་རྒྱུས་སྒོ་མོ་རེ་རེ།།

ཁྱེད་ཀྱི་ངོས་སུ་གསལ་ཡོང་།།
བཙན་པོའི་མཛད་རྗེས་ཁ་བ།།

ཁྱེད་ཀྱི་པང་ནས་མཐོང་བྱུང་།།

མཛེས་སྡུག་སྐྱིད་ཆུ་རིང་མོའི།།

བཞུར་རྒྱུན་ཆད་པ་མེད་པས།།
ལོ་ངོ་སྟོང་གི་འདས་དོན།།

ཡིད་ལ་ཝ་ལེར་འཆར་བྱུང་།།

དད་འདུན་ཀློང་གི་ཕོ་བྲང་།།

མཇལ་འདོད་སྙིང་ལ་བཞག་ནས།།
ལོ་ཟླ་ཡུན་རིང་འགོར་ཡང་།། རེ་འདོད་གྲུབ་པས་སྐྱིད་སོང་།།

ཁྱུང་སྨུག་ལོང་གིས། https://t.cn/Rp7W8xr

གུས་པའི་བརྩམས་ཆོས《སྟོན་མཆོག་ཐུབ་པའི་དབང་པོ་རྗེས་སུ་དྲན་པའི་གཏམ་དད་པའི་རྒྱུད་མངས་དཀྲོལ་བའི་རང་སྒྲ》ཞེས་པ་བོད་ཀྱི་སྙན་ངག་ལོ་དེབ《མཚོ་མཐའི་གླུ་སྐད》དུ་འཁོད།
我的诗歌作品